Мұғалім менің мамандығым эссе балабақшаға

Берекетова Турсын Каманбековна

Ән-күй жетекшісі

Астана қаласы

№55 «Қарақат» балабақшасы

Эссе

Мұғалім-менің мамандығым»

Алғаш мектеп табалдырығын аттап, алғаш рет қолыма қалам ұстаған күннен бастап, менің арманым мұғалім болу еді. Қазір мен өз арманыма жеттім деп ойлаймын. Маған сабақ берген ұстаздарыма, ата-анама алғысым шексіз. «Ұстаздық еткен жалықпас үйретуден балаға» дейді қазақ. Бұл басқа емес, дәл педагог мамандығына арнап айтылған мақал. Әрине, ұстаз деп тек мұғалімдерді айтуға болмайды. Барлық мамандықтың өз ұстазы бар. Менің өміріме бағыт берген, кәсібімді үйреткен, тіршілігіме нәр берген адамның барлығын ұстаз санаймын. Ұстаз болу - кез-келген адамның қолынан келе бермейді. Нағыз ұстаз шәкірттерін «біз жақсы ұстаздан сабақ алдық» деп айтатындай дәрежеге жеткізу керек.

Мектепті аяқтағаннан кейін мұғалімдік мамандықты таңдап, Қызылорда қаласындағы Қорқыт Ата атындағы Мемлекеттік Университетінің музыка факультетіне оқуға түсіп білім алдым. 4 жыл мен үшін өте шықты. Қолыма диплом алып, мектепте музыка пәнінен сабақ бере бастадым. Сол алғашқы ұстаздық күндерім әлі есімде. Тәжірибесі мол мектептегі ұстаздар әрдайым жас мамандарға оқушыларға білім беру үшін бірінші өзің оқып, көп ізденуің керек, оқушыларға тәрбие беру үшін, тәрбиені өзіңнен бастауың қажет деп айтатын. Мектепте мен музыка пәнінің мұғалімі, тәлімгер болып та жұмыс жасадым. Ал, қазіргі уақытта балабақшада музыка жетекшісі болып жұмыс жасаймын. Маған балалармен жұмыс жасаған ұнайды. Мен өз мамандығымды басқа мамандыққа ауыстыра алмаймын. Осы мамандыққа өзімді лайықтымын деп ойлаймын және осы мамандықты таңдағаныма еш өкінбеймін. Жас ұрпаққа білім мен тәрбие беру жолындағы оқушыларымның жетістіктерімен мақтана аламын. Бұл менің жұмысымның жемісі деп ойлаймын.

Жұмысымның нәтижесінде оқушыларымның шығармашылық қабілеттерінің арта түсуіне қол жеткіздім. Оқушыларым қалалық, халықаралық байқауларда жүлделі орындарға ие болды.

2003 ж Қызылорда қалалық мәдениет бөлімі ұйымдастырған «Үкілі кәмшәт» номинациясы бойынша Маханова Гүлзат дипломмен марапатталды.

2006ж Мешталиев Талғат ««Жас ұрпақ» балалар және жасөспірімдер қозғалысы» қоғамдық бірлестігінің алғыс хатымен марапатталды.

2006ж Қалалық қосымша білім беру оқу-әдістемелік орталығы ұйымдастырған «Болашақтың ұланымыз» атты қалалық байқауда Дарханова Әйгерім ІІ-дәрежелі дипломмен марапатталды.

2009ж V қалалық Жас музыканттар «Күмбірлеген домбыра үні» байқауында номинация бойынша лауреат атанып, І-орын дипломмен Бекенова Анель марапатталды.

2010ж Бекенова Анель ІV қалалық «Шаттық» байқауына қатысып, дипломға ие болды.

2011ж Астана қаласы Тілдер дамыту басқармасы ұйымдастырған «Мен - азат елдің ұланымын» атты байқауда Жанғабылова Сабина ІІІ-дәрежелі дипломға ие болды.

2011ж Астана қаласы Тілдерді дамыту басқармасы ұйымдастырған «Отан отбасынан басталады» атты байқауда Ислямовтар отбасы ІІІ-дәрежелі дипломмен марапатталды.

2012ж Сәрсенбаев Ғабит отбасы «Отан отбасынан басталады» атты байқауға қатысып, ІІ-дәрежелі дипломмен марапатталды.

2012ж Астана қаласы Білім басқармасы Тұңғыш Президент күніне орай ұйымдастырған «Біз еліміздің болашағымыз» атты фестивальда Ағабек Арайлым сертификатқа ие болды.

2013ж Астана қаласы жол қозғалысы қауіпсіздігі «Жолда жүру ережесін насихаттау» атты брейн-рингке қатысып грамота алды.

2014ж «Ақ көгершін» VІІІ Халықаралық байқауына Қадылхан Аружан қатысып «Кішкентай ханшайым» лауреат ІІІ-дәрежелі дипломмен марапатталды.

2014ж «Ақ көгершін» ІІ қалалық байқауына Шаяхмет Инаят қатысып «Кішкентай ханшайым» Гран при «Мисс Астана 2014» дипломмен марапатталды.

2015ж ІХ Халықаралық «Ақ көгершін» байқауына Шаяхмет Инаят қатысып І-дәрежелі лауреат атанды.

2016ж X Халықаралық «Ақ көгершін» байқауына Абай Жанел қатысып І-дәрежелі дипломант атанды.

2017ж V қалалық «Ақ көгершін» байқауына Досбол Ақсезім қатысып І-дәрежелі дипломант атанды.

2018 ж VІ қалалық «Ақ көгершін» байқауына Назынбек Амина қатысып ІІ-дәрежелі дипломант атанды.

2018ж ІV Халықаралық Жас дарын өнер байқауына қатысып эстрадалық вокал номинациясы бойынша Ерсайын Шыңғыс ІІІ-орын дипломмен марапатталды.

2018ж Халықаралық Рейтинг Успеха байқауына қатысып эстрадалық вокал номинациясы бойынша Жомартқызы Томирис ІІІ-орын лауреат атанды.

Біздің №55 «Қарақат» балабақшасы «Мектепке дейінгі жаста Мария Монтессори жүйесін тәжірибеге ендіру» атты тақырыппен эксперименттік алаңда жұмыс жасадық. Мен «Мария Монтессори әдістемесін музыка сабағында қолдану» атты тақырыппен жұмыс жасадым. Монтессори педагогикасы – еркін педагогика. Балалар бұл оқу іс-әрекетінде еркіндікті сезінеді. Эксперимент алаңындағы өзімнің практикалық тәжірибемді қалалық, республикалық конференцияларда, семинарларда педагог, мұғалімдермен бөлістім.

Мектепке дейінгі оқу тәрбие жүйесін жетілдіру мақсатында монтессори әдісін музыка сабағында қолдану тиімді. Монтессори материалы арқылы бала затты түсінеді оны қолдануға тырысады. Монтессори материалы қандайда бір іс-әрекетке итермелейді. Таяқша монтессори әдістемесінің басты құралы болып табылады. Бір сызықтың бойымен (шеңбер) жүру тепе-теңдік сақтауға итермелейді. Басқада топтық жаттығулар…