Мұғалімнің кәсіби дамуы туралы педагогтерге арналған баяндама

БАЯНДАМА

МҰҒАЛІМНІҢ КӘСІБИ ДАМУЫ – САПАЛЫ БІЛІМГЕ ЖОЛ АШАДЫ

Ниязова Галия Сериковна

№166 жалпы орта мектебі Жаңақорған ауданы Қызылорда облысы

Елбасымыз Н.Ә.Назарбаев «Сендер қалай білім берсеңіздер Қазақстанның болашағы сол деңгейде болады» деп, ұстаздар қауымын сапалы білім беріп, саналы ұрпақты тәрбиелеуге шақырып отыр. Өйткені, нәтижеге бағытталған білім - оқушының болашақта бір кірпіш болып қалануына жол ашады.

Қазіргі таңда оқушының білім алуына, мұғалімнің де үздіксіз білім көтеруіне, жұмысының сапалы, әрі нәтижелі болуына жан-жақты жағдайлар жасалынған. Себебі, бүгінгі талап - оқушыларды ойландыру, сезіндіру, ақпаратты құралдар арқылы өз беттерінше еңбектеніп оқуға баулыту. Оқушының ой қабілеті шынықса, білім көлемдері де артады, тереңдейді және сапалы тиянақты болады. Мұғалім оқушылардың шығармашылығын, ізденушілігін дамытып, әрқайсысына жеке тұлға ретінде қарап, олардың өздеріне деген сенімін, білімге ынтасын арттыруға мүмкіндік туды. Осы тұрғыдан алғанда мұғалім білім жолында үнемі ізденісте болып, білімін шыңдап отыру, өзге әріптестерімен үнемі байланыста болу – кәсіби дамуына мүмкіндік береді. Біздің тың өзгерістеріміз оқушылардың қызығушылығын арттырып, өздігінен білім алуына, өзін-өзі және бір-бірін бағалауға, өз ойын ашық айтуға бағытталған. Жақсыдан ғибрат ала білгеннің ісі оңға басады» деп Қожа Ахмет Иассауи айтқандай, әріптестерім курстың маңыздылығын түсініп, өз тәжірибелерінде іске асырып, сәтті сабақтардың туындауына жол ашты.

Ұлы ағылшын ағартушысы Уильям Уорд:

Жай мұғалім хабарлайды,

Жақсы мұғалім түсіндіреді.

Керемет мұғалім көрсетеді,

Ұлы мұғалім шабыттандырады – дегендей, кез келген диалектикалық даму үдерісі секілді, білім беру жүйесі мамандардан кәсіби икемділік пен ұтқырлықты, сан қырлы шығармашылық қызмет пен өзін-өзі басқару, өзін-өзі ұйымдастыру жағдайындағы біліктілікті қажет етеді. Мұғалім мен оқушының рөлі аздап басқа арнаға бұрылды. Мұғалім оқушылардың өздігінен білім алуына жағдай туғызып, өзі бағыт-бағдар беріп отыруы қажет.

Алған білімімді қолданбас бұрын мынадай сұрақтарға жауап іздеу көзделді:

Жаңа инновациялық технологиялар - оқушылардың білімді игеру процесін жетілдіре ме?

Неліктен бүгінгі күні білім жүйесінде осы әдіс-тәсілдерді қолдануға аса көп көңіл бөліп отыр?

Осы ойлау жолы оқушылардың білім сапасына қалайша әсер етеді?

Пәнге қызыққан оқушының бiлiм сапасының жоғары болатыны белгiлi. Бiлiмге қызығушылығын тудырғанда ғана сабақ мақсатына жетедi. Ал қызығушылық туғызудың тәсiлдерi өте көп.

Инновациялық технология негізінде үйренушінің дербес қабілет белсенділігін қалыптастыру, оқыту материалдарын өзінше пайдалану арқылы танымдық белсенділігін арттыру алға шығады. Мұның ерекшеліктері мыналар:

- үйренушінің белсенділік іс-әрекетін дамыту;

- оқыту мен үйретудің өзара үйлесімділігін қалыптастыру;

- үйренушінің танымдық үрдіске белсенді қатысуын анықтау мүмкіндігі;

- көрнекілік құралдарын көбірек пайдалану арқылы сезіміне, қабылдау эмоциясына әсер ету.

Инновациялық технологияны нәтижеге бағытталған оқыту деп баса айтуға болады. Сонымен қатар білім сапасын да айтарлықтай арттырды. Оған төмендегідей біліктіліктер тізімін аламыз:

қарым-қатынасқа түсе алу қабілеттіліктері;

әлеуметтік қарым-қатынастарға бейімділік;

талдау жасай алу қабілеттері;

проблемаларды шеше алу;

құндылықтар туралы өзіндік пікір білдіріп шешім шығара білу дағдылары;

шығармашылық шеберліктерді игеру және өзгелердің шығармашылығын

қабылдай білу дағдылары;

азаматтық жауапкершілік;

қоршаған әлем өміріне жауапкершілікпен араласу;

рухани, заттық кұндылықтарды жасай алу және сақтай білу дағдылары;

ілімнің кұралы ретіндегі технологияларды қолдана алу дағдылары;

өмірі мен карьерасын жоспарлай алу дағдылары.

Нәтижеге бағытталған білім беру әлеуметтену процесіне қоғамды, түрлі қауымдастықтарды тартуды карастырады. Осы мақсатта аталған проблемамен айналысатын кәсіби қауымдастықтар арасында өзара күш біріктіру үшін қарым-қатынастар орнатып, білім берудің мақсаттары мен нәтижелері турасындағы талқыға бүкіл қоғамды қатыстыру жұмыстары жүргізілуде.

Екінші (негізгі) деңгейлік курста оқып жүріп, менің жалпы білім беру үдерісіне деген көзқарасым мүлде басқа арнаға өзгерді. Курс барысында қабылдаған тың жаңалықтарды өз тәжірибемде қолдануға асықтым. Өйткені жаңа модульдер, білім беру үдерісін ұйымдастыру жолдары оқушының сапалы білім алуына, пәнге деген қызығушылығының оянуына жол ашатынына көзім жетті.

«Адамдардың ең жақсысы – басқаларға пайдасы тигені» демекші, мектебімдегі ұстаздарыммен коучинг түрінде жаңалықтарыммен бөлістім. Ола да өздерінің пәндеріне қарай берілген әдіс-тәсілдерді түртіп алды. Әсіресе, топқа бөліну, топпен, жұппен жасаған жұмыстары, сергіту сәттері көңілдерінен шықты. Бұл жерде ақпараттық коммуникациялық технологияның мүмкіндігін пайдаланып, көп нәтижеге қол жеткізуге болатынын аңғардым.

Қазіргі талап – үздіксіз білім алу, білім шыңдау. Ұстаз қашанда ізденіп, заман ағымына қарай өзгере отырып жұмыс жасаса, оның еңбегі жемісті болмақ.

Сабақта жас ерекшелікке сәйкес оқушылардың танымдық қабілетін дамыту, соның ішінде оқуға деген қабілеті мен зейінін, сөз сөйлеу дағдыларын, ойлау қабілеттерін қалыптастыруды алға қойған жөн.…