Мұғалімнің кәсіби дамуы туралы химия пәніне эссе

Малдагулова Динаш Кожахметовна

Мұғалімнің кәсіби өз білімін жетілдіруі және өзін-өзі дамытуы –

педагогикалық шеберлікке бастар жол

«Сабақ беру – үйреншікті, жай ғана шеберлік емес,

ол –үнемі жаңаны табатын өнер» М.Жұмабаев.

Қазақстанда өркениетке бастар жолдың бастауы – мектеп десек, мектептің басты тұлғасы, жүрегі – мұғалім. Мектеп жұмысы мен оқушы жетістіктерін өрістетудегі негізгі тұлға – ұстаз, ал ұстаз заман талабына сай болуы үшін – әрқашан ізденуді, білімдерін жетілдіруді, жан-жақты, білікті,білімді болуды талап етеді.

Оқушыларға сапалы білім беру мәселесі – өмір талабынан туындайтын білім беру саласындағы өзекті мәселелердің бірі. Кәсіби білімді мұғалім қоғам талаптарына сәйкес болу үшін өзінің білімін жетілдіре,мінез-құлқын тәрбиелей,шығармашылық даму шараларын жүзеге асыра білуі керек. Нағыз мұғалім - өзін-өзі дамытып отыратын тұлға. Мұғалімнің кәсіби дайындығы,білім мен біліктері,оқу үрдісінің дұрыс бағытта жүруі тек шығармашылық қызмет арқылы жүзеге асады.

Балаға қалай бағыт берсең, сол жаққа қарай өседі. Сондықтан баланың

бойында жақсы қасиеттердің болуына, олардың жан-жақты дамуын,

рухани бай тұлға болып қалыптастыру ұстаздың қолында деп ойлаймын.

Осыған орай республикамызда орта білім беру мазмұнын жаңарту аясында

мұғалімдердің оқыту тәжірибесін жетілдіру қажеттілігінің маңызы арта

түсуде.

Бүгінгі таңда мұғалімдер тек сабақ беріп қана қоймай, оқушылардың сабаққа деген қызығушылығын оятып, ынтасын да бақылауда ұстауы керек. Оқыту туралы көзқарасқа тоқталар болсам, бағдарламаның басым бөлігінде түрлі тәсілдер қарастырылғанына қаpамастан, сындарлы оқыту теориясы негіздері қамтылған."Жақсы мұғалім" деген атқа түрлі әдістерді меңгеріп, соларды оқытуда қолдана білу арқылы ғана жетуге болады. Сонымен қатар, бірнеше әдісті меңгеріп қана қоймай, өзіне қажет әдісті тауып,пайдалана білу керек",- деп ғұлама Ахмет Байтұрсынұлы айтқандай, сабақта Бағдарламаның жеті модулін қамтығанмен, солардың ішінен ең тиімдісін өз сабағымызға бейімдеп аламыз, дей тұрғанмен таңдаған модуліміз Бағдарламаның 7 модулімен тығыз байланысты екенін естен шығармаған жөн.

Оқушыларға әртүрлі сұрақтар мен тапсырмалар беру барысында оларды орындауына уақыт бөліп, тыңдап, түсіністікпен қарап, бірін-бірі оқытуына мүмкіндік берген жөн. Сонда ғана оқытуда оқушылар өздеріне деген жауапкершілкті сезінеді, өзіне деген сенімі күшейіп, оқуға деген белсенділігі артады. Білім үдерісінің нәтижелі болуы оқушының өздігінен меңгеріп, өзі үшін оқу керектігін түсінуі болып табылады.Топтық жұмыстың артықшылығы оқушылар берілген тапсырмаларды топта талдап, басқа топтарда толықтыру арқылы бір-біріне көмек көрсету арқылы, нашар оқитын балалар да сабаққа тартыла бастады.

Сабақтар барысында оқушылардың жеке, жұптасып, топтасып жұмыс істейтіндей тапсырмалар дайындадым. Мысалы, ноутбуктан «Bilim land» сайтының ресурстарынан әр топқа жаңа тақырып бойынша тапсырмалар беріліп, оқушылар өз беттерімен жаңа тақырыпты меңгерді. Сол жаңа тақырып бойынша тақтада жұмыс істейді. «Постер», "Кластер", "Сұрақ бізден, жауап сізден", "Кезектесіп қайталау" сияқты әдіс-тәсілдер оқушылардың жеке және жұппен жұмыс жасауына мол пайдасын тигізді.Сонымен қатар бұл…