Мұғалімнің рефлексивті есебі бойынша материал

Оқыту мен оқуда өзгеріс енгізілгенін және оны қалай басқарылғанын көрсететін / растайтын тізбектелген сабақтар топтамасы өткізілгені туралы рефлексивті есеп

“Біз осы заманғы білім беру жүйесінсіз, әрі алыстыбарлап, кең ауқымды ойлай білетін осы заманғы мұғалімдерсіз инновациялық экономика құра алмаймыз”

Н.Ә.Назарбаев

Мұғалімдердің алдына қойылып отырған басты міндеттерінің бірі – оқытудың әдіс-тәсілдерін үнемі жетілдіріп отыру және жаңа педагогикалық технологияларды меңгеру. Ұстаз үшін ең басты мәселе – оқыту әдісін дұрыс таңдау. Жаңа педагогикалық технологиялар оқушының жеке тұлғалық күшін арттырып, шығармашылық ойынының дамуында басты рөл атқарады. Жаңа технологияларды меңгеру мұғалімнің зияткерлік, кәсіптік,адамгершілік, рухани, азаматттық және де басқа да көптеген адами келбетінің қалыптасуына игі әсерін тигізеді, өзін – өзі дамытып, оқу – тәрбие үрдісін тиімді ұйымдастыруына көмектеседі. «Өз еңбегін талдай білген адам ғана тәжірибелі ұстаз бола алады» деген В.Сухомлинскийдің сөзін оқытушының талмай ізденген еңбегінің нәтижесінде ғана көрінетіні белгілі. Қазіргі кезде білім мен техниканың даму деңгейі әрбір оқушыға сапалы және терең білім беруіне жағдай жасап отыр. Оқытушы бағыт береді, әңгімелейді,ал оқушы тыңдайды,қабылдайды, ойлайды т.б. таным әрекетерін жасайды. [Сыни тұрғыдан ойлауға берілген ресурс]

Бағдарламаның басым бөлігінде түрлі тәсілдер қарастырылғанына қарамастан, сындарлы оқыту теориясын қамтыған.Курстың мақсаты – педагогтардың қарқынды өзгеріп жатқанәлем жағдайында үздіксіз кәсіби дамуға дайындау, жаңа инновациялық әдіс-тәсілдерді қолдануға үйрету кәсіби, теориялық және практикалық жағынан озық мұғалімдерді даярлау болып табылады. Сондықтан мектеп мұғалімдерінің біліктілігін арттырудың 3 айлық курсына баруым керек деп таптым. Сонымен 3 айлық курстың бірінші бетпе-бетінде алған теориялық білімімді практикада ұштастырудамын. Алдыңғы тәжірибемде топқа бөлуді пайдаланатынмын. Бірақ, топқа бөлуді егжей - тегжей түсінбейтінмін. Оқушыларды топқа бөлуде бірнеше әдістерді қолдандым. Осы әдістер арқылы топқа бөлуде оқушыларда ерекше көңіл күй болды. Жеті модульді қалай кіріктірсем сабағым нәтижелі болады деген ойда болдым. Бастапқыда сабақ жоспарлағанда жеті модульді кіріктіру қиындық туғызды. Әріптестермен кеңесе отырып құрдым. Сабақтарыма

Оқыту мен оқудағы жаңа тәсілдер;

Сыни тұрғыдан ойлауға үйрету;

Оқыту үшін бағалау және оқуды бағалау;

Оқыту мен оқуда ақпараттық – коммуникациялық технологияларды (АКТ) пайдалану;

Талантты және дарынды балаларды оқыту;

Оқушылардың жас ерекшеліктеріне сәйкес оқыту және оқу;

Оқытуда басқару және көшбасшылық

модульдерін кіріктірдім. Бұл жеті модульдерді осыған дейінгі сабақтарымда кездесетіндігін байқадым. Бірақ бір сарындылық, яғни жүйеліктің болмауынан кем тұстарын байқадым. Сындарлы оқытудағы жеті модульді тиімді пайдалана отырып, бір жүйелікті қалыптастыруға дағдыландым.3-деңгей бағдарламасын меңгергенім .

Сабақ үстінде оқушыларға бұйырып, дауыс көтеріп сөйлеуге, сенің жауабын дұрыс емес деп тікелей айтуға болмайтынын білдім. Оқушы өзін еркін ұстауға, ойын ашық айтуға жағдай жасау қажет екен. Сонда ғана оқушыда сенімділік, қорқу сезімдері болмайтынына көзім жетті. Өзіне сенімсіз бала өз ортасынан алшақ жүруге, өз бетімен шешім қабылдауға қорқақтық танытады. Сондықтан оқушының ойын соңына дейін тыңдау және оқушының пікірін назарда ұстау керектігін түсіндім. Баланың дұрыс емес жауабына түрткі сұрақтар қою арқылы оқушы өзінің қатесін басқа оқушының айтқан жауабымен салыстыру арқылы дұрыстап, оқушы өзін-өзі реттейтіндігін түсіндім.Өздерінің оқуына саналы түрде қарайды, тапсырмаларды шешу үшін өзіндік әдіс-тәсілдерді қолданады, сондай-ақ өздерін оқушы ретінде сезіне бастайды. Өзін-өзі реттеу мен метатанудың мұндай дағдыларын дамыту бұл балалардың саналы оқушы болып шығуларының кілті екендігі мұғалімдерге арналған нұсқаулықта көрсетілген.

Оқушы оқулықпен ғана шектеліп қалса, оқулықтан алған мәлімет ұзақ есте қалмайтындығын байқадым. Яғни, оқушы өзін-өзі реттей алмайды, өз ойын дәлелдей білмейді. Сондықтан оқушыға тапсырманы орындау барысында сыни тұрғыдан ойлап, сыни көзқараспен қарап, өз шешімін айта білсе, алған білімін шыңдай түседі. Сыни тұрғыдан ойлау «ойлау туралы ойлану» деп сипатталған. Ол маңызды мәселелерді талқылау және тәжірибені ой елегінен өткізуді қамтиды. Сыни тұрғыдан ойлау– бақылаудың, тәжірибенің, ойлау мен талқылаудың нәтижесінде алынған ақпаратты ойлауға, бағалауға, талдауға және синтездеуге бағытталған пәндік шешім. Ол болашақта әрекет жасауға негіз бола алады. Сыни тұрғыдан ойлау көбінесе қарсы пікір айтуға, баламалы шешімдерді қабылдауға, ойлау және іс-әрекетімізге…