Мүмкіндігі шектеулі балаларға инклюзивті білім беру

Қостанай облысы, Арқалық қаласы

Ш.Уәлиханов атындағы №1 жалпы

орта білім беретін мектебі

Оқу ісінің орынбасарлары: А.Б.Сарымсакова , С.Т.Какенова

Орта мектепте мүмкіндігі шектеулі балаларға инклюзивті білім беру

Қазіргі таңда жалпы орта білім беруде барлық бала қамтылса да, мүмкіндігі шектеулі балаларды оқыту өзекті мәселе күйінен түспей тұр. Олардың қатары жыл сайын өсуде. Сондықтан да жарымжан балаларға білім беру жүйесін жетілдіру аса қажет.

Инклюзия бұл-қазіргі кездегі қажеттілік. Әр баланы жеке тұлға ретінде қарастырғандықтан, ерекше қажеттілігі бар балаларға әлеуметтік ортға кіру үшін отбасынан бастап басқа орта керек, басқа балалармен араласу керек, ата-анадан басқа мұғалім керек.

Инклюзивті білім берудің негізінде балалардың қандайда бір олқылықтарын жою, барлық адамдарға деген теңдік қатынасты қамтамасыз ету, сонымен бірге оқытудың ерекше қажеттілігі бар балалаларға арнайы жағдай қалыптастыру мақсаты жатыр.

Инклюзивті білім беру-мүмкіндіктері шектеулі балаларды оқытып үйретудің бір формасы. Бұл арнаулы білім беру жүйесінде дәстүрлі түрде қалыптасу және даму үстіндегі формаларды ығыстырмайды. Нағыз инклюзив білім берудің екі жүйесін жалпы және арнаулы жүйелерді бір-біріне қарама-қарсы қоймай қайта жақындатады.Жалпы білім беретін мектепте сау балалар мен мүмкіндігі шектеулі балалардың бірлескен түрде қуын ұйымдастыру консилиум арқылы әзірленеді. Консилиумға мектептің пән мұғалімдері, педагог-дефектологтар, психологтар қатысады. Жеке бағдарлама есту, сөйлеу, көру, қозғалу мүшелері тағы басқа ақаулықтары бар оқушылардң танымдық мүмкіндіктеріне қарай бейімдетіледі.

Денсаулығына байланысты мүмкіндігі шектеулі балалардың барлық ерекшеліктері бірлескен оқу мен тәрбиелеу төңірегінде тоғылып, педагогтардың үнемі назарында болады.

Осы оқушылардың оқып-үйренудегі қиындықтарын дер кезінде анықтау, орларға коррекциялық-педагогикалық қолдау көрсету, сондай-ақ білімді игеруге байланысты қол жеткізген деңгейі туралы оқушылар мен ата-аналарды хабардара етіп отыру пән мұғалімдері, психолог, арнаулы және әлеуметтік педагогтар тығыз ынтымақтастықта бірлесе жұмыс жасау нәтижесніде іске асады.

Мемлекетіміздің әрбір азаматы-ұлттың құндылықтарымыз, әр бала еліміздің ертеңі. Сондықтан да, әрбір мүмкіндігі шектеулі балалардың сапалы білім алып, саналы азамат болып қалыптсуына жағдай жасау педагог қауымының міндеті.

Қостанай облысы, Арқалық қаласы

Ш.Уәлиханов атындағы №1 жалпы

орта білім беретін мектебі

Оқу ісінің орынбасарлары: А.Б.Сарымсакова ., С.Т.Какенова