Музыка кафесі музыкалық сайысының сыныптан тыс сценарийі

"Музыка кафесі"

музыкалық сайыс

Мақсаты: Оқушылардың логикалық ойлау қабілеттерін, әр түрлі жағдайда тапқырлық таныта білуге, ұйымщылдыққа баулу. Өнерді құрметтеуге, заман талабына сай музыкалық элементтермен әнші, композиторларды тани білуге үйрету.

Қатысушылар: 2 топ "Балмұздақ" тобы мен "Сусындар" тобы

Барысы:

Ас мәзірі (сайыс турлары)

1. "Мәңгі ұмытылмас" салаты (жалпы сұрақтар,логикалық сұрақтарда бар)

2. "Мақал қосылған винегред" салаты (өнер туралы мақал мәтелдер)

3. "Музыкалық кеспе" (7 нотадан сөз құрау)

4. "Тез пісір" құймағы (әнді табу)

5. "Тұшпара" (көрермендерге сұрақ)

6. Десерт (жұлдызды жұмбақ)

Олай болса командалардың толық ұпайларын есептеу үшін қонақтар арасынан бір дегустатор сайлап алайық.

Ендеше командаларға сәттілік тілеп, ойынымызды бастаймыз.

Бізде ас мәзірінде бірінші "Мәңгі ұмытылмас"салаты екі командағы жеке жеке жалпы сұрақтар қойылады. Әр дұрыс жауап 1 ұпаймен бағаланады.

"Балмұздақ" тобына:

1. Нәресте дүниеге келгенде жасалатын алғашқы той (шілдехана)

2. Әнді шығаратын адам (сазгер)

3. Жануарға ұқсас атым бар,Бағдар көрсетер затым бар.Кілемше үстінде тұрамынЕң қажетті құралмын. Жауабы: Компьютер тышқаны

4. Ж-дан егер бастасақ, Желбіреймін төбеңде

П-дан егер бастасақ Сүйкімді аспын жегенде. Жауабы: Жалау-палау

5. Термометр аяз болғасын – үш градус көрсетіп тұр. Осындай екі термометр неше градус көрсетеді? Жауабы: үш

"Сусындар" тобына:

1. Допты лақтырғанда, доп сол ізімен кері қайту үшін оны қалай лақтыру керек?

Жауабы: жоғары

2. Суға қай кезде қолды кесіп алуға болады? Жауабы: егер оны мұз етіп қатырса

3. Өзі құстың да аты, әннің де аты (қараторғай,қарлығаш)

4. Оркестрді кім басқарады? (дирижер)

5. Сөзі дана, үні жоқ,Сөйлемейді тілі жоқ.Қолыңа алсаң шешен,Ақылы асқан көсем. Жауабы: Кітап

Салатты тауысып болдық, екінші ас мәзірге көшеміз "Мақал қосылған винегред" өнерге қатысты мақал-мәтелдер жасырылады соны табу керек. Дұрыс жауап 2 ұпай

"Сусындар" тобына

Ақыл көпке жеткізер, (Өнер көкке жеткізер.)

Өнерлінің қолы алтын, (Өлеңшінің сөз алтын.)

Өнер таусылмас азық, (Сарқылмас байлық.)

"Балмұздақ" тобына

Өнер алды, қызыл тіл

Қол өнері кілемде. (Сөз өнері өлеңде.)

Өнер қуып ой түзе (Жұмыс қылып бой түзе.)