Сынып дарабозы сыныптан тыс жұмыс сценарийі

«Сауат ашу» үйірмесі. І топ

Тақырыбы: «Сынып дарабозы» сыныптан тыс шара

Жетекшісі: Жумабаева Шамшрак Жанабергеновна

Мақсаты: оқушылардың білім, білік дағдыларын байқау, өздерін еркін ұстай білуге үйрету, шапшаң ойлау қабілеттерін дамыту.

Ресурстар: интербелсенді тақта

Барысы:

Сәлем, достар, аман ба?

Мына бейбіт заманда.

Қуантамын бәріңді,

Білімдіден қалам ба?

Құрметті оқушылар, ұстаздар. Бүгін сіздер белсенді оқушылар арасында өтетін «Сынып дарабозы» атты сайыстың куәгері болғалы отырсыздар. Сайымызды бастамас бұрын білім сайысына құлшынып тұрған оқушыларымызды ортаға шақырайық. 12 сайыскер қатысады.

(Қатысушылар ортаға шығады)

Өнер менен білімде

Әркімнің өз жолы бар.

Сайысарлық бүгінде

Өзіндік менің үнім бар-дегендей білімпаз жастар өздерін таныстырсын. (қатысушылар өздері туралы айтады)

Сайыс 6 бөлімнен тұрады.

I бөлім. «Жүйріктер»

II бөлім «Өлең сөздің патшасы»

III бөлім «Кім шапшаң?»

IV бөлім «Әріптер сыр шертеді»

V бөлім «Тамаша төрттік»

VI бөлім «Жеңімпаз»

Ендеше, сайысымызды бастайық. Сайыскерлерге сәттілік тілейік.

Шақырамыз, келіңдер жарысуға,

Күш, өнер, біліммен алысуға.

Бар өнерді салайық ортамызға,

Қанеки, кім озады бұл сайыста?!–деп I «Жүйріктер» бөлімін бастаймыз. Бұл бөлімде сұрақтар қойылады. Сұраққа қол көтеріп жауап беру керек. Қол көтеріп жауап бермесе жауап қабылданбайды. Әр бір дұрыс жауап 1 ұпайды білдіреді.

1. Әліппенің атасы кім?

2. «Ғылым таппай мақтанба» өлеңінің авторы кім?

3. 1 дм-де неше см бар?

4.Жыл мезгілі нешеге бөлінеді?

5. Зат есім деген не?

6.Үш биді атап бер.

7. Еліміздің рәміздерін ата

8. Мен қызық кітап оқыдым сөйлеміндегі зат есімді тап

9. Дауыссыз дыбыс нешеге бөлінеді?

11.Жылт-жылт еткен,

Жылғадан өткен. Бұл не?

12.Еліміздің астанасы қай қала?

13. Қазақстан Республикасының Туының авторы кім?

14.20+30=50 қосындысындағы 30 саны қалай аталады?

15. Тәуелсіздік күні қай күн?

16.7 атаны атап бер.

17. 8 наурыз –қандай мереке?

18.Мәтіннің қандай түрлері бар?

19. Диалог дегеніміз не?

20. «Кітап» сөзіне дыбыстық талдау жаса

Шапшаңдығын байқайық,

Кімнің ойы мықты екен?!

Кімнің күші аздау боп,

Кім озып алға шағар екен?!-деп III бөлім «Кім шапшаң?» бастаймыз. ОРТАЛЫҚ сөзінің кез келген бір әрпін өзгертіп, жаңа сөз жасау. 2 минут уақыт беріледі. Әр бір сөз 1 ұпайды білдіреді.

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер.-деп IV бөлім «Әріптер сыр шертеді» бөлімін бастаймыз. Алфавиттен кез келген бір әріпті таңдап, сол әріптен басталатын сөз жазу. Әр бір сөз 1 ұпаймен…