Музыка пәніне арналған қысқа мерзімді сабақ жоспары 4 сынып

Пəн: Музыка

Мектеп: №249 мектеп – лицей

Күні:

Мұғалімнің аты-жөні:Жаппарова Жанар

Сынып: 4

Қатысқандар саны:

Қатыспағандар саны:

Бөлім

1-бөлім. Менің Отаным – Қазақстан

1-сабақтың тақырыбы

Менің елім

Осы сабақта қол жеткізілетін оқу мақсаты (оқу бағдарламасына сілтеме)

4.1.1.1 – музыкалық көркемдеуіш құралдардың көмегімен шығарманың жанрын, көркемдік образдарын анықтау жəне салыстыру;

4.1.2.1 – əн айту ережесін сақтай отырып, түрлі сипаттағы екідауысты қарапайым элементтері бар əндерді орындау;

4.1.3.1 – музыкалық көркемдеуіш құралдардың көмегімен шығарманы орындау жəне импровизациялау.

Сабақтың мақсаты

Барлық оқушылар:

музыканың отансүйгіштікке баули алатын мүмкіндіктерін біледі;

музыканың көркем бейнесін, мазмұнын мүмкіндігінше ажыратып, жалпы түсінігін айтады;

музыкалық шығармаларды жалпы талдайды, салыстырады;

əнді орындау талаптарын жалпы біледі, мүмкіндігінше іс жүзінде пайдаланады;

өз жұмысын жалпы таныстырады.

Көптеген оқушылар:

музыканың отансүйгіштікке баули алатын мүмкіндіктерін біледі;

музыканың көркем бейнесін, мазмұнын мүмкіндігінше ажыратады, түсінігін айтады;

музыкалық шығармаларды талдайды, салыстырады;

əнді орындау талаптарын біледі, мүмкіндігінше іс жүзінде пайдаланады;

өз жұмысын таныстырады.

Кейбір оқушылар:

музыканың отансүйгіштікке баули алатын мүмкіндіктерін жақсы біледі;

музыканың көркем бейнесін, мазмұнын ажыратады, түсінігін айтады;

музыкалық шығармаларды талдайды, салыстырады;

əнді орындау талаптарын біледі, іс жүзінде кең пайдаланады;

өз жұмысын таныстырады жəне түсінік береді;

өзінің жұмысын бағалайды, өзгенің жұмысын бағалайды жəне бағдар береді.

Бағалау критерийлері

Оқушылар мақсатқа жетті:

музыканың отансүйгіштікке баули алатын мүмкіндіктерін біледі;

музыканың көркем бейнесін, мазмұнын ажыратады, түсінігін жалпы айтады;

музыкалық шығармаларды жалпы талдайды, салыстырады;

əнді талап бойынша орындайды;

өз жұмысын таныстырады;

өзінің жəне өзгенің жұмысын бағалайды.

Тілдік мақсаттар

Оқушылар:

тыңдалған шығарманы талдайды жəне сипаттап береді;

музыкалық шығарманың мазмұнын ашады жəне көңіл күйін көрсетеді.

Құндылықтарды дарыту

Музыкалық шығармалар мен əндер арқылы Отанын, туған жерін құрметтеуге, сыйлауға тəрбиелеу

Пəнаралық

байланыстар

Дүниетану. Əдебиеттік оқу

Бастапқы білім

Алдыңғы бөлімдерде алған білімдеріне сүйене отырып, білім алу

Сабақ барысы

Сабақтың жоспарланған кезеңдері

Сабақтағы жоспарланған іс-əрекет

Ресурстар

Сабақтың басы

(МК, Ұ) 1-тапсырма. Ойтолғау. Ақпарат іздеу. Орындау.

М. Сабақ басында оқулықта берілген мəтінді бір оқушыға оқытып, қалған оқушылардан қысқаша түрде түсінік алады.

«Біз қазақпыз! Біздің туған жеріміз, Отанымыз – Қазақстан! Қазақстан – кең-байтақ, ата-бабамыздан мұра болып қалған туған жеріміз. Егемендік алған елімізді əлем таниды. Жеріміздің сұлулығымен, халықтардың бірлігімен мақтанамыз. Біз бақытты халықпыз!»

(М/О) ҚР мемлекеттік рəміздер: Ту, Елтаңба жəне Қазақстан Республикасының Мемлекеттік Гимні туралы əңгімелейді.

М. Оқушыларға ҚР Мемлекеттік рəміздердің маңыздылығы туралы айтып, Отанымыздың жас азаматы ретінде саналы түрде оларды құрметтеу керектігін өз ойымен түсіндіреді.

М. Оқушылардан Мемлекеттік Гимнді орындау ережесін естеріне түсіріп, жатқа, салтанатты түрде мəнерлеп, сезіммен орындауды талап етеді.

Бейнетаспа немесе үнтаспаны қосып, сыныпта бірге орындайды. Мəтіні оқулықта берілген.

О. Гимнді орындап болған соң, Мемлекеттік Гимннің авторлары туралы түсінік беріп, мына сұрақтарға жауап береді:

ҚР жаңа Гимні қай жылы қабылданды?

ҚР мемлекеттік рəміздері қай жылы қабылданды?

«Гимн» деген сөз нені білдіреді?

М. Тапсырманың талабы бойынша мектептің жағдайына жəне оқушылардың дайындығына қарай ғаламтор желісінен осы сұрақтарға ақпарат іздеуді талап етеді.

М. Ондай мүмкіндіктер болмаса, оқушыларға берген сұрақтарға мынадай дайын жауаптар болу керек:

ҚР жаңа Гимннің қабылданған жылы – 2006 ж. 11 қаңтар. Авторлары: музыкасын жазған: композитор Шəмші Қалдаяқов, сөзін жазғандар: Жұмекен Нəжімеденов пен Нұрсұлтан Назарбаев.

ҚР мемлекеттік рəміздердің қабылданған жылы – 24.01.1996 ж. «Қазақстан Республикасының Мемлекеттiк рəмiздерi туралы» конституциялық заң күшi бар Жарлығымен бекітілген.

ҚР Мемлекеттік туының авторы: Шəкен Ниязбеков. ҚР Мемлекеттік Елтаңбасының авторлары: Жандарбек Мəлiбеков пен Шотаман Уəлиханов.

Қажет болса, мысалы, Елтаңба, Ту туралы қосымша мəлімет немесе оқушылардың өздеріне ізденіс жұмыс ретінде тапсырма беріп, ғаламтор желісінен табуға болады. (М/О). Оқулықта берілген Мемлекеттік Гимн туралы түсінік те бірге таныстырылады.

Оқулық, нота хрестоматиясы, фонохрестоматия

ҚР Мемлекеттік Гимні

Үнтаспа

https://kk.wikipedia.or g/wiki/Қазақстан_ Республикасының _ мемлекеттік_ рəміздері

Сабақтың ортасы

(М, Ұ) 2-тапсырма. Талдау. Зерттеу.

М. Қазақстанға белгілі балалар ақыны Абдрахман Асылбектің Отанымызға құрмет көрсетіп, оқулықтың бірінші тақырыбында арнайы «Қазақстан – елім менің!» өлеңін оқушыларға тарту еткенін айтып, өзі мəнерлеп оқып береді.

Оқулық, нота хрестоматиясы, фонохрестоматия

«Қазақстан – елім менің!»

Қазақстан – елім менің, Ұлан-байтақ жерім менің. Кеңпейілді кеңдігіміз – Ата дəстүр ерлігіміз.

Алтай, Ақтау, Атырауым – Байлық тұнған атырабым. Арқадағы Астанамыз – Алтын орда бас қаламыз.

Туын тігіп теңдігіміз, Асқақтады елдігіміз. Қазақстан – мəңгілік ел, Жасай бермек жаңғырып жер.

Абдрахман Асылбек

О. Ғаламтор желісінен немесе бейнетаспадан «Қазақстан –

менің Отаным» көрінісін көреді.

О. Мына сұрақтарға жауап береді:

Отан дегенді қалай түсінесің?

Өз еліңе, туған жеріңе деген сүйіспеншілігіңді қандай сөздермен білдірер едің?

М. Тақтада жазылған торкөздерді толтыруды ұсынады. Жауаптарын ақынның өлеңінен жəне сабақтың тақырыбынан тауып алуды сұрайды.

Дұрыс жауаптары:

1. Қазақстан. 2. Байтақ жер. 3. Алтын орда. 4. Астана.

5. Алтай. 6. Атырау. 7. Дарқан дала.

(МК, Ұ) 3-тапсырма. Тыңдау. Талдау. Əнді үйрену. М. Оқушыларды «Дарқан дала» (өлеңін жазған:

С. Мəуленов, əнін жазған: С. Еркімбеков)

жаңа əнімен таныстырады. Үнтаспаны қосып, өзі орындап береді. О. Мына сұрақтарға жауап береді:

«Дарқан дала» əнінің атауын қалай түсіресің?

«Далам менің» – «Анам менің» деген автордың теңеуі нені білдіреді?

Əн қандай көңіл күйде орындалды?

Əннің орындалған түрлерін сипатта: оркестр, хор, солист жəне т.б.

М. Əнді үйрету. Əнді «əн орындау» талаптары бойынша оқушыларға үйрету.