Мысығым бар сүйкімді сабақ жоспары мектепке дейінгі балаларға

Білім беру саласы: «Коммуникация»

Ұйымдастырылған оқу қызметі: «Көркем әдебиет»

Тақырыбы: «Мысығым бар сүйкімді» К. Ыбырайұлы. Өлеңді оқу.

Мақсаты: Дене мүшелерінің (бас, құлақ, аяғы, құйрығы) қалай аталатынын білу. Өздерінен сұрап, әңгімелесу. Іс-әрекетін білдіретін сөздерін меңгерту. (кес-кестейді). Сұраққа дұрыс, толық жауап беру, диалог түрінде сөйлесе білуге үйрету. Үй жануарларына мейірімді болуға тәрбиелеу.

Көрнекілік құралдары: Мысықтың суреті, жұмсақ ойыншықтар, себет, түрлі-түсті кішкентай доптар.

Әдіс-тәсілдер: Көрсету, түсіндіру, мәнерлеп оқу, сұрақ-жауап, қайталау.

Алдын-ала жүргізілетін жұмыс: үй жануарларымен таныстыру.

Сөздік жұмыс: кес-кестейді, сүйкімді.

Іс-әрекет кезеңдері

Тәрбиешінің іс- әрекеті

Балалардың іс-әрекеті

Мотивациялық- қозғаушылық

- Балалар, біз қандай үй жануарларын білеміз?

- Балалар, сендерге бір жұмбақ жасырамын.

Өз құйрығын өзі қуып ойнайды,

Допты көрсе домалатып қоймайды.

Беті-қолын қайта-қайта жуады,

Тышқандарды үйімізден қуады.

Балалар білетін үй жануарларын айтып береді.

Жұмбақ шешімі – мысық

Ұйымдастыру-іздестіру

- Мысық – үй жануары, оның пайдасы көп. Ол жүрген жерде тышқан болмайды. Өзіне жарасар дауысы бар. Ол мияу деп дыбыстайды. Мысық сүтті жақсы көреді. Оның жүні жұмсақ, тықыр болады, құлақтары тікірейген, құйрығы ұзын болады. Мысықты желкесінен қысып, құйрығынан сүйреп, жәбірлеуге болмайды.

- Енді маған кім мына ойыншықтар арасынан мысықты тауып береді?

- Ал, енді балалар мен сендерге К.Ыбырайұлының «Мысығым бар сүйкімді» өлеңін оқимын, мұқият тыңдаймыз.

Кес-кестейтін жолымды,

Тістелейтін қолымды.

Мысығым бар сүйкімді,

Қуып ойнар добымды.

Кеш болса да бұл мейлі,

Менсіз үйге кірмейді.

Бірақ допты үйге өзі

Әкелуді білмейді.

- Өлең ұнады ма?

- Өлеңде не туралы айтылған?

- Мысық қандай?

- Мысық немен ойнағанды жақсы көреді?

Сергіту сәті:

Керіледі мысық,

Бізге көзін қысып.

Жүгіреді жылдам.

Көрінсе оған тышқан.

Дидактикалық ойын:

«Не қалай дыбыстайды?»

Мақсаты: Балаларға жануарлардың қалай дыбыстайтындығы туралы білімін бекіту және дауыстарына еліктеуге үйрету.

Көрнекі құрал: Доп

Ойын шарты: Балалар шеңберге тұрады. Тәрбиеші допты ұстап, ортада тұрады. Балаларға доп лақтырып, бір жануардың атын айту. Бала допты қағып алып, сол жануардың қалай дыбыстайтынын айту керек.

Мысық туралы толық мағлұмат алады.