Н әрпін үйретуге арналған мектепке дейінгі материал

Білім беру саласы:

Бөлімі: Сауат ашу негіздері

Тақырыбы: «Н» әрпімен таныстыру.

Мақсаты: «Н» дыбысын дұрыс дыбыстату, «н»әрпімен таныстыру; буындарды оқу дағдысын дамыту; балаларды мейірімділікке, имандылыққа тәрбиелеу.

Қолданылатын көрнекі құралдар: Жұмыс дәптері, «н» дыбысына байланысты суреттер,бейнетаспа,интерактивті тақта,үлестірмелі материалдар,доп, көңілді әуен, қызыл,көк текшелер,кеспе әріптер.

Әдіс-тәсілдер: Түсіндіру, таныстыру, жұмбақ шешу, тыйым сөздер жаттау, дидактикалық ойындар,интерактивті тақтамен жұмыс, үлестірмелі материалдармен жұмыс,кеспе әліппемен жұмыс,әуенді сергіту сәті т.б.

Билингвалды компонент:.нан-хлеб, сөз-слово, буын-слог, дыбыс-звук.

Оқу іс-әрекетінің кезеңдері

Тәрбиешінің іс -әрекеті

Балалардың іс-әрекеті

Мотивациялық қозғаушы лық

Сәлематсыздар ма қонақтар !

Біз бақытты баламыз,

Оқып білім аламыз,

Әріптерді үйреніп,

Білімді бала боламыз.

Балалар орындарынан тұрып, амандасады.

_Өлең жолдарын бірге айтады.

Ұйымдастырушылық-ізденістік

-Балалар біз сауат ашу оқу қызметінде нелермен танысып жатырмыз?

-Қазақ тілінде неше әріп бар?

-Дыбыс нешеге бөлінеді?

-Қандай дыбыстармен таныстық?

-«А» дыбысы дауысты ма,дауыссыз ба?

-«Т» дыбысы дауысты ма, дауыссыз ба?

«Ас атасы - нан» деген әңгімемен бастау

«Бірде Науан әжесіне еріп, егіс даласына келді. Ол шашақты басы иіліп тұрған бидай сабақтарын көріп, әжесінен:

—Мынау өсіп тұрған не? — деп сұрады.

—Наужан, бұл пісіп тұрған - нан, - деп, жауап берді әжесі.

—Нан болса, таба наны қайда?

—Таба нан да осы дәннің ішінде.

—Ал тоқаш ше?

—Ол да осы дәннің ішінде.

—Бауырсақ ше?

—Бауырсақ та дәнге сыйып тұр.

—Әже, кіп-кішкентай қауызды дәнге осынша көп нан қалай сыйып

тұр? — деп Науан таңғалды.

«Ас атасы — нан, нан атасы — дән» деген. Осынша мол дүние, тоқшылық әрбір дәннің ішінде, — деді әжесі.

Тосын сәт: Сиқыршы келеді!

Сәлем балалар! Менің сиқырлы кітабым сендерге бүгін көмектесем дейді.Менен бұрын кітабым ұшып барады.Осы кітаптың артынан қуып ұстай алмай келе жатыр едім. Енді тынышталды ғой баратын жері осы балалар екен ғой. Мен енді сиқырлы таяғымды алып келейінші, - деп сиқыршы шығып кетеді.

Сиқырлы кітап сөйлей жөнеледі.

-Енді балалар тақтадағы бейнетаспаға назар аударыңдар. Бұл бейнетаспада «Сиқырлы кітап» туралы әңгімелейді.

-Қай дыбыс туралы айтты?

-Балалар тақтадағы суретке қараңдар,нелердің суретін көріп отырсыңдар?

-Ендеше нан,нар,найзағай деп бірнеше рет қайталайық.

-Бірінші қандай дыбыс құлағымызға естіліп тұр?

-Дұрыс айтасыңдар,бүгінгі өтетін дыбысымыз-«н»

«Н» дыбысы сөздің басында,ортасында,соңында кездеседі.