Нағыз достық деген не тәрбие сағаттары 4 сынып

«Нағыз достық дегеніміз не?»

Сабақтың мақсаты мен міндеттері:

Оқушыларды достаса білу және бір-біріне құрметпен қарау икемділігіне тәрбиелеу;

Оқушылардың топпен жұмыс жасау икемділігін дамыту;

Сабақты өткізу формасы: әңгімелесу, топтардағы шығармашылық жұмыстар, тест тапсырмалары, рольдік ойындар.

Құрал-жабдықтар: плакаттар, мақалдар, балалар салған суреттер, түсті қағаздар, фломастерлер, дәптер парақтары.

Мұғалімнің кіріспе сөзі: Қымбатты балалар! Бүгін біз «Нағыз достық дегеніміз не?» тақырыбы бойынша сынып сағатын өткіземіз. Мен бүгінгі сабағымызды В.Шекспирдің мына сөзімен бастауды жөн көрдім: Нағыз досың қасыңда,

Жақсылықта, қиында.

Сен мұңайсаң, мұңаяды,

Сен оянсаң, оянады,

Қажет болса, сұратпай-ақ

Ұсынады көмегін.

Мұғалім:

«Достық» сөзін сендер қалай түсінесіңдер?

Оны қалай қабылдау керек?

Сендердің нағыз достарың бар ма?

Нағыз дос деген қандай болуы тиіс?

Оқушылар сұрақтарға жауап береді.

Мұғалім:

«Достық» деген қандай тамаша сөз! Оны айтсаң бірден онымен ойнау, жаңа кітапты бірге оқу немесе бірдеңе жайлы құпияңды айту қызықты болатын досыңды еске аласың.

Дос – сенің сүйікті кітабың, дос – сенің анаң, дос – сені білім құпиясына жетелейтін ұстазың, дос – құлағы жұлынып жатса да саған көңілсіз болған кездері айтқандарыңды тырп етпей тыңдайтын ойыншық аюың.

Тақтадан өздерің көріп отырған мақалдарды шетінен талдап көрелікші:

Адал дос мың қызметшіден артық.

Ағаш – тамырымен, адам – досымен мықты.

Дос ізде, тапқан досыңды бағалай біл.

Достық орманнан тауып алатын жаңғақ емес.

Жұз теңгең болғанша, жүз досың болсын.

Ал сендер достық жайлы мақал білесіңдерме? Кәне, кім айтады?

Рөлдік ойын

Мұғалім: Енді біқ ойын ойнаймыз. Ол «Менің адал досым» деп аталады. Сендер топтасып отырғандарыңды көрдіңдер ғой, демек ойын топтық болады. Әрбір топқа бір оқиға ұсынылады, олар ол жайлы әңгімелеп беруі тиіс.

1-оқиға: Сен досың екеуің керісіп қалдыңдар. Бұл жағдайды жанжалсыз қалай шешер едіңдер?

2-оқиға: Сыныптастарыңның біреуі ауырып, көптен бері мектепке келе алмай жүр. Оған қалай көмектесер едіңдер?

3-оқиға: Сендерге бір адам ұнап қалды. Онымен танысуды қалай бастар едіңдер?

4-оқиға: Егер ең жақын досың сені сатып кетсе, сен не істер едің?

Шығармашылық жұмыс. Топтарға 5-7 минут ішінде достық эмблемасын жасауға тапсырма беріледі. Өз эмблемаларың газет журналдарда, халықаралық басылымдарда немесе мектеп жалауында басылады деп есептеңдер. Жасап болғаннан кейін әркім өздерің «Достық» эмблемасын қорғайды.