Намыс шығармасы бойынша сабақ жоспары, 2 сынып

Сабақтың тақырыбы: Намыс. Бағдат Мәжитов

Сабақтың мақсаты: мәтін мазмұны мен идеясын ашуға мүмкіндік беру.

Күтілетін нәтижелер:

Пәндік нәтиже: мәтін мазмұнын түсінгендерін сұрақтар мен тапсырмаларды орындау нәтижелері арқылы байқау.

Жүйелі іс-әрекет нәтижесі: оқушылардың өз ойларын қорытындылай білуіне жағдай жасау. Тіл белсенділігін арттыру, есте сақтау қабілеттері мен оқу және жазу мәде- ниеттерін дамыту.

Тұлғалық нәтиже: ата тегін біле отырып, ел намысын қорғайтын, туған тілін құрметтейтін азамат болуға тәрбиелеу.

Сабақтың көрнекілігі: мәтіннің желісіне салынған сюжетті суреттер. Тіл заңынан үзінді.

Сабақтың барысы:

Ұйымдастыру кезеңі.

Үй тапсырмасын қорытындылау.

Қызығушылықты ояту.

«Биопоэма» әдісін пайдалану арқылы жұпта сұхбат ұйымдастыру.

Аты - ...

Сипаттайтын 2-3 сөз - ...

Қай тілде сөйлегенді ұнатасың? - ...

Қандай тілдерді үйренгісі келеді? - ...

Қандай шет елдерде болды? - ...

Болашақта қайда сапар шеккісі келеді? - ...

Өз туған елі туралы пікірі - ...

Туған тілінде сөйлемейтін құрбыларына тілегі - ...

(Өз қалауыңызша берілген нұсқау сұрақтарын өзгертуіңізге де болады.)

Жұмыстарын ұжымда оқу.

Қандай сезім оянды?

Сен өзіңді намысшылмын деп санайсың ба? Оны қалай дәлелдей аласың?

Мағынаны тану.

Жаңа сабақпен таныстыру.

«Араласып кеткен оқиғалар» әдісі бойынша жұмыс жасау.

Алдын ала терілген мәтінді бес бөлікке бөліп, топтарға (қима түрінде, орындарын ауыстырып ұсыну) таратып беру. Мәтіннің әр бөлігін оқушылар оқи отырып, реті бойынша дұрыс орналастырып, тұтас мәтінді құрастыруы керек.

Қай топ мәтінді дұрыс құрастырса, сол топ жеңімпаз атанады.

Мәтінді толық оқып, ұжыммен ақылдаса отырып, жоспар құру. Жоспар бойынша топтарға бөліп мазмұнын айтқызу.

Алдыңғы орындаған «Биопоэма» әдісін жалғастырып, өзін Абзал мен Мұраттың орнына қойып, толтырады. Топта бөлініп орындау.

Сергіту сәті:

Екі көзің не үшін керек?

Жақсыларды көру үшін!

Екі қолың не үшін керек?

Елге көмек беру үшін!

құлақ деген не үшін керек?

Ақыл-кеңес тыңдау үшін!

Жүрек деген не үшін керек?

Жауларымнан қорықпау үшін!

Тіл мен жағың не үшін керек?

Ақиқатты айту үшін!

Ал аяғың?..

Шетте жүрсем, туған жерге қайту үшін!