Нәтижеге жету тақырыбындағы эссе және әдістемелік мақала

Нәтижеге жету

Жаңа формация мұғалімі-рухани дамыған,

әлеуметтік тұрғыдан есейген, педагогикалық

құралдардың барлық түрлерін меңгерген білікті

маман, өзін өзі жетілдіруге ұмтылатын

шығармашыл тұлға. Ол жоғары білімді шығармашыл

тұлғаны қалыптастырып, дамыту үшін жауапты.

Н. Ә. Назарбаев.

Білім - мұғалім мен оқушы арасындағы өзара әрекет жолдарымен мақсатқа жетуді көздейтін педагогикалық процесс. Бүгінгі күнде оқыту мен оқу жан-жақты зерттеліп, жаңашашыл педагог қызметкерлердің тәжірбиелері қарастырылып, жаңартылып, әртүрлі әдістер мен білім беруде қарастырылатын 7 модуль сараланып, мектеп тәжірбиесіне ұсынылуда. Strong “Мектеп жұмысы мен оқушы жетістіктерін өрістетудегі негізгі тұлға-мұғалім” [Мұғалімге арналған нұсқаулық. “Назарбаев Зияткерлік мектептері” ДББҰ педагогикалық шеберлік орталығы, 2016] деп айтқан, сондықтан білім беру жүйесіндегі өзгерістерді біліп, түсініп өз тәжірибесінде қолдануы үшін Қазақстан Республикасының педагог қызметкерлерінің біліктілігін арттыру бағдарламасы түрлі курстар ұйымдастыруда. “Тиімді оқыту мен оқу” бағдарламасының да мақсаты осы мақсатты көздейді. Осы бағдарламамен білім жетілдіргендіктен мен де кәсіби әлеуетім өсіп, білім беруде заман талабына сай еркін, әрқашан өзінің көзқарасын қорғай алатын, сенімді, сыни қөзқарасы жүйелі дамыған, сандық технологияларда құзыреттілігі жоғары оқушы қалыптастыруды міндет еттім.

Білім беруде, жоспарлауда ең бастысы SMART мақсат коюды үйрендім. Себебі, сабақтың қандай болуы мақсатқа тікелей байланысты екенін тәжірибе кезіндегі сабақтар көрсетіп отыр. Өйткені, қойылған мақсатқа қарай жұмыс істеу барысында біз А, Ә, Б оқушыларды түгел қамтып, сабаққа 7 модульдің кірігуі арқылы сабақтың тиімділігі артады. Атап айтқанда, оқушылардың өзара оқуына ықпал ете отырып, өзара білімдерін бағалауына мүмкіндік бердім

Ендігі жерде сабақтың тиімділігін арттыру үшін сұрақ қоюдың маңызды екенін оқушыларға түсіндіре отырып, төмен дәрежелі сұрақтар мен жоғары дәрежелі сұрақтар қоя білуге үйреттім. Ол үшін сабақ барысында түрткі болу сұрақтарымен қатар басқаға бағыттау арқылы сұрақ қоя білу дағдыларын қалыптастырдым. Тесттік тапсырмалардың өздерін бірнеше жауабы бар немесе мәтін сұрақтар, логикаға негізделген сұрақтар қою керектігін түсініп, осы негізде құрастыра бастадым. Нәтижесі де көңіл қуантарлық. Оқушылар ізденуді, сындарлы ойлауды, ойтүйіндер жасап, өз ойларын жеткізе білуге қалыптасып келеді.