Наурыз бата тілектері бойынша ашық сабақ, 6 сынып

Ұзақ мерзімді жоспардың тарауы: 8 бөлім.

Қазақ халқының әдет – ғұрыптары мен

салт – дәстүрлері. Наурыз

Мектеп:

Күні:

Мұғалімнің аты-жөні:

Сынып: 6 сынып

Қатысқандар:

Қатыспағандар:

Сабақтың тақырыбы:

Наурыз бата тілектері.

Осы сабақта қол жеткізілетін оқу мақсаттары (оқу бағдарламасына сілтеме)

Т/А1. Тірек сөздер мен ұсынылған иллюстрациялар арқылы тақырыпты болжау;

Ж2. Жанрлық және стильдік ерекеліктеріне сай құрылымын сақтай отырып, құттықтау құрастырып жазу;

Сабақ мақсаттары:

Барлық оқушылар орындай алады:

Тірек сөздер мен иллюстрациялар арқылы мәтіннің тақырыбын біледі, жанрлық және стильдік ерекшеліктерін сақтайды, құттықтау жазады;

Оқушылардың көпшілігі орындай алады: Жанрлық және стильдік ерекшеліктеріне сай тірек сөздер арқылы құттықтаулар галереясын құрайды;

Кейбір оқушылар орындай алады: Жанрлық және стильдік ерекшеліктері негізінде иллюстрацияларды пайдаланып, тілек,баталар үлгісін жасайды;

Бағалау критерийлері:

Тірек сөздер мен иллюстрациялар арқылы тақырыпты болжайды;

Жанрлық және стильдік ерекшеліктерді сақтап, құттықтау жазады;

Иллюстрациялар арқылы тілек, баталар үлгісін жасайды;

Тілдік мақсаттар:

Оқушылар орындай алады: Тірек сөздер мен иллюстрациялар арқылы тақырыпты болжайды, жазады;

Пәнге қатысты сөздік қор мен терминдер: иллюстрация, жанр, стиль, Наурыз, Қыдыр ата, бата, тілек, алтыбақан.

Диалог құру, шығарма жазуға арналған пайдалы тіркестер: Наурызкөже, Жаңа жыл, Ұлыстың ұлы күні, Ақ мол болсын, Күн мен түннің теңелуі, жаңа күн, ырыс алды,кеңшілік басы, молшылық жолы.

Талқылауға арналған сұрақтар:

Наурыз мерекесін өткізудің маңызы?

Наурыз мерекесі тағы қандай халықтарға тән?

Наурыз жыл басы болуының себебі не?

Құндылықтарға баулу:

Тарихтың, мәдениет пен тілдің біртұтастығымен ата дәстүрден қалған бата - тілектерді бойына сіңіруге баулу;

Пәнаралық байланыс:

Тарих, қазақ әдебиеті, музыка.

Алдыңғы оқу:

«Ұлт мейрамы», «Ашық микрофон» әдісі арқылы өткен сабаққа жолу жасаймын.

Жоспар

Сабақ барысы

Сабақтың жоспарланған кезеңдері:

Сабақта жоспарланған жаттығу түрлері

Ресурстар

Сабақтың басы:

Ұйымдастыру кезеңі.

Топқа бөлу. «Үш ауыл» әдісі. Киіз үй макеттерінің ішіне Наурыз, Қыдыр ата, Бата-тілек сөздерін парақшаларға жазып саламын. Макет ішінен әр оқушы өздігінен парақшаларды алып, алған парақшаларға байланысты топқа бөлінеді.

І топ «Наурыз» ауылы.

ІІ топ «Қыдыр ата» ауылы.

ІІІ топ «Бата,тілек» ауылы.

Қызығушылықты ояту. Иллюстрациялық суреттер, тірек сөздер арқылы тақырыпты болжайды.

Суреттерде не көріп тұрсыздар?

Тірек сөздердің мағынасын қалай түсінесіздер?

Суретте қандай мереке бейнеленген?

Олай болса,біздің бүгінгі сабағымыз «Наурыз бата тілектері» жайлы .

Киіз үй макеті

Сабақтың ортасы:

Тапсырма. Жж. Тж. Мәтінді сканерлеп оқып шығады. «Үштік» әдісі (Ойлан,жұптас,бөліс) арқылы сынып бойынша тапсырманы оқиды. Оқушылар әр топ ішінде бірнеше жұптан бөлінеді: бірінші оқушы оқиды немесе айтады, екінші оқушы тыңдайды, үшінші оқушы түртіп алады, кейін өз пікірін айтады. Оқылым, жазылым, айтылым дағдылары жүреді.

Мәтін. Жұрт көктемгі егіске қамдана бастады.Көкем балта-балғасы қолынан түспей, соқа-саймандарын жөндеумен жүр.

Әр үйдің алдында үлкен қара қазан асылып, наурызкөженің иісі шығады. Ырыс алды, кеңшілік басы, молшылық жолы осы наурызкөжеден басталатындай, бұл күні еш әйел қазанына таршылық жасаған емес. Қайда барсаң да , қатығы мол бидай көжеге қарық боласың. Ел жаңа жылын,жарқын кезеңін осылайша ашық пейіл, ақжарқын көңілмен қарсы алады екен. Онсызда қонақжай халқымыз әсіресе наурыз күні қабақ шытқан емес. Қай үйге болсын қамықпай кіріп, қалаулы қонағындай төрінен орын аласың. Ел топ-тобымен қыдырыстап,дастарқан үстіне ортақ тілектерін тоғыстырады.

Аман-есен Наурызға жеткізгеніңе шүкір, Алла. Көрер күніміз, есітер жырымыз бар екен де. Келесі Наурызға да төрт көзіміз түгел жетейік,- десетін олар.

Мәтін бойынша берілетін сұрақтар.

1.Наурыз мерекесінде халық қандай көңіл-күйде жүреді?

2. Наурыз жыл басы болуының себебі не?

3. Наурыз мерекесінің басты нышаны деп нені айтуға болады?

Дескриптор:

-тірек сөздерді табады, негізгі ойды анықтайды;

-сұрақтарға жауап береді;

Дескриптор нәтижесінде «Ауызша мадақтау» арқылы қалыптастырушы бағалау жүргізіледі.

2-Тапсырма: Топтық жұмыс.