Наурыз көктем – жыр думан сыныптан тыс шара жоспары

Мақсаты: Оқушыларға Наурыз туралы түсінік беру, ұлттық дәстүрмен

таныстыру,халқымыздың салтын, әдет- ғұрпын құрметтеуге

баулу, өнегелі, өнерлі азамат болуға тәрбиелеу.

Көрнекіліктер: слайдтан түрлі суреттер, сөзжұмбақ, бейнебаян көрсету,

ұлттық салт-дәстүрлер көрністері

Жүргізуші: Наурыз- көктем мерекесі,

Наурыз- жаңа серпін, жаңа леп!

Наурыз- қуаныш мерекесі,

Бақыт пен шаттық мерекесі!

Қайырлы күн,құрметті ұстаздар, оқушылар! Әні мен сәні жарасқан «Наурыз- көктем, жыр- думан» атты кешімізге қош келдіңіздер!

Көктем- табиғаттың жаршысы секілді ғой. Ол бәрімізге көтеріңкі көңіл-күй сыйлайтын тамаша мезгіл.

Наурыз- көктем мен еңбектің ежелгі мерекесі.Бұл күні әр адам қателігі болса кешірім сұрауға, кешірім сұраған адамға кешірім беруге тиіс.

Наурыз келді нұрландырып дүниені,

Жерге басын алтын тәжді Күн иді.

Бүкіл әлем жаңарып , түрленеді,

Кәрі дала жасарып , гүлденеді.- деп гүлдей жайнаған қыздарымызды ортаға шақырайық.

« Қазақ биі» орындайтын мектебіміздің «Аяулым» би тобы. Жетекшісі: Үмбетова Майра

Жүргізуші: Ұлыстың ұлы күні, ақ түйенің қарны жарылған күн- Наурыз мейрамы

жақындап қалды. Наурыз- парсы сөзі, нау- жаңа, ру- күн деген

мағынаны білдіреді.

Яғни, жаңа күн, жаңа жылдың алғашқы күні. 22 наурыз күн мен

түннің теңелер мезгілі.Қар еріп, жер жүзі көктеп, көгеріп, тіршілік

атаулыға жан бітіп, жасаратын шақ.

Ән шырқалар бақытымен, бағымен,

Ән айтылса ұйып тыңда жаныңмен.

Ән айтпақшы қыздарыңыз сіздерге,

Өшпес ыстық, алаулаған жалынмен.

Ән: « Наурыз- көктем» , орындайтын мектебіміздің хореграф мұғалімі Жалғас Жанат

Жүргізуші: Дүниеге көрік берген, шырайлы жыл басы- Наурыз қош келдің!

Жаңа жыл есігімізден жақсылық боп енсін!

Наурыз келсе,

Құт келгені халайық!

Есік ашып, шашу шашып,

Ел боп қарсы алайық.

( шашу шашылады)

Жүргізуші: Наурыз жұмбақ жасырайық сіздерге,

Мың толғанып беріңіздер жауап біздерге,

Наурыз жұмбақ ата салты бабамның,

Жасырған ғой қыз жігітке, қайнысы жеңгесіне!

(Сұрақтарды слайттан көрсетіп тұру, нөмірленген асықты оқушыларға таратып береді, содан соң шалқасынан түскен асықтың нөмірін атап, сұрақтар қояды)

Құрметті қонаққа немесе жақындарына сақтаған ет. (Сыбаға)

Кереге мен шаңырақтың ортасын қосатын негізгі бөліктің бірі. (Уық)

Киіз үйдің негізін құрайтын бөлігі (Кереге)

Қымыз, шұбат, айран құюға,сақтауға арналған теріден жасалған ыдыс. (Мес)

Мынау қандай ұлттық ойын ? ( Алтыбақан)

Ерлердің қысқы бас киімі (Тымақ)

Ұзатылған қыздың бас киімі (Сәукеле)

Жүргізуші: Күндей гүл көктемнің нұрын шашып,

Жасқанбай әр қадамын нық- нық басып.