Наурыз мерекесіне арналған ертеңгілік сценарийі балабақшаға

А.Жорабаеваның орындауындағы «Наурыз-көктем» әнінің ырғағымен ортаға қыздар мен балалар билеп кіріп, жарты шеңберге тұрады.

Атты бала шауып кіріп, шеңбер бойы жүгіріп жүреді.

Бала: Алақай, алақай!!! Той басталды!!! Тойымыз тойға ұлассын!!! Ақ мол болсын!!! Қайда барсаңда жол болсын!!!

Жүргізуші: Келіңдер, Наурыз тойға бәрің бүгін!

Аямай өнерпаздар ән мен жырын

Тойлайық халық тойын Наурызымның,

Шуағын жерге төккен бақыт күнін!

Сәлеметсіздер ме, құрметті тойға жиналған көпшілік, сіздерді «Ұлыстың ұлы күні – Наурыз мерекесімен» шын жүректен құттықтаймыз!

Барлығы: Құттықтаймыз!

Жүргізуші: Олай болса, биылғы Жаңа жыл баршамызға бақыт және табыс әкеле берсін деп, ертеңгілігімізді бастаймыз!

Ән: «Наурыз-көктем» әннен кейін орындарына отырады.

Жүргізуші: Наурыз тойы – береке,

Наурыз тойы – жыр, аңыз.

Қызып дулы мереке,

Қызық думан құрамыз.

-дей отырып, «Қарлығаш» тобының наурыз тойына алып келген тақпақтарын қабыл алыңыздар.

Д.Алинұр:Қош келдің, Наурызым ардақты, Халқым саған бар үмітті арнапты Жылда солай келе бергін жасарып, Гүлге бөлеп, нұрға бөлеп аймақты.

Ф.Алинұр: Қош келіпсің Наурыз!

Арман тойы халықтың.

Қуанышы халықтың,

Құтты болсын қадамың!

Дания: Сәнді көктем - Наурыз! Наурыз тойы - жырымыз. Көңіл гүлдей жайнасын. Құлпырсын күн мен ай. Құтты болсын Наурыз!

Серік:Наурыз келді,жыл келді

Наурыз келді ,нұр келді

Доңыз жылы еліме

Әкелсін байлық- береке

Айбар:Күттіріп келген жыл басы, Бізбен бірге жырлашы Елімнің дастарханына Береке, ырыс сыйлашы

Б.Ернар:Доңыз жылы кел төрлет,

Ел достығын өркендет.

Мол болсын ырыс, құт,

Болсын елде тыныштық.

Билал:Қыс өтіп , қар кетіп,

Шырайлы жаз жетіп.

Шаруаның кенелген,

Мейрамы ежелден

Құтты болсын Наурыз!

Сұңқар: Ұлыс бақыт әкелсін,

Әр күніміз жақсы болсын.

Достығымыз берік болсын,

Білім - өнер серік болсын.

Ұлыс оң болсын,

Ақ мол болсын.

Әлсейіт: Бақта құстар сайрайды,

Жайнап көктем нұрымен.

Жаңа дәстүр жырымен,

Ел Наурыздыы тойлайды.

Жүргізуші: Қош келдің, Наурызым, төрлет бері,

Қыр төсін жауқазындай өрнектеді.

Тіршілік тамырына нәр жүгіріп,

Жадырады адамдардың келбеттері.

-дей отырып бүлдіршіндердің мың бұрала билеген өнерлерін тамашалаңыздар.

Би: Батырлар биі

Сұңқар,Мирас,Серік,Айбар,Д.Алинұр

Жүргізуші: Әдетте, Наурыз күні адамдар қулық пендешілік атаулыдан арылып, өзінің ар-ожданы алдында есеп берген екен. Осы күні барлық адамдар бір-бірімен төс қағыстырап амандасқан екен.

Балалардың төс қағыстыруы: Әлсейіт, Билал

Қыздарымыздың орындауында: «Қасиетті домбыра»әнін қабыл алыңыздар

Орындайтындар:Айша,Дания,Серік

Айша: Құтты болсын Наурыз той!

Құлпырып тұр қыр мен ой.

Күн мен түн теңелді,

Жер шуаққа кенелді.

Мирас: Күн мен түн теңелді,

Жер шуаққа кенелді.

Қуанышты ел енді,

Наурыз келді салтымыз.

Бағнұр: Малдар төлдеп, қой қоздап,

Сүттен бұлақ ағызған.

Жаңа жылдың сипаты,

Молшылыққа аңыз боп,

Басталыпты Наурыздан.

А.Ернар: Күн мен түн теңелді, Жер шуаққа кенелді Қуанышта ел енді Наурыз келді, салтымыз "Көгерсін"деп халқымыз Көшеге тал егеді.

Димаш: Би биледік бәріміз!

Егін өңін толқытқан,

Елдің көңілін шалқытқан.

Бас иеміз- Наурыз!

Темірхан: Сені тойлап қарсы алып,

Бар әлемге жар салып,

Сәлем бердік, біз сізге!

Элман: Ұлы күні ұлыстың Күн мен түнді теңеген

Тәтті дәмін ырыстың

Таттық Наурыз көжеден.

Толғанай: Наурызды халқымыз

Жыл басы санайды.

Көнермес салтымыз

Көктемдей арайлы.

Ақнұр:Наурыз тойын әдемі

Әжем еске түсірді

Біздерге арнап әдейі

Наурыз көже пісірді.

Ән: Бипыл-бипыл-ай

Жүргізуші: Ал келіңдер, қонақтар!

Досқа құшақ ашайық.

Өлең жырға басайық.

Қазақтың бір салты деп,

«Бесікке салу» тойын бастайық.

Көрініс: «Нәрестені бесікке салу»

Жүргізуші: Наурыз күні жастар ұлттық ойындарды ойнап, «Алтыбақан» теуіп көңілдерін көтерген екен. Ал біз қандай ұлттық ойын білеміз?

Балалар: «Арқан тартыс», «Асық», «Теңге алу», «Ақ сүйек»...т.б.

Наурыз. Жарайсыңдар, балалар. Олай болса, жайлауда бойымызды бір жазып ойын ойнап тастайық.

Ойындар: «Қыз қуу». «Күш сынасу». «Асық ату».

Ән: «Наурыз »

Би: «Қамажай» (Қыздар)

Жүргізуші:

Наурыз құтты болсын!

Дендеріміз сау, мықты болсын!

Қош сау болыңыздар, халайық!

Көріскенше күн жарық болсын!

Барлықтарыңызды Наурыз дастарханына шақырамыз.

«Бәйтерек» пен «Құлыншақ» ересек топтар.

Жүргізуші:

Шығыс күн парағы бойынша күн мен түн теңеледі де 22-наурызда Ұлыстың ұлы күні басталады.

Дәстүрімізге айналған Ұлыстың ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа жыл келді. Той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

Еркемай:

Уа, жараңдар, жараңдар,

Бәрің бері қараңдар!

Наурыз думан басталады,

Бір сәт зейін салайық.

Ұштасқан оймен мәңгілік

Біздерде бар сан ғұрып,

Ғасырлардан ғасырға

Келе жатқан жаңғырып.

Бермен жақын тұрыңдар,

Сөзіме көңіл бұрыңдар.

Жауқазындай Наурыздың

Жарапазан жыры бар.

Мөлдір:

Ұлыс күні кәрі-жас

Құшақтасып көріскен.

Жаңа ағытқан қозыдай

Жамырасып өріскен.