Жыл басы Наурыз мерекесіне арналған ойындар мен сценарийлер

Жыл басы- наурыз, мол болсын дәм-тұз.

БАРЫСЫ.

1-жеңге\ Роза М\: Дәстүрімізге айналаған Ұлыстың ұлы күні- Наурыз құтты болсын!

2-жеңге\Айжан Е\: Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа жыл келді.

1-жеңге\ Роза М\: Той құтты болсын!

2-жеңге\Айжан Е\:Ұлыс оң болсын!

1-жеңге\ Роза М\:Ақ мол болсын!

2-жеңге\Айжан Е\:Ұлыс мереке сіздерге тек жақсылық әкелсін! Көпшілік шығып, бір-бірімен көрісе, төс қағыстыра сахнаға шығады.

1-қонақ: \ Бағдат\; Ілесіп Наурызбен көктем жетсін,

Көңілін үлкен кіші көкке өрлетсін.

Еңсесі көтеріліп ер азамат,

Ескі жылмен реніш, өкпең кетсін!

2-қонақ: \ Гүлдерай\; Наурыз мейрам жүректерге нұр сепкен,

Маңдайымнан сүйіп жатыр күн көктем.

Жарығыңмен, шуағыңмен, Күн –Ана,

Алып келдің жер бетіне гүл көктем.

3-қонақ: \ Мария\; Салтымен ата-бабаның

Жаңғырды қайта заманым,

Тіршілік басы, Наурызым,

Құтты болсын қадамын!

4-қонақ: \ Сағыныш\; Наурыз келді, жайраң қақты таң күліп,

Жап-жасыл боп кетті дүние жаңғырып.

Жақсылыққа жаршы болған Наурызым,

Сен өмірдің көктемісің мәңгілік.

5-қонақ: \ Жүмабике\;Бәрекелді, жарайсыңдар, достар!

Қырдан бүгін бу ықты,

Қуды жерден суықты.

Құтты болсын мерекең,

Наурыз айы туыпты.

Әне, Наурыз келеді,

Құлпырады жер енді.

Ал енді үлкендердің батасын алайық.

ҚАРИЯ \ Дамир\: Ал тыңдаңдар батамды,

Ардақтаңдар атаны.

Тойсаңдар, тасып бөспеңдер,

Топастықты кешпеңдер.

Ананың сүтін ақтаңдар,

Арларыңды сақтаңдар

Жалқаулық жаудан жаман- ды,

Жеңіндер оны күреспен,

Жеңіске жетер бірлескен.

Кең пейіл, дархан халқымыз,

Кеңейді дәстүр салтымыз

Дәстүрін елдің сыйлаңдар,

Дәстүрлі салтты тойлаңдар.

Орындалсын ойларың,

Тойға ұлассын тойларың!

Әумин!

6-қонақ: \ Жанар\; Наурыз тойы құтты болсын,

Ел ырысы құтқа толсын.

Бақыт әкеп Ұлыс күні,

Бұзылмай ел тыныштығы

Бақыт құсы баққа қонсын!

Той басталды, той басталды,

Әуенмен ән салайық

Кел шырқайық Наурыз әнін,

Қоштап кетсін халайық!

ӘН « НАУРЫЗ»\орындайды мұғалімдер\

ШАШУ..........................................

БАЛА: \ ДАНИЯР\Сүйінші... сүйінші

Дүниеге сәби келді, ағайын, сүйінші.....

КӨПШІЛІК: Құтты болсын, бөбектің бауы берік болсын! Осынау Ұлыстың ұлы күніне өмір есігін ашып жатқан кішкентай періштеміздің бесік тойын тойлағанға не жетсін!

КӨРІНІС 5-9 сынып « Азан шақыру», « Бесікке салу»

О: Алдымен бөбек өз атына ие болсын, азан шақырып ат қою рәсімін атап өтейік. Ал ауылдың көпті көрген ауыл әжесі өзіңіз, сондықтан азан шақырып атын қойып, бесікке бөлесеңіз, біз тыштырмаға тояр едік, солай емес пе?

О1: Жаялыққа бөленген жас нәрестені ауыл әжесіне ұсынады.

ӘЖЕ: Ал олай болса бүгінгі Ұлыстың ұлы тойының сыйы боп өмірге келген періштемнің есімін Наурыз қойсам деймін, келісесіздер ме?

КӨПШІЛІК: Әрине, келістік, Наурыз болсын.

ӘЖЕ: Сенің атың Наурыз, сенің атың Наурыз. \бөбектің алдымен оң жақ құлағына, содан соң сол құлағына есімін жария етеді\

О2: Ал әжесі, міне қазақтың қара бесігі. Ендігі кезек тағы сізде деймін –ау!

ӘЖЕ: Бұл бесікті алдымен отпен аластау қажет, міне осылай. Содан соң бесік құралдарымен таныстырып өтейін сіздерді. Иә, мынау бесік көрпесі, жөргегі, қол бауы,түбек және шүмегі болады. Енді бесіктің құрылысының да өз атаулары бар.

Олар: алдыңдағы басы,артқы басы,бел ағаш,қайқы табаны, жақтауы, тақтайшасы.

-Ал, қане, Наурызжанымды бере ғой, бесікке бөлеп әлдилейік оны. Бесікке бөленген бала таза жатады, баланың қол- аяғының түзеу өсуіне септігі тиеді. Бесіктен шыққан бала керіліп созылып рахаттанады, балаға ол да пайдалы. Бесікте жатқан балаға суық тимейді, қымтаулы жатады, естеріңде болсын, қарақтарым....

Ал бесік астына қолдарыңды созыңдар, қане ешкім де қалып қоймай тыштырмадан ауыз тиіңдер, балаларым, Ал, тыштыма....

Бөл бөл бөбек, бөл бөбек

Бөлейін, бері кел, бөбек

Бедерлі бесік, төрт есік

Төгелді салдым төр төсек.

1 – жүргізуші АЙЖАН : Алқа - жұртым, той - думан,Ортамызды ашайық.Ән мен күйді төгіп біз,Інжу маржан шашайық!Ән « Көктем» орындайтын даярлық сынып…