Наурызға шашу және Наурыз мерекесі сабағы

Ұйымдастырылған оқу іс-әрекетінің технологиялық картасы

Білім беру саласы:Әлеуметтік орта.

Бөлімі: Тіл дамыту.

Тақырыбы: «Наурызға шашу.Наурыз мейрамы»

Мақсаты: Наурыз-жыл басы , күн мен түннің теңелуі, табиғатқа қамқорлық мерекесі

екені жөнінде түсінік беру. Балаларды еңбексүйгіштікке, адамгершілікке

тәрбиелеу. Ой –өрісін, тіл байлықтарын дамыту.

Әдіс-тәсілдер: Әңгімелеу , сұрақ-жауап , көрнекілік

Көрнекілігі:Мазмұнды суреттер , мамандық түрлері

Билингвизм: құттықтау- тілек-

Іс-әрекет кезеңдері

Тәрбиешінің әрекеті

Балалардың іс-әрекеті

Себепті қызығушылығын ояту кезеңі:

Арайлап таң атты,

Алтын сәуле таратты.

Жарқырасын даламыз,

Жайнай берсін қаламыз.

Балалар өлең жолдарын айтып,бір-бірімен сәлемдеседі.

-Қайырлы таң!

-Қайырлы күн!

Ұйымдастырушылық ізденіс кезеңі

-Балалар, кәне сендер қандай жыл мезгілдерін білесіңдер?

Жаз,күз, қыс, көктем мезгілдерінің айларын атап беріңдерші?

Балалар, мен сендерге жыл мезгілі туралы жұмбақ жасырамын. Сендер зер салып, мұқият тыңдаңдар.

-Қой маңырап, төл жамырап,

Жайлау малға толады.

Қар, мұз, еріп,

Су көбейіп,

Сай - салаға ағады.

Бүршік шашып

Жапырақ ашып,

Гүл, бәйшешек басады.

Бөбектерім, айтыңдаршы!

Бұл қай кезде болады?

Қарды ертіп жылғасы

Наурыз келді жыл басы демекші көшпелілер жыл басын Наурыздан бастайды.Бүл күн — аспан денелері өздерінің ең бастапқы нүктелеріне келіп, күн мен түн теңелетін, жан - жануарлар төлдеп, адамдардың аузы аққа тиетін, жер үстіне шаттық орнаған күн. Қазақ елі осы күнді «Ұлыстың ұлы күні — ұлыс күн» деп атаған Бүл күн біздің елімізде ерекше тойланады. Степногорск қаласы Ақсу кентінде, былай тойланады. Өнерін көрсететін адамдар қазақтың ұлттық киімдерін киеді. Бүгінгі мерекелік сабағымызға біздің бүлдіршіндерімізде ерекше киініп келді.

-Алаңға киіз үйлер құрылады.

- Балалар, киіз үйді құру үшін нелер керек?

- Киіз үй туралы сендер не білесіңдер?

-Балалар, киіз үйдің сыртында тағы не көріп тұрсыңдар?

-Балалар,қандай ою-өрнектің элементтерін білесіңдер?

-Балалар,киіз үйдің ішінде қандай заттар бар?

- Балалар, сендер қазақтың қандай ұлттық киімдерін білесіңдер?

-Наурыз тойын әдемі

Әжем еске түсірді.

Біздерге арнап әдейі,

Наурыз көже пісірді.

Әжем наурыз көжеге

Жеті түрлі ас салды.

Топтық жұмыс.Наурыз мерекесіне байналысты сұрақтар қойылады.

Наурыз парсы тілінде «Жаңа күн» деген мағынаны білдіреді. Ол шығыс халықтарының ортақ мейрамы, Ұлыстың Ұлы күні деп аталады.