Наурызым – асыл айым тәрбие сағаты, 10-сынып

И.Нүсіпбаев атындағы Алматы облыстық мектеп-интернаты

«Бекітемін»

Мектеп-интернат директоры: _____________ Касымбекова Л.А.

«Наурызым-асыл айым»

/ Салтанатты жиын /

Жауапты:Молдашева Акбота

10 сынып

Алматы 2019ж

«Наурызым-асыл айым!»

Мақсаты:

1.Наурыз мейрамы туралы түсінік беру арқылы Қазақ халқының салт – дәстүрін көрсету,насихаттау және оны құрметтей білуге шақыру.

2. Оқушыларды халқымыздың өнерін,дәстүрін жалғастыратын салауатты ұрпақ етіп тәрбиелеу.

Көрнекілігі: Наурыз мерекесі жайлынақыл сөздер, әр түрлі безендірулер,көрме ұйымдастыру.

Жүргізушілер:Дәменұлы Біржан ( 1-жүргізуші )

Адилбай Аяжан ( 2-жүргізуші )

1 - жүргізуші:Сүйінші ,сүйінші жаңа жыл келді.

Жауқазындар қар астында көзін ашып үлгерді.

Наурыз келді біздің жомарт далаға.

Наурыз келді еңкейген қарт, еңбектеген балаға

2-Жүргізуші:Сүйінші ,сүйінші күн менен түн теңелді,

Жаңа ағымның нұрымен ел ырысқа кеңелді.

Нұр сыйлаған жыл басы наурыз келді тағы да

Жаңа дархан жері бай, еліміздің бағына .

1-жүргізуші:Армысыңдар, халайық,

Бармысыңдар, халайық.

Наурыз тойын жұп жазбай

Жылда қарсы алайық.

2 - жүргізуші:Өнерлерін өрлетіп,

Тойға келген сайланып.

Көрермендер аман ба,

Отырған төрде жайланып?

Барлығы бірігіп: Бәріңізге бір сәлем!

Думанды «Той бастар биімен»ашу( қыздардың орындауында би ).

1-жүргізуші: Жер жүзіндегі халықтардың бәрінің де түрлі мейрамдары бар.Түркі халықтарына сондай ерекше мейрамдардың бірі-Наурыз.Көктемнің шуақты күндерінде адам жанына қуаныш сыйлайтын мереке жыл сайын сән салтанатымен аталып өтуде.

2- жүргізуші: Жаңару мен жасампаздықтың бастауы,ырыс пен берекенің арқауы болған-Әз Наурыз бізге де келіп жетті!Ырыс пен берекеміз артып , еліміз өркендеп ,ұлттық мерекеміздің мәртебесі асқақтай берсін ,әз наурызды ардақтап , «Ұлыстың

ұлы күнін» ұлықтап келген,ағайын ! Ұлыс оң болсын!

1-жүргізуші:

УА, халайық, тұрмайық,

Әндетейік жырлайық!

Ортамызды ашайық,

Ырыс тілеп бұл жылға,

Той шашуын шашайық!

Шашу ( шашу шашылады)

2-жүргізуші:

Қашанда құт - береке орнасын деп,Тойларда шашу шашу - салты елімнің,Уа, халайық теріп ал несібеңді,Қабыл қылсын халқымның ақ тілегін.

1-жүргізуші:

Уа, жараңдар,жараңдар,

Бәрің бері қараңдар!

Наурыз думан басталды,

Кернеп жер мен аспанды!

2- жүргізуші:Мерекелік думанымыздың шымылдығын ашып,құттықтау тілек білдіру үшін сөз кезегі мектеп-интернат директоры Касымбекова Лаззат Ажимахановнаға беріледі.

Алмас:Наурыз менің елімнің берекесі,

Жаңа жылы қазақтың мерекесі.

Шаңырағы биіктеп күнге жақын,

Ұлан-ғайыр керілсін керегесі.

Қымбат білген адамға сөз өнері,

Бұрқ-сарқ етіп қайнасын көжелері.

Жаңа жылда елімнің көркі өсіп,

Гүлге толсын көгеріп көшелері.

1-жүргізуші:

Адилбай Аяжанның орындауында «Мерекем» әнін қабыл алыңыздар!

Мерей:Қазағым, наурызың құтты болсын,

Көтерген шаңырағың биік болсын.

Тілектері ұлтымның қабыл болып,

Жақсылығын бір Алла иіп тұрсын.

Наурыз тойы- ақ батаның бастауы,

Береке мен бірліктің жалғасуы.

Жеті түрлі қасиетті дәмменен,

Байтақ елдің бір толады астауы.

2-жүргізуші:

Наурыз тойы береке,

Наурыз тойы жыр аңыз.

Қызық шаттық мереке,

Қызық думан құрамыз

1-жүргізуші: Ән.Нақәбіл Толғанайдыңорындауында «Мереке» әнін қабыл алыңыздар!

2-жүргізуші:Қараңдар,балалар,анау келе жатқан Қыдыр ата емес пе?

1-жүргізуші:Иә,дұрыс айтасың,Аяжан, Қыдыр ата ғой келе жатқан.

Ассалаумағалейкум,Ата!Наурыз тойы құтты болсын!Қош келдіңіз!

Көрініс көрсетіледі:«Қыдыр атаны қарсы алу»

2-жүргізуші:Би.5-сынып ұлдарының орындауында «Қаражорға» биін қабыл алыңыздар.

1-жүргізуші:

Қазағым наурыз құтты болсын

Еңселі шаңырағың биік болсын

Тілектері үлкендердің қабыл болып,

Жақсылығын тәңірім иіп тұрсын.

2-жүргізуші:

Айналама жаңа көктем лебі ескен,

Бұл кезеңде күн менен түн теңескен.

Сан ғасырлар ата баба салтына,

Көпір болған осы Наурыз емес пе?!

1-жүргізуші:Ән.Өмірбек Өміржанның орындауында «Наурыз» әнін қабыл алыңыздар.

Толғанай:Су жылтырап бүрін ашқан жас талдан,

Бу бұрқырап қатып қалған тастардан.

Күн күркіреп, жасын ойнап аспаннан,

Бар тіршілік Наурыздан басталған!

Ел де тыныш! Жер де тыныш – бұл күні,

Көреміз тек қуаныш пен күлкіні.

Табысқан жұрт таныстауып жатады,

Жамалғандай жүректердің жыртығы!

Бексұлтан:Ұлы күнде тауып мезгіл бір ретін,

Атқарғандай қасиетті міндетін.