Қош келдің, әз Наурыз ашық тәрбие сағаты

Сабақтың тақырыбы: Қош келдің, әз Наурыз!

Мақсаты: Наурыз мейрамы туралы түсінік беру арқылы Қазақ халқының салт – дәстүрін көрсету және оны құрметтей білуге тәрбиелеу.

Көрнекілігі: «Наурыз - 2019» газеті, нақыл, қанатты сөздер, киіз үй, дастархан, суреттер көрмесі.

Барысы:

1 – жүргізуші: Армысыздар, ұстаздар, ата – аналар, қонақтар! Наурыз - шығыс халықтарының ерекше мейрамдарының бірі. Шығыс күн есебі бойынша бұл ай жылдың алғашқы айы. 22 наурызда күн мен түн теңеледі, сол себептен Наурыз жыл басы болып саналады.2 - жүргізуші: Наурыз мейрамы негізінен адамдардың көрісуінен басталған. Жігіттер төңіректегі бұлақтардың көзін ашып, бұлақ басына тал еккен. Жаңа шыққан күнге иіліп сәлем берген. Ренжіскен адамдар татуласқан.

1 – жүргізуші: Дәстүрімізге айналған Ұлыстың Ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

2-жүргізуші: Наурыз – көктем мерекесі. Наурыз – жыл басы. Наурыз – жаңа серпін, жаңа леп.. Наурыз туралы мәліметке назар салайық.

Бейнежазба көрсетіледі

1-жүргізуші: Күн мен Түн теңелген сәтте Күн сәулесі жер шарының шығыс бөлігінен таңғы сағат 6 - да себездеп атқан кезде біздің өмірімізде бұл сәт 21 наурыздың түні, 22 наурыздың таңғы сағат 03. 00 - ке тұспа - тұс келген. Сондықтан да қазақ халқы жаңа жылды 22 наурыздың таңғы сағат 03. 00 - де қарсы алған. Ата - бабамыздың нанымы бойынша көктен жауған Нұр жерге Қызыр баба кейпінде түскен. Әдетте халқымыз Қызыр бабаны «Саумалық» айтумен қарсы алған. Ендеше біз де саумалық айтайық.Саумалық, Саумалық,Қап тауының көк құсы,Ұйқыдан көзін ашты ма?(Барлығы – ашты, ашты)Аяғын жерге басты ма?(Барлығы – басты, басты)Саумалық, Саумалық,Қап тауының көк құсы,Жүгірді ме, көрдің бе?(Жүгірді, жүгірді, көрдік, көрдік)Саумалық, Саумалық,Самарқанның көк тасы,Жібіді ме, көрдің бе?(Жібіді, жібіді, жібіді)Саумалық, Саумалық,Жаңа келген жақсылықты,Көрдік пе, көрмедік пе?(Көрдік, көрдік, көрдік)Саумалық, Саумалық,Ескі жыл шығып, жаңа жыл келді!(Жыл келді, Жыл келді!)Жаңа жыл жарылқа,Ескі жыл есірке!Ақ мол болсын,

қайда барса жол болсын!Деп, үйдегі ескі ыдысты сындырып, «қабақ сынды, қайғы кетті» деп ырым жасаған.

1 - жүргізуші:Қымбатты қонақтар! Енді ортамызға ақ ниетпен, шын пейілмен, дархан көңіл жарқын ниетімен Қызыр ата келеді. Кәне, қарсы алайық.

Бәрі: Қош келдіңіз, Қызыр ата!

2 - жүргізуші:Тамашаға толтырып тұнық төрді,Жетті, Наурыз, үкілеп үміттерді,Барша үйге бақыт боп, береке боп,Жанарынан нұр шашып күліп келді.Ендеше, Ұлыстың ұлы күнінде келген Қызыр бабамыздың ақ батасын алайық.

(Қызыр ата бата береді).

Оу аман ба жарандарАлтын таңға қараңдар.Ерте жайнап атты таңЕстіліп тұр шаттық ән.Жұрағатым қуаныпРахатын тапты жан.Келе жатыр жылымызМейрамдаймыз мұны біз.Жас балаша нұрланып,Жадырайды күнімізҰрпақтардың бағы болсын,Арайланған таңы болсын.Ақ батамен қол жайғанның,Тілегінің бәрі болсын!

1 - жүргізуші: Ал, халайық, тұрмайық,

Әндетейік жырлайық!

Ортамызды ашайық,

Ырыс тілеп бұл жылға,

Жырдан шашу шашайық!

Ән «Мерекем»

2 - жүргізуші: Наурыз ұлттық мереке болғандықтан, қазақтың салт-дәстүрлерге тоқталмау мүмкін емес. Қазақ халқының салт-дәстүлерінің бірі – жарапазан айту.