Негізгі және туынды сын есім 3 сынып сабағы

Сабақтың тақырыбы: Негізгі және туынды сын есім

Сабақтың мақсаты:

Білімділігі: Сын есіи туралы түсініктеріне сүйене отырып, негізгі және туынды сын есім туралы түсіндіру, білім беру.

Дамытушылығы: Оқушылардың ой- өрісін, танымдық қабілетін, сөздік қорларын дамыту. Негізгі және туынды сын есімдерді анықтай түсуге жаттығулар орындата отырып, шығармашылық қабілетін дамыту.

Тәрбиелілігі: тазалыққа, ұқыптылыққа, табиғатты аялауға тәрбиелеу.

Сабақтың түрі: дәстүрлі

Сабақтың типі: жаңа білімді меңгерту.

Сабақтың әдісі: түсіндіру, сұрақ-жауап, талдау

Сабақтың көрнекілігі: интерактивті тақтада дайындалған слайдтар, анимациялық суреттер.

Сабақтың барысы:

І. Ұйымдастыру. Оқушылармен амандасу, сынып оқушыларын түгендеу. Бүгінгі «Алақай» балалар журналының тұсаркесерін хабарлау.

Психологиялық тренинг

«Сәлемдесу – салтымыз» айдары

Қымбатты менің жас достарым!

Осы ғажайып журнал сендерді ойландыратын сұрақтар мен тапсырмалардан тұрады.

Оларға жауап іздей отырып, білгір, талапты, ойшыл, адамгершілігі мол бала болып өсесіңдер!

ІІ. Үй тапсырмасын тексеру

«Өзіңді тексер» айдары

(жас тілшілер өздеріне берілген тапсырманы қалай орындайды)

15-жаттығу. Мәтінді көшіріп жаз.

Екі бала тоғайға бардық. Қарағайдың, түрлі өсімдіктің жұпар иісі мұрныңды жарады. Аласа бұталардың арасынан сұр торғай, көк шымшықтар пыр-пыр ұшады. Анадайда ала қанат тоқылдақтың тоқылы естіледі. Тоғай іші көңілді.

ІІІ.

«Бәріміз бірге ойланайық» айдары

Тоғай іші. Не байқадық? Не естідік? (құстардың дауысы)

ІV . Жаңа сабақ

«Мың рет естігеннен, бір рет көрген артық» айдары

Негізгі және туынды сын есім

Сын есім негізгі және туынды болып екіге бөлінеді.

Сөздерді сөз құрамына талдау. Ақ, әнші, әдемі, үлпілдек, бақыт, емші, аңшы, сақ

Зат есім+жұрнақ = туынды сын есім

Етістік+жұрнақ = туынды сын есім

Сын есім + жұрнақ = туынды сын есім.

Түбір сөзден болған сын есімді негізгі сын есім дейміз:

Мысалы: таза, әдемі

Түбір сөзге жұрнақ жалғану арқылы жасалған сын есімді туынды сын есім дейміз.

Мысалы: өнерлі, күшті.

Мына сөздерді туынды сын есімге айналдыр:

Ақыл, тәртіп, біл, айна

V.

«Біздің қолымыздан келеді» айдары (сурет бойынша сын есімі бар сөздерді қатыстыра отырып, шағын мәтін құрастырады.)

Оқулықпен жұмыс.

« Табиғат –әсемдік әлемі» айдары.

Жайқалсын жасыл әлем өлкемізде,

Сән түзеп, көрік берсін жер бетіне.

Р. Сәтімбекұлы.

25-жаттығу.