Обал мен сауап ашық сабағы 2 сыныпқа арналған

«Өзiн-өзi тану» пәнінің сабақ жоспары

Мектеп: «Сартомар орта мектебі» КММ

Тақырып: «Обал мен сауап»

Құндылық: Қиянат жасамау

Қасиеттер: әрқашан көмектесу, өзгелерді ренжітпеу, жануарларға қамқорлық көрсету.

Сынып: 2

Оқушылар саны: 4

Сабақтың мақсаты:

Мейірімділік туралы түсінік бере отырып , Қиянат жасамау құндылығының мәнін ашу.

Міндеттері:

«Түлкі мен ешкі» ертегісін әңгімелеу арқылы әрдайым өзгеге көмектесуге үйрету;

«Қарлығаш әулие» туралы аңызды сұрау арқылы балаларда бір-бірін,өзгелерді ренжітпеу қасиеттерін дамыту.

Шығармашылық жұмысты орындау арқылы Қиянат жасамауға, қамқорлыққа тәрбиелеу;

Ресурстар:(құралдар, мәлiметтер) 5Т. 5 жұмыс құралын түгендеу, күнделік, оқулық, жұмыс дәптері, қаламсап, қарындаш.

Сабақ барысы:

Ұйымдастыру кезеңi.

Тыныштық сәтi.(баяу әуен)

Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Қандай әсер алдыныз?

Көз алдарыңа қандай бейнелер елестеді?

Үй тапсырмасын тексеру.

№ 19 сабақ «Қарлығаш әулие» аңыз оқып келу.

Төле би ел арасында "Қарлығаш әулие" атанып кеткен екен. Аңыз бойынша, елге жоңғарлар шауып, ауыл адамдары үйлерін тастай қашқан. Осы уақытта тек Төле би ғана түтінін бұзбастан орнында отыра беріпті. Ауылға басып кірген жоңғар қонтайшысы түтінін тұтатқан жалғыз үйді көреді. Ел үдере көшкенде, өзінен қорықпай отырған адамның кім екенін білмекке кісі жібереді. Баса көктеп үйге енген жоңғарлар жөн сұраспастан, бірден жауап алмаққа дүрсе қоя береді. Сонда Төле би жоңғарларға амандықсыз сөз бастағанын айтып, бір тықыртса, көшпеуінің себебін айтып, екінші тықыртқан екен. Жұртпен бірге бас сауғалап, үйін тастамағанының себебін би былай түсіндірген екен: "Биыл шаңырағыма қарлығаш ұя салған екен. Балапандары қанаттанғанша үйімді бұзбайын деп шештім. Жау жағадан алды екен деп ұясын бұзып, балапандарын шырылдатқым келмеді. Сендердің де үйлеріңді ойран етіп, бала-шағаларыңды шырылдатса, өздеріңе жақсы болар ма еді?" Төле бидің жауабын естіген жоңғар қонтайшысы Төле биді әулие деп танып, әскеріне би шаңырағына да, ол отырған ауылға да шаппауын бұйырады. Содан бері Төле би "Қарлығаш әулие" атанып кеткен екен.

Ауылда қандай жағдай болды?

Толе би жоңғарларға не деді?

Жоңғар қонтайшысы Толе биді кім деп атады?

Біз жан-жануарларға, құстарға қандай қамқорлық көрсете аламыз?

Сабақ барысын талдау:

Дәйексөз.

Обалды біліп өссең – сауапқа кенелесін.

Халық даналығы

Обал дегенді қалай түсінесіңдер?

Обал болады, сауап болады деген сөздер қандай жағдайда айтылады?

Обал мен сауаптың айырмашылығын қалай ажыратуға болады?

Дәйексөзді хормен оқу, жанында отырған балаға айту, жүрекпен айту,жаттап алу.

Түйін: Обалды біліп өссең – сауапқа кенелесің деген халық даналығында үлкен мән бар. Өйткені үлкендер жасауға болмайтын қылықтарды «обал болады» деп айтып отырып, кішілерді, балаларды жаман әдеттерден сақтандырады. Сауабын аласың» дей отырып, жақсы істер жасауға жетелейді. «Сауабын аласың» дегеннің өзі, бұл – жақсы іс істегенің, жақсылыққа жетесің, алғысқа бөленесің деген ойды білдіреді. Сондықтан үлкендердің бізге «обал болады», «сауабын аласың» деп айтқандағы тілін алып отыру, бізді үлкен жақсылықтарға жеткізеді.

- Обал мен сауап мағынасы жағынан бір - біріне ұқсас болған ұғымдар. Обал – жақсы нәрсенің қадірін біл, болмаса түбінде оның зардабын тартасың деген ұғымды білдіреді.

Сауап – адамға жақсылық жасау, табиғатқа қамқор болу, жақсы іс істеу, дегенді білдіреді.

Әңгiмелеу

Мұғалім сыйы

Ертегі

«Түлкімен ешкі»

Бір түлкі жүгіріп келе жатып, абайсызда бір терең апанға түсіп кетіпті.

Шыға алмай тұрғанда, бір ешкі су іздеп жүріп, әлгі апанға кез болып, түлкіні көреді.

Ей, түлкі батыр, не қылып тұрсың? – депті.

Ой, не қыласың жаным жай тауып тұр.

Қырда әрі сусап, әрі ыстықтап өліп едім. Апанның іші әрі салқын, әрі түбінде тұп-тұнық суы бар екен, - депті түлкі.

Мұны естіп ешкі: «Менде салқындайын, әрі су ішейін», - деп ойлап, секіріп апанға түсіпті. Сонда түлкі секіріп ешкінің үстіне мініп, онын мүйізіне табан тірепті де, ырғып далаға шығып , жөніне кетіпті...

Айтылған әңгіме бізге не үйретеді?

Түлкі кімге қиянат жасады және қандай әрекет жасады?

Сіздер түлкінің орнында болсаңыздар не істер едіңіздер?

Өзгелерді ренжітпей қиянат жасамай өмір сүру оңайма?

Шығармашылық жұмыс, топтық жұмыс.

Балаларды екі топқа, екі шеңберге бөлемін

Ойын «Обал –Сауап»

Қазір біз «Обал –сауап» деген ойын ойнаймыз, мен бір сөйлемді бастап, қолымдағы допты бір оқушыға лақтырамын, доп кімнің қолына тисе сол оқушы сөйлемді «Обал болады» немесе «Сауап болады» деген сөйлеммен…