Обал мен сауап тақырыбындағы өзін-өзі тану таныстырылымы

Тақырыбы: «Обал мен сауап» 2-сынып

СҚО Есіл ауданы «Ильинка орта мектебі» КММ өзін-өзі тану пәні мұғалімі

Қаппас Нұрдәулет Ибрагимұлы

Құндылық: қиянат жасамау Қасиеттер: әрқашан көмектесу, өзгелерді ренжітпеу, жануарларға қамқорлық көрсету.

Сабақтың мақсаты :

Мейірімділік туралы түсінік бере отырып , қиянат жасамау құндылығының мәнін ашу .

Міндеттері :

- Әрдайым өзгеге көмектесуге үйрету ;

Балаларда бірін-бірін, өзгелерді ренжітпеу қасиеттерін дамыту ;

Қиянат жасамауға , қамқорлыққа тәрбиелеу .

Тыныштық сәті

(баяу әуен)

«Теңіз түбіне саяхат»

Тренинг: «Жақсы көңіл - күй сыйлау»

Әрбір топ бір-біріне жақсы тілектер айту

Үй тапсырмасын тексеру: «Құс ұясын бұзбайық»

Төле би ел арасында " Қарлығаш әулие " атанып кеткен екен . Аңыз бойынша , елге жоңғарлар шауып , ауыл адамдары үйлерін тастай қашқан . Осы уақытта тек Төле би ғана түтінін бұзбастан орнында отыра беріпті . Ауылға басып кірген жоңғар қонтайшысы түтінін тұтатқан жалғыз үйді көреді . Ел үдере көшкенде , өзінен қорықпай отырған адамның кім екенін білмекке кісі жібереді . Баса көктеп үйге енген жоңғарлар жөн сұраспастан , бірден жауап алмаққа дүрсе қоя береді. Сонда Төле би жоңғарларға амандықсыз сөз бастағанын айтып , бір тықыртса , көшпеуінің себебін айтып , екінші тықыртқан екен . Жұртпен бірге бас сауғалап , үйін тастамағанының себебін би былай түсіндірген екен : " Биыл шаңырағыма қарлығаш ұя салған екен . Балапандары қанаттанғанша үйімді бұзбайын деп шештім . Жау жағадан алды екен деп ұясын бұзып , балапандарын шырылдатқым келмеді. Сендердің де үйлеріңді ойран етіп, бала- шағаларыңды шырылдатса , өздеріңе жақсы болар ма еді ?" Төле бидің жауабын естіген жоңғар қонтайшысы Төле биді әулие деп танып , әскеріне би шаңырағына да, ол отырған ауылға да шаппауын бұйырады . Содан бері Төле би " Қарлығаш әулие " атанып кеткен екен .

Дәйексөз:

«Обалды біліп өссең- сауапқа кенелесің»

Халық даналығы

Тақырыпты ашу : « Обал деген не?»

(Бейнебаян тамашалау)