Обал мен сауап тақырыбына арналған сабақ жоспары, 2-сынып

Мерзімі: сабақ №20

Тақырыбы: Обал мен сауап

Құндылығы: дұрыс әрекет

Қасиеттері: мейірімділік, үнемшілдік. жанашырлық

Сыныбы: 2

Мақсаты: оқушыларға адамның жан сұлулығы ұғымын түсіндіре отырып, дұрыс әрекет құндылығының мәнін ашу

Міндеттері:

1. Оқушыларға қайырымдылық жасаудың мәнін ұғындыру;

2. Оқушылардың бойында жанашырлық қасиеттерін дамыту;

3. Оқушыларды кішіпейілділікке тәрбиелеу.

Ресурстар: (құралдар, мәлiметтер)

Сабақ барысы:

Ұйымдастыру кезеңi.

5 Т

Тәртіп

Талап

Тыныштық

Тазалық

Татулық

Тыныштық сәтi.

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Үй тапсырмасын тексеру

«Құс ұясын бұзбайық» 78 бет

Ескерту

"Волшебная композиция"

Дәйексөз.

«Обалды біліп өссең-сауапқа кенелесің»

Халық нақылы

- Дәйексөздің мағынасын қалай түсінесіздер?

2 рет қыздарға айтқызу, 2 рет ұлдарға айтқызу. Барлығы бірге айтып шығады. Дәптерге жазып алу.

Дәптер

Оқиғаларды әңгiмелеу (сұхбат)

«Бір стақан сүт» әңгімесі

Таңертеңгі уақыт. Күн өте салқын болатын. Газет сатып жүрген баланың қарны ашқанынан әлі болмады әрі қатты тоңды. Оның тұратын аулында жоғары сыныптардың болмағанынан әрі мектепке автобуспен баруға қаражаттың қажеттігінен оған газет сатуға тура келді.

Баланың қарнының ашқаны соншалық, ол жақын маңдағы үйге барып, тамақ сұрауға бел буды. Оған есік ашқан сәтте ол қысылып, тек ішуге ғана сұрады.