Ойыншықтар тақырыбындағы ашық сабақ, балабақша

Тақырыбы: «Ойыншықтар»Білім беру саласы: Әлеуметтік орта

Ұйымдастырылған оқу іс-әрекет түрі: Қоршаған ортамен таныстыру.Оқу іс-әрекетінің мақсаты: Балаларға ойыншықтар туралы білімдерін кеңейту.Ойыншықтардың атауларын анық айта білуге ,ойыншықтардың нелерден жасалатыны және оларды ажырата білуге үйрету. Ойыншықтарды ұқыпты ұстай білуге, жинақылыққа тәрбиелеу.

Әдіс – тәсілдер: жылулық шеңбері, түсіндіру-көрсету, саяхат, ойын, тақпақтар, өлең, қорытынды.

Көрнекіліктер: ойыншықтар, себеттер, кішкентай доптар, қуыршақ, машина

Сөздік жұмыстар: ойыншықтар, сындыруға болмайды, пласмасса, ағаш, резеңке, шүберек.

Билингвалдық компонент: ойыншықтар- игрушки.

Ашық тәрбие сағатының барысы:

Ұйымдастыру кезеңі:

Тәрбиеші:Балалар, көңіл күйлерің қалай?

Балалар: жақсы.

Тәрбиеші: Тамаша, олай болса бүгінгі ашық тәрбие сағатымызды бастайық.

Жылулық шеңбері.

Біз қандаймыз, қандаймыз,

Шұғылалы таңдаймыз.

Күлімдеген күндейміз,

Ренжуді біз білмейміз.

Тәрбиеші: Балалар сендер балабақшаға келгенде немен ойнайсыңдар?

Балалар: Ойыншықтармен ойнаймыз.

Тәрбиеші: Дұрыс айтасыңдар балалар, сендер балабақшаға келгенде көптеген ойыншықтармен ойнайсыңдар, олай болса бүгін біз сендермен ойыншықтар туралы әңгімелесетін боламыз.

Тәрбиеші: Қане, балалар сүйікті ойыншығымызды атайықшы.

Балалар: Қуыршақ, машина, доп т.б.

Тәрбиеші: Бүгін біз сендермен ойыншықтар әлеміне саяхат жасаймыз.

Тосын сәт: Осы кезде Айжан жылап келеді,балалармен амандасып, ойыншығын жоғалтып алғанын айтады.

Тәрбиеші: Балалар Айжан ойыншығын тауып беруге көмектесеміз бе?

Балалар: Ия Айжанға көмектесеміз.

Тәрбиеші: Жарайсыңдар, балалар ендеше ойыншықтар әлеміне саяхат жасайық.

Сөрелерде ағаштан, резеңкеден және пластмасса мен шүберектен жасалған ойыншықтар тұрады.

Балалар мына жердегі не екен қарайықшы жаймен деп бетін ашайықшы және Айжанның ойыншығын іздейік?

Балалар: Ия қарайықшы.

Тәрбиеші: Мына жерде тағы ойыншықтар бар екен. Мынау қандай ойыншықтар?

Балалар: Домбыра, үстел, сандық.

Тәрбиеші: Дұрыс айтасыңдар балалар, қазақтың ұлттық аспабы –домбыра, үстел, сандық бұл ойыншықтар ағаштан жасалған.

Тәрбиеші: Айжан мына жерде сенің ойыншық бар ма?

Айжан: Көре алмай тұрмын өз ойыншығымды.

Тәрбиеші: Балалар мынау қандай ойыншықтар?

Балалар: машина, доп, шелек, күрек.

Тәрбиеші: Дұрыс айтасыңдар балалар, осы ойыншықтар пласмассадан жасалған. Қатты болып келеді.Айжан мына жерде сенің ойыншық бар ма?

Айжан: Көре алмай тұрмын өз ойыншығымды.

Тәрбиеші: Мына кішкентай доптармен бір ойын ойнайық.

Ойын: «Кім жылдам?» балалар кішкетай доптарды себеттерге түсіне қарай орналастырады.