Олимпиадалық есептердегі логикалық ойлау әдістемесі

Алматы облысы, Көксу ауданы, Мәулімбай

ауылы, Жеңіс негізгі орта мектебінің

математика пәнінің мұғалімі.

Әкыманбек Майнұр

Олимпиадалық есептер шығаруда логикалық ойлау

қабілетін дамыту әдістемесі

Қазіргі заманда білім беру әлеуметтік құрылымның маңызды элементтерінің біріне айналды. Дүние жүзінде білімнің құны артып, адамның болашағы оның қазіргі алған білімінің сапасының көлеміне, ойлау деңгейіне байланысты болып қалды. Сондықтан әр маман өз саласының ғылыми техникалық және экономикалық негіздерін терең біліп, өз еңбегіне жауапкершілікпен шығармашылықпен қарауы тиіс. Оқушылардың математикалық білімін жоғары деңгейге көтеру – ұстаздың міндеті.

Мұғалімдердің басты мақсаты – оқушыларға саналы тәрбие, сапалы білім беру. Бұл мақсатқа жетудің бірден - бір жолы: мұғалімдердің оқу үрдісін тиімді ұйымдастыру мен жоспарлауына, оқу құралдарын шеберлікпен пайдалануына тәуелді.

Оқушылардың білімділік және тәрбиелік деңгейі ұстазға байланысты. Дарынды балалардың қабілетін дамытудың жолдары көп. Соның ішінде логикалық ойлау қабілетін арттырудың орны ерекше. Оқушылардың математика пәніне деген қызығушылығын оятатын, олардың ой –өрісінің, шығармашылық қабілетінің дамуына ықпал ететін де осы күрделілігі жоғары олимпиадалық есептер.

Олимпиадалық есептерді шығару – бәрінен бұрын логикалық ойлау үрдісі. Логикалық ойлау қабілеті - математикалық есептерді шығару шеберлігін қалыптастыруда , оқушылардың ойлау деңгейін арттыруда елеулі орын алады.

Логикалық есептерді олимпиадалық есептерді шешуде де

қолданады. Есеп.Он - оннан асығы бар үш бала өзара асық ойнады. Ойыннан соң біріншісі екіншісіне қарап: - Қанша асық ұттың? – дейді. Ол: - Онша көп ұтқыза коймаппын, сегіз асығым қалыпты, - дейді. – Онда сендегі барлық асық менің ұтып алған асығыма тең екен, дейді үшінші бала асықтарын түгендеп тұрып. – Ең көп асық ұтылғаны мен болдым, - дейді мұңайып бірінші бала.