Логикалық ойлау мен логикалық сөйлеуді дамыту мақаласы

Логикалық ойлау - логикалық сөйлеудің негізі.

«Логикалық ойлау - логикалық сөйлеудің негізі,

ал мұны –логиқалық ұстаз дамытуға тиіс»

К.Д.Ушинский

Кез келген мемлекеттің болашағы – бүгінгі жас ұрпақ екені белгілі. Дамыған 50 елдің қатарына енуге мүмкіндік беретін құдіретті күш – білім. Оқушыға білім беру – күрделі мәселе.

Білім беру жүйесінің басты міндеті – ұлттық және адамзаттық құндылықтар, ғылым мен практика жетістіктері негізінде жеке адамды қалыптастыруға, дамытуға және кәсіби шыңдауға бағытталған білім алу үшін қажетті жағдайлар жасау, оқытудың жаңа технологиясын енгізу, білім беруді ақпараттандыру.

Әрбір оқушыда сапалы және терең біліммен іскерліктің болуын, олардың шығармашылықпен жұмыс істеуін, ойлауға қабілетті болуын талап ету - қазір білім мазмұнының талабы .

Білім беру саласының алдына қойылған мақсаттарды іске асыруда бірінші кезекте мектеп оқушыларының математикалық сауаттылығын арттыру болып табылады.

Математика бұрыннан келе жатқан білімде де математика ғылымын терең меңгеру басты өмірлік ұстанымына айналған. Осы орайда, әрбір ұстаздың басты міндеті - жас ұрпаққа жан –жақты білім бере отырып, оқушының бойындағы қабілетін ашу арқылы, өмірге деген көзқарасын қалыптастыру. Математика пәніне қызуғышылығын арттыру арқылы, логикалық ойлау қабілетін дамыту. Барлық бала бірдей математикалық қабілетке ие бола алмайды. Сондықтанда математика барлық ғылымдардың логикалық негізі – күретамыры ретінде қарастырылады.

Оқушының математикалық ойлауы дамуы үшін түрлі тапсырмаларды орындауы тиіс.

Математиканы оқыту арқылы мәселені талдай білуге, нақтылауға, ұғымдарды анықтауға, ойқорытулар жасауға, дәлелдеуге тағы басқа іс – жүзінде қадам сайын логикалық білім беріледі.

Математиканың өмірмен байланысын анықтап, миды жаттықтыру үшін адамға математиканы үйрену, есеп шығару, математиканың бүкіл заңдарын басқа ғылымдарды оқығанда пайдаланады.

Бүгінгі таңда туындап отырған әлеуметтік сұранысқа орай анықталған мақсаттар мен міндеттер бастауыш білім беру деңгейінде математикалық білімнің мазмұнын оқытудың әдіс – тәсілдерін, құрал –жабдықтарын және ұйымдастыру түрлеріндегі сабақтастыққа баса назар аудару қажеттігін көрсетіп отыр.Себебі, оқушының логиқалық ойлау қабілітін дамытуға өзіндік үлес қосатын бірден бір пән математика пәні болып табылады. Сондықтанда математика пәнін оқыту барысында логикалық есептерді, жаттығуларды пайдалану оң нәтижеге жетуге септігін тигізетін жолдардың бірі болып табылады.

Логика дегеніміз — спортшыға да, бишіге де, жазушыға да керек.

Логика ­ ой – әрекетті дамыту үшін оқу материалдарына теориялық талдау жасауға, өз бетінше қорытындыға келуге айрықша мән беріледі. Өз бетімен, кітаппен жұмыс жасау оқу материалдарының қандай түрлерін есте сақтау керектігін білуге, өз бетінше білімді тәжірибеде пайдалану дағдысын арттыруға мүмкіндік береді.

Логикалық тапсырмалар қарапайымнан басталып, біртіндеп қиындап оқушылардың танымдық қызметін дамытады.

Логикалық есептерді шығаруда шығармашылықпен жұмыс істеу әрбір оқушыға тиімді дер едім.

Ең бастысы шығармашылықпен жұмыс істеген адамның өзіне және өз ісіне деген сенімі, жауапкершілігі артады, іскерлік дағдысы қалыптасады.

Логикалық есептерді шешіп , үйрену ­ есеп шығаруды үйрену үшін ғана емес, кез – келген проблеманы шеше білуге, өз қабілетіңді жетілдіру үшін де қажет.

Сондықтан, «Мен ақша санаймын, өз кірісім мен шығысымды есептей аламын, одан өзге математиканың маған қажеті шамалы» деуге болмайды.

Егер олай десеңіз, адам өмірінің мәнін түсінбегеніңізді көрсетесіз, өмір деп отырғаныңыз шын мағынасында өмір емес, жай ғана тіршілік болады.

Біз тек сол үшін жаратылған жоқпыз, бізге ақыл – ой сол үшін берілмеген. Біз өз өмірімізді мәнді қылып, барлық жетістіктерге жету үшін табиғаттағы барлық білімді пайдалана білуіміз керек.

Міне, соның ішінде адамды тез ойлай білуге, аңғарымпаздыққа, ой ұшқырлығына жетелейтін логикалық есептердің орны ерекше дер едім.

Адамның ерекше қасиеттерінің бірі — логикалық есепті дұрыс шеше білу. Менің мақсатым — әртүрлі логикалық есептерлі дұрыс шығара білуге үйрету. Ол үшін математикалық логиканың негізін түсініп, логикалық есептерді шешуге жетелеймін. Математикалық логиканы білмейінше, оны…