Өмір сайыс сабағы физикадан 7–11 сыныптарға

Сабақтың тақырыбы:Шіркін life тележобасы физика сабағында.

Сабақтың мақсаты:

Білімділігі:оқушылардың «физика және астрономия» табиғат туралы ғылымдар,физикалық өлшем бірліктер және формулалар,есептер шығару бойынша білімдерін пысықтап,практикалық шеберліктері мен дағдыларын қалыптастыру.

Тәрбиелігі:оқушыларды достыққа,ынтымақтастыққа,татулыққа тәрбиелей отырып тапқырлыққа баулу.

Дамытушылық:оқушылардың ойлау қабілетін дамыту,олардың пәнге деген қызығушылығын арттыру.

Құрал-жабдықтар:интерактивті тақта.

Сабақ түрі: жарыс сабағы,ойын сабағы.

Сабақ әдісі:білім дағдыларын қайта жаңғырту арқылы білімді белсенді игерту.

Сабақты сайыс түрінде өткіземіз.Сыныптардан оқушылар іріктеліп алынады.Әр сыныптан екі оқушыдан қатысады.Бұл сайыс физика апталығында бір апта бойына жүргізіледі.Әр күнгі ойын сабағына әділқазылар алқасы сайланады.Ал қалған оқушылар екі топқа «SMS»жолдау арқылы ұпай қосуға болады.Ол үшін оқушылар апталық барысында тест тапсырмаларын,ребустар,сөзжұмбақтар құрастыру арқылы ұпай қоса алады.Ал енді сіздерге сабаққа белсенділік танытып жақсы қатысуларыңызды сұрай отырып,іске сәт тілеймін.

1-күні «Шіркін life» ұлттық ойын түрлерін физика сабағында қолдануда.

Ойын дегеніміз-ұшқын,білімге құмарлық пен еліктеудің маздап жанар оты.

1-ойын. «Мәреге жет»

1.Жерден айға ұшып жету үшін латын әріптері арқылы қандай физикалық шаманы белгілейтінін айтады.

2. Мектептен үйге жету үшін физикалық шамалардың өлшем бірліктерін бір минут ішінде айтып үлгерулері керек.

2-ойын. «Шеңберден өтіп шығу»

Мұнда оқушы шеңберден шығып кету үшін жазылған физикалық шамалардың сан мәндерін тез-тез айтып үлгеруі керек.

3-ойын. «Жаяу жарыс»

Оқушылар жазық алаңға жиналып басқарушы тағайындайды.Басқарушының нұсқауымен жарысқа түседі.Кім бұрын озып келсе бірінші бәйге,екінші келген ойыншы екінші бәйге алады.Сұрақтарға кезекпен жауап береді.

Осымен 1-күнгі жинаған ұпайларын әділқазы жариялайды.Бір топтан бір оқушы шығып өнер көрсетеді.

2-күні. « Шіркін life »құбылыстар құпиясы атты астрономия негіздерінде.

Физика сабағында өлең шумақтарын қолдану өте тиімді.Бұл тәсіл оқушының тіл байлығын дамытуға ,өлең ұйқастарын құрастырып үйренуіне көп көмегін тигізеді.Физикалық құбылыстарды сұрақ-жауап ретінде немесе тікелей құбылыстың мәнін ашатын ,әзіл-шыны аралас өлең шумақтары арқылы арқылы түсіндіруге болады.Бұл бөлімде мұғалім құбылыс туралы сұрақ қояды,оған команда мүшелері жауабын айтады.

1.Найзағай.

Бұлтты аспанның жүзінде

Найзағай неге ойнайды!

Байқап тұрсаң түбінде,

Жаңбыр жаумай қоймайды.

Жауабы.

Ой ойнатқан бұлтты аспанның жүзінен

Разряд-әр текті,зарядтардан түзілген

Күркіреген көк те тынбай гүрілдеп

Ашылады күн шыққан соң күлімдеп.

2.Жаңбыр.

Көк аспанның төрінде

Бұлттар жүзіп барады

Күн күркірі тегін бе,

Жаңбыр неге жауады?

Жауабы.

Булану,конденсация есебінен

Көктен жаңбыр жауады дер едім мен

Ауаның да біркелкі қызбауынан

Тағы да себебін көремін мен.

3.Жел.

Жылдың төрт мезгілінде де

Мазасыз жел соғады.

Әлде бұл өздігінен бе

Себебі неден болады?

Жауабы.

Температура бір болмай ауадағы

Жылы ауа ағыны таралады.

Конвекция процесс пайда болып,

Біздіңше ол,жел соқты деп саналады.

4.Қар.

Қыста аспан түнеріп

Қар жауады себелеп

Себебін біз де білелік,

Сұрақ қойдық неге-деп!

Жауабы.

Қыс күнінде қардың жауу себебін,

Ауадағы су кристалдануы дер едім.

Жерге қарай оның құлап түсуін

Ауырлық күші әсерінен көремін.

5.Түтін.

Отынды жаздай құрғаған

Пешке неге тығады?

Үйлердегі мұржадан,

Түтін неге шығады?

Жауабы.

Отынды жақсаң қураған

Конвекция процесі жетегімен

Түтін шығады мұржадан,

Жылы ауаға ілесіп көтерілген.

6.Ультрадыбыс.

Түнде табар қорегін

Жарқанат қалай көреді?

Соқтықпай түнде ешкімге

Еркін ұша береді.

Жауабы.

Түнде ұшқанда жарқанат

Құлағымен көреді

Соқтықтырмайды қалқалап,

Ультрадыбыс демеуі.

7.Қайнау.

Отта тұрған шәйнекте

Су неліктен қайнайды?

Бұрқ-сарқ етіп тездете

«Қайнадым «-деп тасиды.

Жауабы.

Қайнау деген-сұйықтың булануы

Көріп жүрміз қайнаған судан мұны

Қайнар кезде ызылдап,шу шығарар

Көпіршіктің жарылысынан туған үні.

8.Дыбыс.

Дыбыс қалай шығады?

Домбыраны тартқанда

Бұралса дұрыс құлағы

Шырқалмай әуен жатқан ба!

Жауабы.

Домбыраның дыбысын шығаратын

Қос ішектің ырғақты тербелісі

Шанағы оның кәдімгі резонатор,

Ойлап тапқан бабамның зерделі

2-бөлім. «Анаграммалар» .

Әрбір дұрыс жауапқа бір ұпай.

Срам,динар,урна,карета,илар,низал,каспер

Жауабы;марс,надир,уран,ракета,лира,линза,парсек.

3-бөлім.«Ғаламшарлар

Әрбір дұрыс жауапқа бір ұпай.

1.Күнге ең жақын,ең кіші ғаламшар.Күнді 88тәулік ішінде айналып шығады.Бетіндегі температура күндіз +300 градус болса,түнде -200градусқа төмендейді.Жауабы;меркурий

2.Диаметрі бойынша жерден 11есе үлкен,салмағы бойынша 300есе үлкен.Ғаламшар бетіндегі орта шама температурасы -138градус.Оның табиғи серіктері-Еуропа,Каллипсо,Ио,Ганимед.Жауабы;Юпитер

3.Күн –жүйесіндегі ең сопақ ғаламшар.Бұл ғаламшардың 60 серігі бар.

Жауабы;сатурн.

4.Ғаламшардың жасы шамамен 4,6млрд жыл,орташа радиусы 6372,797км.Жауабы;жер.

5.Күнді 84 жылда бір рет айналатын,1781 жылы ашылған ғаламшар.Жауабы:уран.

6.1849 жылы ашылған күн жүйесінен ең алыс орналасқан ғаламшар.Жауабы:нептун.

3-күні.Сөзжұмбақтар,ребустар шешу.

1.Физика сөзжұмбағы.

1.Молекулалардың үздіксіз ретсіз қозғалатын

Процесі.(диффузия)

2.Итальян ғалымы (Галилей)

3.Заттың үш күйінің бір түрі.(газ).

4.Табиғат жайындағы ғалымдардың бірі (физика).

5.Заттың ең ұсақ бөлшегі(молекула).