Өмірдегі физика авторлық бағдарламасы 8 сыныпқа

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

Куземханова Раушан Орымбековна

Физика пәні бойынша 8-сыныптың вариативті курсына арнап

жазылған

АВТОРЛЫҚ БАҒДАРЛАМА

ӘӨЖ 530.1 КБЖ 22.31 Рецензент: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика- психологиялық қолдау кафедрасының ЖБМ тренері, аға оқытушы Ф.Б. Ғалымжанова. Авторлық бағдарлама: Өмірдегі физика // құрастырушы автор: Р.О. Куземханова – Қарағанды облысы Балқаш қаласы «Балдәурен» республикалық оқу-сауықтыру орталығының физика пәнінің мұғалімі, 2021. – 50 б.

ISBN 267-601-7082-80-20

Авторлық бағдарлама 8-сынып оқушыларын өміріміздің барлық саласында кездесетін физика пәніне қатысты ғылыми деректермен таныстыруды, оқушылардың ғылыми-теориялық білімдерін қалыптастыруды мақсат етіп жазылған. Қолданбалы курс, вариативті сабақтарға негізделіп жасалған бағдарлама физика пәнін оқытудың мемлекеттік стандартына сай орындалған.

ӘӨЖ 530.1

КБЖ 22.31

«Инновация» Оқу-әдістемелік Орталығының 2021 жылғы 13 қыркүйектегі №2 хаттамасына сәйкес сараптау комиссиясының шешімімен баспаға ұсынылды. ISBN © «Инновация» баспа үйі – 2021 267-601-7082-80-20

ҚАЗАҚСТАН РЕСПУБЛИКАСЫ «ИННОВАЦИЯ» ОҚУ- ӘДІСТЕМЕЛІК ОРТАЛЫҒЫНЫҢ

БАСПАСЫНА ҰСЫНЫЛДЫ

Рецензент: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика- психологиялық қолдау кафедрасының ЖБМ тренері, аға оқытушы Ф.Б. Ғалымжанова. Құрастырушы автор: Куземханова Раушан Орымбековна Қарағанды облысы Балқаш қаласы «Балдәурен» республикалық оқу-сауықтыру орталығының физика пәнінің мұғалімі

© «Инновация» баспа үйі – 2021 жыл

ТҮСІНІК ХАТ Бүгінгі Қазақстанға қалыптан тыс ойлай алатын, шұғыл шешімдер қабылдай білетін, белсенді, шығармашыл, инновациялық технологиялар мен техникалық ғылымдарға ие тұлғалар қажет. Сондықтан сабақтарда тек білімдік мақсаттарды шешіп қоймай, балалардың даралық қасиеттерін, қабілеттерін дамытудын жолдарын, білімдерін арттырудың тәсілдерін қарастырған жөн. Әрбір мемлекеттің өсіп-өркендеуінің, бәсекеге қабілетті болуының ең басты ошағы ұстаз берген біліммен бағаланады. Сондықтан дамудың ең биік шыңынан көрінгісі келетін кез келген мемлекет, ең алдымен білім беру саласын дұрыс жолға қойып, сапасын көтеруді мақсат етеді.

Физика-математика пәндерін оқыту бүгінгі заман талабына сай ұрпақ тәрбиелеуде маңызды рөл атқарады. Себебі, физика-математика сынды пәндерді жақсы меңгерген шәкірттер ғылымның кез-келген саласын игеруге де, өмірлік мәселелерді шешуге де бейім болып келеді. Сондықтан оқушыларға өмірдегі физиканы ғылыммен ұштастыра отырып үйретуде мақсат етіп, осы авторлық бағдарламаны ұсынып отырмын. Бұл курс бағдарламасы аптасына 1 сағаттан өтіле отырып, 34 сағатты 1 жыл мерзімге өтуге жоспарланған.

Курстың өзектілігі: Жаратылыстану бағытында терең білім беру, оқыту – заман талабы десек, оның негізгі мақсаты: жаратылыстану бағытында білімді, қабілетті тұлғаны дамыту және қалыптастыру. Оқушыларға пән бойынша алған білім- білігін және дағдысын өмірде пайдалана білуді үйрету.

Курстың өзекті мақсаты: Оқушылардың пән бойынша оқытылатын курста физика пәнінен алған білімдерін арттырып, танымдық белсенділігін, дағдыларын қалыптастыру.

Міндеттері:  негізгі курста алынған білім мен дағдыларды

жетілдіру;  пән бойынша оқушылардың танымдық белсенділігін

арттыру;  физикалық термин сөздерді қазақ, орыс және

ағылшын тілдерінде меңгеру;  курста алған білімдерін дербес қолдана алуға

дағдыландыру;

Бағдарлама мазмұны:

«Жылу» бөліміндегі 8 тақырып 8 сағатқа қамтылған. Термометр тарихынан /1 с./. Жылу беру /1 с. /. Қыздырғыш құралдар (үтік, электр батарея, жылу пештер) /1с./. Күн батареясы /1с./. Жылу қозғалтқыштары /1с./. Термодинамиканың бірінші заңы /1с./. Термодинамиканың екінші заңы/1с./. Экология және энергия /1с./ . «Электр бөліміне» 10 тақырып 10 сағатқа берілген. Электр заряды /1с. /. Денелердің электрленуі /1с./. Найзағай /1с./. Электр құралдары (амперметр, вольтметр, ток көзі) /1с./. Тұрмыстағы электр құралдары (теледидар, компьютер,