Өмірді бағалау 8-сыныпқа арналған психологиялық тренинг

Тренинг сабақтың тақырыбы: «Өмір-өмір сүруі үшін беріледі»

Мақсаты: оқушылардың өзін - өзі тануына, өзінің не нәрсеге қызығушылығы, қабілеті бар екендігін анықтауға бағыт беру. Өз - өзіңді тани білсең ғана көздеген мақсатына жете алатындығын ұғындыру. Өмірге деген құлшыныстарын арттырып, жағымды көңіл-күй қалыптастыру.

Күтілетін нәтиже: тренинг - сабақ барысында берілген ақпараттарды игере отырып, өз - өзін тани алуы, өз мүмкіншіліктерін білуі. Оқушының ойлау аймағының шексіз екендігін көрсете отырып, өз - өзін түсінуге, бағалауга баулу.

Құрметті оқушылар! Өмір – ол адамға бір-ақ рет берілетін баға жетпес қымбат сый. Осындай сыйды саған сыйлаған кім? Әрине саған осындай баға жетпес сый сыйлаған ең қымбат адамдарың, ол сенің ата-анаң. Сондықтан ата-анамызды ренжітпеуіміз керек, айтады ғой, «Анаңды үш рет Меккеге арқалап апарсаңда борышыңды өтей алмайсың»-деп. Себебі, біріншіден ол саған өмір сыйлады, саған жарық дүние көрсетті, сені өсірді, сенің ыстығыңа күйді, суығыңа тоңды, түн ұйқысын төрт бөліп сені аялады, тәрбилеп өсірді. Саған анаң осындай баға жетпес сый сыйлады, сен соған лайықты өмір сүруге тиіссің. Адам өмірі жеңіс пен жеңілістен, сәттілік пен сәтсіздіктен, қайғы мен қуаныштан құралады. Міне өмірдің өзі біле-білсең сонысымен қымбат. Қазақ халқы өмірді ағып жатқан өзенге теңейді. Өйткені өмір өзен тәрізді тоқтаусыз, ешкімге білдірмей өтіп жатады. Сол өзен ағынында кейбір жан өз арнасын тауып жатса, енді кейбіреулері бастарын тасқа да, жарға да ұрып, өз жолын таба алмай жатады. Ұлы ойшыл Шәкәрім Құдайберді атамыз:

Дүние қу

Бірі ағын су

Түстік онда көп болып

Күнде ағамыз

Сандаламыз

Бейнетіміз көп болып

Кейде тасқа

Кейде ағашқа

Соқтығамыз дөп келіп,- дейді.

Демек, өмірде өз ағысымыз бен өз арнамызды тура табуымыз үшін өзімізді, өзгелерді қоршаған ортаны танып-біліп, рухани құндылықтарды терең меңгеріп, адамгершілік қасиеттерді бойымызға дарытсақ, мақсат мұратымызға қол жеткізе аламыз.

Тренинг ережесі:

Тыңдай білу

Белсенді қатысу

Сөзді бөлмеу

Күлімсіреу

Уақытқа бағыну

1. «Сәлемдесу»

Психолог:Оқушылардың есімдерін атай отырып өз бойындағы үш қасиетін кезекпен айтады және де өз есімдерін кім қойды, не себепті қойды айту керек. Егерде өз есімін кім қойғанын ата-анасынан, ата-әжелерінен сұрамаған болса өз есіміне көңілі тоғанын көрсетеді. Есімді қоярда бізден ешкім саған осы есім ұнайды ма? деп сұрамайды. Сондықтан кей кездері өз есімдеріміз ұнамай қалып жатады.

Көзін жұмып ұнататындықтарын саусақпен көрсету. 1 саусақ – мүлде, 2 саусақ – ұнатпау, 3 саусақ – қанағаттанарлық, 4 саусақ – ұнатамын, 5 саусақ - өте қатты ұнатамын.

2. «Суретшілер байқауы»

Оқушыларға ақ параққа агрессиялы кейіпкерлердің суретін салу ұсынылады. Суретті салып болғаннан соң сол ашулы, агрессиялы адамды қайырымды, мсейірімді адамға айналдыруға тырысады.

Соңында суретшілер конкурсы ұйымдастырылады – кімнің суреті өзгелерден қайырымдырақ салынған анықтайды.

Талдау: