Өмірдің ғажап сәттері психологиялық сабақ жоспары

Тренинг тақырыбы: Өмірдің ғажап сәттері

Мақсаты: оқушылардың өмірге деген құлшынысын арттыру, өмір туралы түсініктерін кеңейту, өмірді түсінуге баулу;

Көрнекілігі: тақырыпқа байланысты слайд, нақыл сөздер, өмір туралы суреттер.

Тренинг барысы

1.Сәлемдесу

2.Жағымды ахуал орнату

3. «Досым сыйлаған көңіл-күй» жаттығуы

4. «Тәубеңе кел» бейне көрсетілімі

5. «Біз білеміз бе?» жаттығуы

6.«Армандар аралы» жаттығуы

Өмір - теңіз. Біз қазір оқушымыз, мектепті бітіргеннен кейін үлкен өмірге қадам басмыз. Студент, мамандық иесі боламыз, армия, отбасы яғни түрлі ортаға түсеміз. Әр теңіздің соқпақтары болған сияқты, өмірде де қуаныш пен бірге қиыншылықтар қатар жүреді. Сондай қиыншылықтарды жеңуге адам бойында ізгі қасиеттері, нұрлы ақылы, өмірге деген құштарлығы, асыл мінезі көмектеседі.

Кез келген адам кез келген ортаға сыю үшін көркем мінезді, жақсы қасиеттері болуы керек. Халқымыз «Өзі жақсы кісіге- бір кісілік орын бар» деп бекер айтпаған.

«Досым сыйлаған көңіл-күй» жаттығуы

Оқушылар жұпта жұмыс жасайды (бір - бірлерінің жағымды әрі жағымсыз мінез ерекшелігін айтады)Ойынның шарты оқушыларға бір парақ ақ қағаздар таратылады. Таратылғаны ақ қағазды оқушылар скочтың көмегімен арқаларына жапсырады. Арқаларындағы жапсырылған ақ қағазға бір - бірлерінің бойындағы жағымды және жағымсыз мінез ерекшелігін және ыстық тілектерін жазады. Барлығы жазып болғаннан кейін, қайтадан дөңгеленіп отырып, арқаларындағы қағазды алып оқиды.

«Тәубеңе кел» бейне көрсетілімі

«Біз білеміз бе?» жаттығуы

«Өмір деген не?» оқушылар стикерде жазылған ойды ары қарай жалғастыруы керек. ( Өмір, өмір әні жаймен айтылып тұрады.)

Сергіту сәті: Африкадағы жаңбыр жаттығуы

Оқушыларға бір парақ алу ұсынылады. Сол парақты екіге бүктейміз және мен тоқта деп айтқанымша жаңбыр тамшысын сала бересіңдер. Салып біткен соң міне балалар парақтан не өзгеріс байқадыңдар? Неге бұлай болды деп ойлайсыңдар? деген сұрақ қойылады. Мәне өздерің көріп отырғандай парақтың бетіндегі іздер екінші бетіне өтіп кетті. Сол сияқты қарым-қатынас жасау барысындағы біздің айтқан сөзіміз екінші бір адамның жанына солай жара салуы мүмкін. Қарым-қатынас жасау барысында абай болайық дегім келеді.

«Армандар аралы» жаттығуы