Өмірдің мәні тақырыбындағы ашық сабақ 7-сынып

Өзiн-өзi тану сабағының жоспары

Мектеп: Р. Тоқатаев

Тақырып: Өмірдің мәні

Құндылық: ақиқат

Қасиеттер: адалдық, шынайылық, жауапкершілік

Мұғалiм: Әбдісәмет Шабыт

Мерзімі: 11.09.2019

Сынып:7а

Сабақ мақсаты: оқушыларға өмірдің мәні туралы түсінік бере отырып, ақиқат құндылығының мәнін ашу.

Міндеті:

-өмірдің мәнін ақиқат құндылығымен байланыстыра отырып түсіндіру;

-адалдық, шынайылық, жауапкершілік қасиеттерін дамыту;

- адалдыққа, шынайылыққа, жауапкершілікке тәрбиелеу.

Ресурстар:үнтаспа,

суреттер,нақыл сөздер

Сабақ барысы:

1.Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

5 Т ережесін еске салу.

Жағымды көңіл-күйге келу.

Тыныштық сәті «Нұрға бөлену»

2.Үй тапсырмасын тексеру. №6 сабақ 25-беттегі

«Айтып несіне әуре боласың....» аңызын сұрақтар қою арқылы сұрау.

Сұрақтар:

1.Әңгіме айтуға келген адамға Сократ не айтты?

2.Сократ айтқан үш елек қандай?

3.Сократтың бойындағы қандай жақсы қасиеттерді өз бойларыңа алар едіңдер?

4. Әділдікке, шындыққа көз жеткізбей тұрып біреудің әңгімесін айтуға болады ма?

5. Осы айтылған әңгіме тыңдаушы адамға қажет пе жоқ па?

6.Әңгімеден ақиқатты қалай байқауға болады?

Сабақ барысын талқылау:

3.Дәйексөз.

«Ісіңізге, еңбегіңізге, оқуыңызға нағыз адамгершілікпен кіріссеңіз, сөз жоқ, жеңіске жетесіздер».

Абай

Қайталау, ұлдар, қыздар

4.Әңгiмелеу.Кім маңыздырақ?

Ауыз, мұрын және көз тату – тәтті өмір сүріп жатты. Өкінішке орай, үшеуінің арасында ойламаған жерден дау – дамай басталды. Оны бастаған сөйлемпаз ауыз бәрінен көп жұмыс істегеніне қарамастан жұрттың бәрінен төмен орналасқанын тілге тиек етіп, мұрынға қарап айғай салды:

Әй, мұрын! Мен бағзы заманнан бері ненің дұрыс, бұрыс екенін айтып тыным таппай жұмыс істеп келемін, ал сенің қолыңнан не келеді? Соған қарамастан, менен неге жоғары отырасың?!

М...м..., - деп тартыншақтады мұрын. Сенің ішіп – жейтін

тамағыңның иісін айыратын мен емес пе? Мен келісіп бергеннен кейін барып бәрі саған түседі. Сондықтан мен сенен бекерге жоғары отырған жоқпын.

Көз болса, ауыз бен мұрынның ұрыс – керісін бақылап отырған еді. Екеуіне жақтырмай қарап былай деді:

Әй, екеуің, сендердің кім жоғарыда, кім төменде екенін талдауға қандай құқыларың бар? Шынына келсек, бәрінен жоғары тұратын мына біз – көздер! Алыс – жақынның бәрін…