Өмірдің мәні туралы 7-сыныпқа арналған сабақ жоспары

Өзін-өзі тану бойынша сабақ жоспары

Бөлім:1

Таным қуанышы

Мұғалімнің

Аты-жөні, тегі

Мерзімі:

Класс: 7

Оқушылар саны:

Қатыспаған оқушылар:

Сабақтың тақырыбы №3

Өмірдің мәні

Оқу бағдарламасына сәйкес оқыту

мақсаттары

Рухани даму, адам жанының сұлулығы, қадір-қасиеті, бақыт, қарым-қатынас, келісімге келу, азаматтық ұстаным, жағымды ойлау, өмір үйлесімділігі, азаттық, шығармашылық, өмір мәні - ұғымдарының мәні мен мазмұнын ұғынады;

Құндылық

Сүйіспеншілік

Қасиеттер

Шынайылық, кешірімділік,мейірімділік

Сабақтың мақсаты

Оқушыларға өмірдің мәні туралы түсінік бере отырып, сүйіспеншілік құндылығының мәнін ашу.

Сабақтың міндеттері

Оқушыларға өмірдің мәнін түсіндіре отырып, шынайылық қасиеті туралы түсінік беру;

Оқушыларды өмірдің мәнін түсінуге үйрету арқылы кешірімділік,шынайылық қасиеттерін дамыту;

Оқушыларды кешірімділік,мейірімділікке тәрбиелеу.

Сабақ барысы

Сабақтың кезеңдері / Уақыт

Педагогтің іс-әрекеті

Оқушының іс-әрекеті

Ресурстар

Ұйымдастыру кезеңі(1 мин)

1. Жағымды көңіл күй (1-3 мин)

Мұғалім оқушылардың сабаққа қатысуын тексереді.

«5Т»ережесін еске салады.

Мұғалім «Нұрға бөлену» жаттығуын өткізеді.

Ыңғайланып отырыңыздар, денелеріңізді түзу ұстайық. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Нұр бірте-бірте қарқындап, шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз.

Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет

Оқушылар сабаққа дайындығын көрсетеді.

Оқушылар жайғасып отырып, жағымды күйге келіп, терең ойлауға бейімделеді.

Баяу, жайлы музыка

2. Алдын ала берілген үй тапсырмасын тексеру (әңгімелеу) (3-5 мин)

Оқулықтағы «Жаңылыс пен ақиқаттың есігі » аңызын оқып келу. Сұрақтар қойып, әңгімелесу өткізеді.

Сұрақтар:

Адам неліктен Ақиқатты іздеді деп ойлайсың?

Жаңылыс: «Оны өзім де іздеп жүр едім» деп неліктен айтты?

Не себепті Ақиқат пен Жаңылыс кездесе алмайды?

4.Өзің өмір жолыңда нені басшылыққа аласың?Неліктен? 5.«Ақиқат- адастырмайды» дегенге сенесің бе? Неліктен?

Оқушылар мұғалімнің сұрақтарына жауап береді.

23-24 –бет,

Оқулық

3. Жағымды ой-пікір (дәйексөз) (3-4 мин)

«Өмір–үлкен мектеп» (Мақал)

-Дәйексөздің мағынасын қалай түсінесің?

Дәйексөздің мағынасын сұрайды, өзі қорытынды жасайды.

Ұл балалар қайталап оқиды, содан соң қыз балалар қайталап айтады, дәптерге жазады, ой-пікірлерін ортаға салады..

Презентация, слайд.

Жұмыс дәптері.

4. Оқиғалар айту (әңгімелесу)

(3-7 мин)

Мұғалім сыйы ретінде «Сүлеймен патша» аңызын баяндап береді

Таңның атысын көзбен көріп, биік таудан түсіп келе жатқан Сүлеймен патшаны етекте күтіп тұрған халқы ортаға алып, неше түрлі сұрақ қояды.

— Уа, патша, сен біз үшін жақсылықтың бұлағысың. Сенің сөздерің жүрекке жылу таратады. Сенің даналығың ақылымызға сәуле құяды. Сені тыңдай бергіміз келеді.

— Айтшы бізге, осы біз кімбіз?

Сүлеймен патша күлімсіреп, былай деген екен: — Сендер — әлемнің жарығысыңдар. Сендер — жұлдызсыңдар. Сендер — ақиқат ғибадатханасысыңдар. Әрбіріңнің бойында ғалам бар. Ақылды жүрекке салып, өз жүректеріңнен сұрап, махаббаттарыңнан жауап алыңдар. Тәңірдің тілін білгендер асқақ!

— Өмірдің мәні неде?

— Өмір деген даңғыл жол, мақсат және марапат. Өмір деген махаббат биі. Адамның жаратылу мақсаты – гүл ашу. Дүниеге келу – әлемге жасаған ұлы сый. Сендердің өмірлерің ғаламның тарихы. Сондықтан өмір әр сөзден артық. Өмірді мереке деп қабылдаңдар. Өмірдің құны жоқ. Өмір деген бүгін. Ал, бүгіннің маңызы бүгінмен өмір сүруде.

— Неге бақытсыздыққыр соңымыздан қалмайды?

— Не ексең, соны орасың. Бақытсыздық – өздеріңнің таңдауың. Кедейлік – адамның ойлап тапқаны. Күйік – надандық жемісі. Айыптау арқылы күш-қуатыңды жоғалтасың. Құмарлықпен бақытты шашып аласыңдар. Ояныңдар! Жарлы деген өзін білмейтін адам. Жүрегімен Тәңірді таппағандар – панасыздар. Уақытын текке өлтіретіндер кедей болып…