Өмірімнің бастауы мамандығым тәрбие сағаты

Ақтөбе облысы, Ойыл ауданы

Саға мектеп-балабақшасы

Әлеуметтік педагог және өзін-өзі тану пәні мұғалімі

Өмірімнің бастауы мамандығым

Мақсаты: білім алушыларды мамандықты дұрыс таңдай білуге үйрету. Таңдаған кәсібіне сеніммен қарауға, болашақ кәсібін игеруде алдына қойған мақсатына жету жолы мен онда кездесетін қиындықтарды жеңуге дайындау.

Сабақ барысы:

І Ұйымдастыру кезеңі

ІІ Кіріспе сөз.

Жоғары сынып оқушыларын толғандыратын мәселе көп. Соның бірі - мамандық таңдау. Бұл істе ата-аналар бірінші болып көмектесе алады, дегенмен мектептің орны ерекше. Ата-аналар кейде өз балаларының тілектеріне қарамастан , олардың қандай оқу орнына бару керектігін өздері таңдап қояды. Кейде дос құрбылардың ықпалымен мамандық таңдау да кездеседі.

Қандай мамандық болсада, адамның денсаулығы мен рухани дүниесіне үйлесіп тұруы керек. Бұл факторды ескермеу салдарынан уақыт өте келе таңдап алған мамандықтың денсаулықты бірте-бірте нашарлататыны сөзсіз. Сөйтіп бірнеше жыл істеп, мол тәжірибе жинаған маманның кәсібін өзгертуге мәжбүр болары қақ (бұлай істеу оңайға соқпайтыны қақ)

1-жаттығу «Сәлемдесу»

Әр қатысушы бір – біріне күлімсірей қарап алақанның ішін және сыртын

тигізіп және оң жақ және сол жақ иықтарын тигізіп сәлемдеседі. Содан кейін

менің есімім...., менің ойымша, сіз....” (Әр қатысушы қасындағы әріптесінің

ерекшеліктерін, сүйікті пәндерін, айналысатын іс-әрекеттерін айту керек)

2-жаттығу "Менің күн бетіндегі бейнем"

Мамандық түрлері туралы әңгімелескеннен кейін, әр мамандықтың адамның өміріне қалай әсер ететінін және қандай рөл атқаратынын айқындап көрсетеміз. Ол үшін әр оқушы өзіне жақсы таныс және қалаған бір мамандықты алып, оны игеру үшін адамның бойында қандай қасиеттер болу керек екенін жазады. Мысалы:

Мұғалім

3-жаттығу "Мамандығым мақтанышым"

Қатысушыларға бір-бірден кез-келген зат беріледі. Олар 5 минут ішінде сол заттың мамандығына қандай пайдасы бар екені туралы айтуы керек.

4-жаттығу "Ашығын айтқанда"

Қатысушылар ашығын айтқанда деп төменде берілген тұжырымдарды талқылап, өз ой-пікірлерін білдіреді. Таңдаған мамандығына деген көзқарасын айтады. "Ашығын айтқанда", деп сөз басталады.

Мамандық бір-ақ рет біржолата таңдалады.

Мамандық таңдау қалтаның қалың болуына байланысты.

Мамандық адамның қабілетіне, бейімділігіне байланысты.

Отбасы мен достарыңның ақылына сүйеніп мамандық таңдауға болады.