Өндіріс санитариясы және жұмыс орнындағы микроклимат

Сабақ тақырыбы: Қорғаныс құралдарына қойылатын талаптар

Сабақ мақсаты:

1. Білімділік – студенттерді зиянды факторлардың ықпалынан қорғауға арналған жеке қорғаныс құралдары түрлерімен және оларды пайдалану ережелерімен таныстыру.

2. Дамытушылық – студенттердің тыңдай білу және оймен бөлісу қабілеттерін ұштауға, білімін дамытуға мүмкіндік туғызу.

3. Тәрбиелік- студенттерді ұқыптылыққа, зеректілікке, атқаратын жұмысына жауапкершілікпен қарауға, сауаттылыққа тәрбиелеу;

Сабақ түрі: дәрістік түсіндірмелі.

Сабақ көрнекілігі: интерактивті тақта, оқулық.

Сабақ барысы: 1. Ұйымдастыру кезеңі (4 мин.)

2. Үйге берілген тапсырманы тексеру (20 мин.)

3. Жаңа тақырыпты түсіндіру (меңгерту) (35 мин.)

4. Жаңа сабақты бекіту (қорытындылау) (20 мин.)

5. Бағалау (6 мин.)

6. Үйге тапсырма (5 мин.)

1. Ұйымдастыру кезеңі:

1. Студенттермен сәлемдесу,

2. Сынып бөлмесінің сабаққа даярлығын тексеру,

3. Студенттерді түгендеу.

2. Үйге берілген тапсырманы тексеру.

1. Өндірістік қауіпті факторлар дегеніміз?

2. Өндірістік қауіпті факторлардан қорғауға арналған қандай құралдар бар?

3. ЖҚҚ қалай жіктеледі?

3. Жаңа тақырыпты түсіндіру (меңгерту).

Қорғаныс белдігі адамның денесіне жабысып тұруы және белінен жоғары – төменгі қабырғаларының деңгейінде орналасуы қажет. Белдікті дұрыс орналастыру үшін ұзындығын реттеп алу керек. Бірігетін жерінде жарықшақтар болмау керек. Серіппелері бүтін болуы қажет. Белдіктерді желдетілетін бөлмелерде ілінген күйінде сақтау керек немесе бірінің үстіне бірін қоймай, бөлек – бөлек сөреге қою керек; сонымен қатар күн сәулесінен қорғалуы тиіс. ҚБ өздігінен жөндеуге болмайды. Егер құтқарушы құлаған кезде ҚБ зақымданған болса, міндетті түрде жаңа қорғаныс белдігіне ауыстырылуы керек.

БҚҚ –болат арқандарды пайдаланады. Биіктіктен қорғайтын құрылғылар болтпен бекітілген, екі дөңгелек немесе сопақша келген қаптамадан тұрады; олардың ішінде барабан болады, ол барабандарға болаттан жасалған, 4-6 қабатты қорғаныс арқаны оралады. Барабанға серіппе құрылғысы орналастырылған, ол арқанды құрылғыдан суырғанда оның ақырын тежелуін қамтамасыз етеді. Арқанның аяғы түйінмен, арнайы сақинамен немесе карабинмен аяқталады. БҚҚ – ны пайдалану үшін мықты бекітілген ғимарат бөлігіне немесе жұмыс орнының үстіне бекітілген арнайы құрылғыға біріктіреді.