Өндірістік бағдарлама және өндіріс көлемі презентациясы

Өндірістік бағдарлама және өндіріс көлемі

Өндірістік бағдарлама тұтынушылар үшін өнім өндіретін кез келген кәсіпорында жасалады . Өндірістік бағдарламаны жасаған кезде әртүрлі факторларды ескеруді қажет етеді . Өндіріс саласына байланысты өнімнің бірнеше түрлерін анықтайды : материалдық өндіріс ( өнеркәсіп , ауылшаруашылық , құрылыс , тағы басқа ) және материалдық емес өндіріс ( тасымалдау , сауда , білім беру, денсаулық сақтау және тағы басқа ) кез келген өндірісте өндірілетін өнімдердің сыныптамалары мен топтамалары болады , сол бойынша мысалға өнеркәсіпте машина жасау,тігу және тоқыма , аяқ киім тігу өнеркәсіптері бар. Қызмет те өз кезегінде бөлінеді : темір жол , теңіз , әуе , автомобильдік және басқа да тасымалдар .

«Өндірістік бағдарлама — бұл өндіріс көлемі мен өнімдерді сату, әдетте, жылдық есептеу бойынша тиісті номенклатурасы, ассортименті және сапасы. Өндірістік бағдарламаны әзірлеу процесінде бұрын жасалған шарттар бойынша өнімнің әрбір түрін жеткізу көлемі және анықталған қосымша нарықтық сұраныс бойынша маркетингтік зерттеулердің нәтижелері ескеріледі, ал оны әзірлеу негізіне кәсіпорынның белгіленген өндірістік бағдарламаны орындау жөніндегі нақты өндірістік-техникалық мүмкіндіктері, яғни оның өндірістік қуаты салынады.»/

Өнеркәсіптік кәсіпорынның өндірістік бағдарламасын жоспарлаудың мәні өнеркәсіптік кәсіпорын пайда алу үшін ресурстарды пайдаланады. Өндірістік бағдарлама жаңа өндірістік қуаттарды іске қосу бойынша тапсырмаларды, материалдық-шикізат ресурстарына, жұмысшылардың санына, көлікке және т. б. қажеттілікті анықтайды. Өнеркәсіп кәсіпорны мемлекеттік тапсырыс, тұтынушылардың тапсырыстары және тұтыну сұранысының нарығын зерттеу процесінде анықталған негізінде Өндірістік бағдарламаны қалыптастырады.

Кәсіпорынның өндірістік бағдарламасы – тұтынушылардың тапсырысы мен келісім – шартқа байланысты өндірілетін өнімдер мен қызметтердің жиынтығы болып табылады . Өндірістік бағдарламаны жасағанда кәсіпорынның негізгі мақсаты ескеріледі , яғни өнім табыстылығы мен капитал рентабельділігінің жоғары деңгейін сақтай отырып өндірісті кеңейту.Осы жоспарларды орындау үшін кәсіпорын ұзақ мерзімді даму стратегиясын жасайды .

Диверсификация – капитал мен табыстың тиімділігін жоғалту тәуекелімен инвестицияланған және басқа жолмен кәсіпорынға түскен қаражатты бірнеше обьектілер арасында бөлу .

Өндірістік диверсификация – бір уақытта бір – бірімен байланыссыз өнім түрлерін шығару және өнім ассортиментін кеңейту .