Өнеге отбасынан тәрбие сағатына арналған мақала, 3-сынып

Тәрбие сағатының тақырыбы: Өнеге-отбасынан

Мақсаты: отбасындағы ана мен әке тәрбиесінің ролі жайлы білімдерін жетілдіру. Сахналық мәдениетке, өзін-өзі ұстай білуге баулу. Отбасы мүшелерін сыйлауға, қамқор болуға тәрбиелеу

Көрнекілігі: слайд

Тәрбие сағатының барысы:

1-ж: дана халқымыз қыз баланы тәрбиелеуге ерте заманнан ерекше мән берген. Себебі, қыз өмірдің қызғалдағы, елінің көркі.

2-ж: сондай-ақ «қыздың жолы-жіңішке», «Қыз-өрісің» деп, қыз баланы қонақ ретінде сыйлаған. Қызына бесіктен бастап тәрбие беріп, қызды ертеңгі ана, асыл әже және аяулы қарындас ретінде қараған.

1-ж:

Қыз емес қырдың аты қызыл алтын,

Көрінер айдай болып жүзі жарқын,

Үлкеннің алдын орап сөз сөйлемес

Халқының сақтай білген ізгі салтын- деп ақындарымыз да өз өлеңдеріне арқау еткен.

2-ж: ал, ұл баланы шаңырақ иесі, ата-ананың отын тұтатушы, еліне қорған болар азамат болар деп санаған.

1ж: сондай-ақ, «сен өзің жігіт болсаң да, ақылың қария болсын, салмақты, сабырлы бола біл» деп ұлдарына өсиет қалдырып отырған.

2ж: иә, бабаларымыздың ұл мен қыз бала тәрбиесіне арнап айтқан дана ойлары, мақал-мәтелдері, ақыл-нақыл сөздері бүгінгі күнге дейін тәрбие саласында өзіндік із қалдырып отыр. Олай болса, кезекті сыныбымыздың ұл-қыздарына берейік.

1: Ұлың өссе, күндей болсын деп тіле

Қызың өссе, гүлдей болсын деп тіле

2: Дәулетіңнің қадірін ұлың өскенде білерсің,

Абыройыңның қадірін қызың өскенде білерсің

3: ұлың өссе мұратың,

Қызың өссе –жұратың

4: Ұлдың ұяты – әкеге

Қыздың ұяты шешеге

5: жақсы маман болу міндет емес,

Жақсы адам болу міндет.

6: 5 асыл іс

7: тәрбиесін тапсаң адам болар

Оқуын тапсаң – білім қуалар

Өмірге ана –бұлақ, ана-пана,

Өмірді өркендетер ана ғана

Тудырған талай көсем талай шешен

Талай ер, талай ақын, талай дана.

Келтірмес адамзатқа еш жаманат

Өзгеге көрсетері – тек шапағат.

Ананың жүрегінен орын алған.

9: Ізгілік, мейірбандық, Һәм махаббат

Ана! Ол біздің елде ардақты адам.

Кіші де, үлкен де оны ардақтаған.

Өзінің аяулысы – Отанды да,

«Ана» деп біздің халық текке айтпаған.

10: Ана-әрбір адамның жарық дүниедегі ең жақыны, ардақтысы, қамқоршысы, жанашыры, қадірлісі. Ана –өмір нұрын себуші, ақ жол нұсқаушы. Ананың жан жылуы, аялы алақаны, баласын әлдилеп, әлпештеуге арналған. Ананың балаға деген махаббаты мәңгілік, әрі шексіз. Ананы мәңгі қастерлеп, құрмет көрсету, қамқорлық жасау әр баланың парызы.

11:Ертеде сұлу қызға болған ғашық

Ананың әлпештеген жалғыз ұлы

Қыз аты айтса ауыздан зар шығыпты

Құс жастық аққан жасқа малшыныпты

Дертіне сағыныштың шыдай алмай

Жас жігіт құр сүлде боп таусылыпты

Қинады қыздың шарты бөлек екен

О, сұлу, неткен қатал, керемет ең?

«анаңның жүрегін алып келген күні

Мен саған жар боламын-деген екен

Сол қызға есі ауған жігіт мү.лде

Бүк түсіп жата алмады ғарып күнде,

Ұйқыда бейқам жатқан сорлы ананың

Жүрегін жұлып алды тұрып түнде

Сүюдің серті ме еді соның бәрі

Ол,міне, орындады

Сүрініп кетсе жігіт келе жатып

Жүрегі түсіп кетті қолындағы.

Ананың кезі бар ма кекті болған

Оқыста жүрек түсіп кетті қолдан.

Ұмтылса, топырақта жатқан жүрек

Құлыным байқасаңшы депті оған.

1ж: сондай –ақ, «ер елді қорғайды, ел жерді қорғайды»-дей отырып, ер адамның бір сөзді, ер мінезді, қайсар, ақ көңілді, еңбекқор, батыл да батыр болуын қалаған.

2ж: ал, нәзік жанды қыз бала ер адамның жолын кесіп өтпеген, аяғын аттамаған, бас киімін таптамаған, себебі, қыз баланың осы әр жағымсыз әрекеті ер адамның жолына қырсық, беделіне нұқсан келтіреді деп сенген.