Өнегелі отбасы туралы мақала, бастауыш сыныпқа

Өнегелі отбасы

Отбасы-санаулы адамдардан тұратын шағын мемлекет. Сондықтан да «Отан-отбасынан басталады» - деп қазақ халқы бекер айтпаған. Ата-бабаларымыз ертеден-ақ, ұрпақтарына некені сақтап, оны берік ұстауға тәрбиелеген. ХV ғасырда орыстар зерттеу жұмысын жүргізудің нәтижесінде қазақ халқында ешқандай отбасын тастап кету немесе ажырасу секілді өрескелдіктер болмағандығын анықтаған. Алайда қазіргі көптеген жастар қауымы некенің қадірін түсінбей, отбасын құра береді. Соның салдарынан ажырасушылар саны артуда. Соған байланысты қазіргі таңда әлемдік кезек күттірмес мәселелердің бірі- «Отбасын құру, оны сақтап қалу» өзекті мәселе болып отыр. Мұндай мәселені шешу үшін, көптеген елдерде арнайы түсіндірме тренинг сабақтар жүргізілуде. Мұндай сабақтар Қазақстанда да бар. Осы сөзіме дәлел ретінде 07.10.2019ж-08.10.2019ж. күндері аралығында өткізілген «Отбасылық қарым-қатынас психологиясы» атты тренинг сабақты айта аламын. Ол сабаққа өзім қатыса алмасам да, Берікбаева Қамажай, Бекібаева Мейрамгүл, Серікбай Жанара атты қатысқан қыздардың айтуы бойынша отбасы туралы түсінігім кеңейе түсті. Олар колледжге келіп, «Өзін-өзі өзектендіру», «Мен кіммін? Мен қайдан келдім? Мен қайда бара жатырмын?», «Жеке тұлғал

Отбасы сөзінің мән-мағынасы тереңде. Сондықтан отбасыны сақтап қалу жолында отбасы мүшелірінде адами қасиеттер: адамгершілік, бауырмалдық, жанашырлық, адалдық, әділдік, сенімділік, мейірімділік, қамқорлық, талаптылық, шынайылық және тағы сол секілді қасиеттер болуы тиіс. Ерте кезден-ақ, қазақ халқы «Үйлену оңай, үй болу қиын» - деп бекер айтпаса керек. Соған байланысты қазіргі таңда отбасын құру қаншалықты көп болса, ажырасу саны да соншалықты көбейіп тұр. Осындай ажырасулар саны Қазақстанның өзінде 70%-дан асып отыр. Мұндай айырылысулардың басты себебі қазақ халқының дәстүрлі тәрбиесі азайып, орыстанып бара жатқанымызда. Қазіргі жас ата-аналардың түсінігінше, баланы орыс мектептеріне немесе орыс балабақшаларына беру арқылы білімді етіп тәрбиелейміз деп ойлайды. Дұрыс, шет ел тілдерін білу керек. Тіл арқылы бала өзге елдердің мәдениетімен толық танысып, білім қорын кеңейте алады. Алайда өзге тіл деп жүрген де, түп қазығымыз қазақ тілінің салт-дәстүрін, ырым-тыйымдарын ұмыт қалдырамыз. Соның әсерінен бала отбасылық құндылықарды мүлде түсіне алмайды. Өзімді болашақ бастауыш сыныптың мұғалімі ретінде оқушыларыма қазақ тілінде сауатты біліммен қоса, саналы тәрбие беруді…