Өнерім саған тәуелсіз Қазақстан көрмесі туралы мақала

Өнерім саған, Тәуелсіз Қазақстан

Тәуелсіздіктің мерейлі 33 жылдығына орай, мектеп оқушылары өздерінің шығармашылық қабілеттерін паш еткен "Өнерім саған, Тәуелсіз Қазақстан" атты керемет көрме өткізді. Бұл іс-шара жасөспірімдерді патриотизмге тәрбиелеу, экологиялық түсінік қалыптастыру және өнерге деген қызығушылықтарын дамыту мақсатында ұйымдастырылды.

Көрменің басты ерекшелігі – 5000-ға жуық қақпақ қалдықтарынан жасалған 2 метрлік Бәйтерек мүсіні болды. Үлкен еңбекпен жасалған бұл туынды ұлттық символдың тұрақтылығы мен гүлденуін бейнелейді. Оқушылардың шыдамдылығы мен ұқыптылығы айқын көрінетін бұл мүсін көптеген көрермендердің таңданысын тудырды.

Көрмеде тек бәйтерек емес, еліміздің тағы да басқа нышандары мен символдары бейнеленген туындылар ұсынылды. Суреттер, мүсіндер, инсталляциялар - барлығы да оқушылардың шығармашылық әлеуетін, патриотизм мен мемлекеттік егемендікті қадірлеуді көрсетеді. Олар өздерінің өнерлері арқылы Тәуелсіз Қазақстанның жарқын болашағына деген сенімдерін білдірді. Мұндай жобалар мектеп оқушыларының шығармашылық қабілеттерін дамытумен қатар, оларды елдің мәдени және рухани құндылықтарына жақындатады. Оқушылар өнер арқылы достық, ынтымақтастық және құнды идеяларын дәріптейді.

Сомымен қатар, экологиялық мәселелерге деген көзқарасын білдіретін және қайта өңдеудің маңыздылығын ұғындыратын ерекше өнер десе де болады.

Көрменің соңында оқушылар мен қонақтар арасында пікірталас ұйымдастырылып, шығармашылық пен экология саласында білімді арттырудың жолдары талқыланды. "Өнерім саған, Тәуелсіз Қазақстан" көрмесі жас буынның өнер арқылы елге деген махаббаты мен жауапкершілігін көрсетуіне тамаша мүмкіндік болды. Метебімізде бұл іс-шара алдағы уақытта да дәстүрге айналып, жаңа туындылармен толықтыра бермек. Тәуелсіз Қазақстанның болашағы – жас ұрпақтың қолында!