Өнімділік уақыт және жұмыс сабақ жоспары 4 сынып

Бөлімі: Математикалықмодельдеу

4А Есептер және математикалық модель

Мектеп:

Күні:

Мұғалімнің аты-жөні:

Сынып: 4

Қатысқандар саны:

Қатыспаған оқушылар:

Тақырыбы:

Өнімділік, уақыт, жұмыс

Оқу мақсаты:

есептерді шығаруда жұмысқа жіберілген уақыт, атқарылған жұмыс, өнімділік шамаларырының өзара тәуелділігін пайдалану

Бағалаукритерийлері

-орындалған жұмыстың көлемін қалай табатынын, жұмысты орындауға кететін уақыт пен өнімділікті қалай табатынын үйренеді

Ғылыми тіл

Пәндік терминология мен тірек сөздер: өнімділік, жұмыс, уақыт

Сабақта диалог/жазу үшін пайдаланатын тіл.

Талқылау:

-Барлық жұмыстың көлемін қалай анықтайды?

- Әжей қандай жылдамдықпен жұмыс жасады?

-Әжей қанша уақыт жұмыс жасады?

-Осы уақытта қанша бәліш пісірді?

Жазу:

Формуланы жаз;

Мысалдар құрастырып жұбыңа жаз..

Пәнаралық байланыс

Көркем еңбек

АКТ қолдану дағдылары

Интербелсенді тақта

Алдыңғы меңгерілген білім

Өнімділік деген не ?

Есептерді шығаруда жұмысқа жіберілген уақыт, атқарылған жұмыс, өнімділік шамаларының өзара тәуелділігін пайдаланады

Сабақ барысы

Жоспарланған уақыт

Оқушылардың жоспарланған іс-әрекеті

Ресурстар

Сабақтың басы

Сабақтың ортасы

Сабақтың соңы

(Ұ) Ынталандыру.

«Наубайхана өнімі» тапсырмасы

Бүгінгі сабақта біз нан өндірісі туралы әңгімелейтін боламыз. -Сендер бұл туралы не білесіңдер? Біз кез келген уақытта нан сатып алу үшін, наубайханада бір минутқа да жұмыс тоқтамайтыны туралы білесіңдер ме?

Оқушыларды кішігірім наубайхана топтарына біріктіру. Әр топ белгілі бір уақыт ішінде өз наубайханалары туралы мәлімдеме жасайды.

Оқушыларға олардың наубайханалары күніне қандай өнімділікпен жұмыс істейтіні жазылған таратпа қағаздар тарату .

-Сендердің наубайханаларың 2 тәулікте неше нан пісіреді? Ал 3 тәулікте ше? (оқушылардың жауаптары)

Оқушыларға белгілі бір уақыт аралығында алынған тоқаш саны орындалған жұмыстың көлемі деп атайтынын айту.

Оқушыларды жұмыстың көлемінің, жұмыстың уақытының және өнімділіктің әріптік мәндерімен, сондай-ақ жұмыстың көлемін анықтайтын формуласымен таныстыру.

Орындалған жұмыстың көлемін табу үшін, өнімділікті жұмыстың уақытына

көбейту керек:

A = p ∙ t

A — жұмыстың көлемі, p — өнімділік (жұмыстың жылдамдығы), t — жұмыстың уақыты.

Бағалау «Смайлик» әдісі

Әр топ оқушылары өзара тексеруді таратпа қағаздарды тексеру арқылы жүргізеді. Оны смайликпен белгілейді. Смайликтің күліп тұрғаны-жарайсың, ренжіп тұрғаны-тағы да тырыс дегенді көрсетеді.

Сабақтың тақырыбын хабарлау

Бүгін сабақта біз есептерді шығару барысында орындалған жұмыстың көлемін қалай табатынын, жұмысты орындауға кететін уақыт пен өнімділікті қалай табатынын үйренеміз.

(Т) Жұмыстың формуласы

Әжей минутына 3 бәліш пісірді. 9 минуттан соң бәліштер дайын болды.

Талқылау:

• Әжей қандай жылдамдықпен жұмыс жасады?

• Әжей қанша уақыт жұмыс жасады?

• Осы уақытта қанша бәліш пісірді?

Есептің берілген мәліметтерінің орнына әріптерді қой және барлық бәліштің санын қалай анықтауға болатынын жаз. Шыққан өрнекті жұмыстың формуласымен салыстыр.

-Сен не байқадың?

Шыққан әріпті өрнектерді парақтарға жазып, жұмыстың формуласымен салыстырып қорытынды жасайды.

Жауабы: Әжей минутына 3 бәліш жылдамдықпен жұмыс жасады. Ол 9 минут жұмыс жасады. Әже барлығы 27 бәліш пісірді. Барлық жұмыстың көлемін анықтау үшін уақытты жылдамдыққа көбейту керек. Бұл жұмыстың формуласы.

Бағалау «Бармақ арқылы»

Жауап дұрыс болса, бармақ жоғары қарай, қате болса, бармақ төмен қарай бағытталады.

(Ж) «Наубайханада» тапсырмасы

а) Нан пісіру пеші сағатына 50 нан бөлкесін пісіреді. 7 сағатта неше нан бөлкесі піседі? 9 сағатта ше? 10 сағатта ше?

ә) Егер наубайшы 75 бөлке/сағ өнімділігімен 3 сағат пісіретін болса, ол жұмыстың қандай көлемін орындайды? Ал 82 бөлке/сағ өнімділігімен ше? 69 бөлке/сағ өнімділігімен ше?

Жұмыстың уақытын табу үшін, жұмыстың көлемін өнімділігіне бөлу керек

(жұмыстың жылдамдығы):

t = A : p

Жауабы:

а) 50 · 7 = 350 (тоқаш);

9 · 50 = 450 (тоқаш);

10 · 50 = 500 (тоқаш);

ә) 75 · 3 = 225 (тоқаш);

82 · 3 =246 (тоқаш);

69 · 3 = 207 (тоқаш).

Бағалау «Шапалақ» әдісі

Жұптар нәтижелерімен өзара алмасады, тексереді.

Дұрыс орындалған тапсрымаға 3 шапалақ соғады.

(Ұ) Батондар мен тоқаштар

Артқы жағына есептер жазылған батондар мен тоқаштардың суреттерін оқушыларға үлестіру.

а) Наубайханада күніне 500 батон пісіреді. 2000 батон пісіру үшін қанша уақыт керек болады? 3500 батон үшін ше?

Есептеулерді орындалған жұмыстың көлемін анықтайтын формуласымен орындайды. Нәтижелерді параққа жазу керек. Өзара тексеру барысында оқушылар тапсырманың дұрыс орындалуы туралы қорытынды жасайды.