Оқу бағдарламасын бейімдеудің ерекшелігі туралы мақала

ОҚУ БАҒДАРЛАМАСЫН БЕЙІМДЕУДІҢ ЕРЕКШЕЛІГІ МЕН МАҢЫЗЫ

Яшова Гульжан Советхановна

Астан қаласы, №1 «Психологиялық-педагогикалық-медициналық консультация» педагог-психологы

Қазіргі уақытта еліміздің білім алуында қиындықтары бар балаларға психологиялық-педагогикалық қолдау көрсету мен білім беру жүйесінде оқытудың арнайы жағдайын құру барысында ең алдымен оқу жоспары мен оқу бағдарламасын бейімдеу болып табылады. ПМПК1 статистикалық мәліметіне сүйене отырып соңғы 3 жылда ЕБҚ бар балалар саны жыл санап өсу қарқыны айқын көрінеді. Ол дегеніміз қажеттілік артқан сайын көрсетілітін қызметке де сұраныс пен қатар оны орындайтын инклюзивті мектептер қатары артуда.

Бейімделген жалпы білім беру бағдарламасы - оқушының жеке мүмкіндікітерін ескере отырып, мемлекеттік жалпыға міндетті білім беру стандарты негізінде құрылған оқу бағдарламасы.

Оқу қиындықтары даму мүмкіндіктерінің шектелуіне байланысты туындаған ерекше білім беру қажеттіліктерін қанағаттандыру бойынша оқу жоспары мен оқу бағдарламалары өзгертіледі. Жалпы сыныпта оқитын және оқуында айқын қиындықтары бар есту, көру, тірек-қимыл аппараты бұзылған, психикалық дамуы тежелген, сөйлеу тілі ауыр зақымдалған, эмоциялық- ерік бұзылыстары бар, қарым-қатынас пен әлеуметтік өзара әрекеттестік қиындықтары немесе бұзылыстары бар балалар үшін бейімделіп алынады. Мысалы: сөйлеу тілінің бұзылыстары бар балаларға ауызша тапсырмалар көлемі азайтылып, жазбаша тапсырмалап қатары көбейеді немесе есте сақтау қабілеті төмен балаларға үлестірмелі материалдар беріледі. Әр баланың қажеттілігін бағалау ең алдымен сынып мұғалімінен бастау алып, әрі қарай психологиялық-педагогикалық қолдау мамандарының және қажет болған жағдайда ПМПК мамандарының қорытындысы мен ұсыныстары беріледі. Бағдарламаның толық меңгерілуіне әсер ететін оқу қиындықтары:

Есту арқылы қабылданатын ақпаратты өңдеу қиындықтары

Жұмысқа қабілеттілігің төмендігі

Ерікті реттеу, жоспарлау және бақылаудағы қиындықтар

Көрнекі ақпаратты өңдеудегі қиындықтар

Көрнекі-кеңістіктік ақпаратты өңдеудегі қиындықтар

Осы қиындықтары бар балалармен жұмыс істеу барсыныда мұғалім сыныпта балаға қолайлы жағдай жасап, оқытудың қолжетімді болуын арттырады (алдыңғы партаға отырғызу, қосымша уақыт беру, мадақтау т.с.)

Бастауыш сынып үшін оқу бағдарламасын сынып жетекшісі мен арнайы педагог бірлесе отырып бейімдесе, ал жоғарғы сыныпта пән мұғалімдері бастауыш сыныптың мұғалімдері берген мәліметтерді негізге ала отырып, оқу бағдарламалырын өздері бейімдейді. Қажет болған жағдайда арнайы педагог мұғалімдерге оқытудың оңтайлы әдіс–тәсілдері мен сабаққа белсенділіген арттыру мен қолдау жөнінде кеңес береді.