Оқу процесіндегі мультимедиа мүмкіндіктері мақаласы

ОҚУ ПРОЦЕСІНДЕГІ МУЛЬТИМЕДИАНЫҢ ПЕДАГОГИКАЛЫҚ МҮМКІНДІКТЕРІ

Қазіргі жоғары білім беру жүйесінің даму тенденциялары оқу процесіне әртүрлі формаларды, әдістер мен белсенді құралдарды кеңінен енгізе отырып оқытумен тығыз байланысты. Қоғамды ақпараттандырудың жетекші үрдістерінің бірі мультимедиялық технологияларды дамыту, олардың әлеуметтік өмірдің түрлі салаларына: өндіріс, бизнес, ғылым, білім, жаппай тұтыну мәдениетіне енуі болып табылады. Мазмұн мен форманың байлығын, мәтіндік, графикалық, дыбыстық, музыкалық, бейнелік және фотоақпараттың әр түрлі түрлерінің үйлесімін қамтамасыз ете отырып, әлемді мультимедиалық қабылдауды қалыптастырады.

Мультимедиялық технологияларды пайдалану оқу үдерісін ұйымдастыруда, сондай-ақ білім алушылардың шығармашылық қабілеттерін дамытуда жаңа мүмкіндіктерге жол ашады. Белсенді оқыту әдістерін тиімді енгізу үшін компьютерлік техникамен жеткілікті мөлшерде жарақтандыру бойынша, сондай-ақ оқу процесін ұйымдастыруда әдістемелік және ақпараттық базаны дайындау бойынша үлкен және маңызды жұмыстар атқарылуы қажет. Бұл нарықтағы жоғары талаптарды ескере отырып, мамандарды даярлау сапасын арттыруда белсенді оқыту әдістерін іске асыруды қамтамасыз етеді.

Қазіргі уақытта мультимедиялық технологиялар – бұл оқу үдерісіндегі жаңа ақпараттық технологиялардың қарқынды дамып келе жатқан бағыттарының бірі. Мультимедиа - әртүрлi формада ұсынылған ақпараттарды бiрiктiруге мүмкiндiк беретiн компьютердiң аппараттық және бағдарламалық құралдар кешенi. Олар дыбыс, суреттер, анимация және басқа да визуалды әсерлермен бірге жүретін бейнелер, мәтіндер мен деректер коллекциясынан тұратын, интерактивті интерфейс пен басқа да тетіктерді қамтитын өнімді жасау мақсатын көздейді. Бұл анықтама 1988 жылы жаңа технологияларды енгізу және пайдалану мәселелерімен айналысатын ірі Еуропалық Комиссиямен тұжырымдалған. Мультимедиялық технологияларды қолдану оқытушыға үйреншікті ырғағы мен жұмыс стилін бұзбай визуалды материалды демонстрациялауды әлдеқайда тиімді басқаруға, топтық жұмысты ұйымдастыруға, сондай-ақ өз инновациялық әзірлемелерін жасауға мүмкіндік береді.

«Мультимедиа» сөзі 20-шы ғасырдың 90-шы жылдарынан бастап танымал болды. Multimedia (ағылш.) - мәтінді, кестені, видео және мультипликацияны пайдалануға мүмкіндік беретін көп компонентті құрал. Мультимедиа - компьютер көмегімен дыбыстық (музыка, мәтіндік және т. б.) және де бейне ақпараттарды (бейнероликтер, анимациялық фильмдер және т. б.) ойнату.

Мультимедиялық технологиядарды пайдаланып оқыту мынадай нәтижелерге қол жеткiзеді:

- оқылатын материалды жеңіл және терең түсінуге;

- білім алушының жаңа ақпараттармен танысуына қызушылығын арттыруға;