Оқулықты қадірлеуге арналған тәрбие сағаты

Мерзімі: 26.11.2018ж.

Сабақтың тақырыбы: Оқулықты құрметте!

Сабақтың мақсаты:

1.Оқулықты күтіп ұстауға үйрету, кітаптың адам өміріндегі аса маңызды рөлін түсіндіру

2.Қызығушылығын арттыру

3.Оқушыларды кітапты сүюге, оны күтіп ұстауға тәрбиелеу

Сабақтың көрнекілігі: суреттер, мақал-мәтелдер жазылған плакаттар

Сабақтың барысы:

І.Ұйымдастыру кезеңі

-Оқушылармен амандасу, түгендеу

Қызығушылығын ояту

Жұмбақ шешуТіл жоқ өзінде, Сөзі бар ізінде. (Қаламсап) Жұқа тақтай бөлшегі, Ұзындықтың өлшемі. (Сызғыш) Төрт қырлы, өзі аппақ, Тақтадағы ізі аппақ. (Бор) Қабат-қабат қатталған, Асыл сөзбен апталған. Парағы бар сөйлейтін, Ол қазына өлмейтін. (Кітап) Ой қозғау:

-Мектепке балалар не үшін келеді?

- Оқу, білімді алу үшін оқушыға не керек? (Кітап)

Кітаптың пайдасы туралы әңгімелесу

Мұғалім сөзі: Кітап адам өмірінде аса маңызды рөл атқарады. Кітап елді сүюге, талапты, кішіпейіл болуға, мейірімділікке, төзімділікке баулиды. Кітап жаман әдеттерден аулақ болуға шақырады. Кітапты біздің қоғамымыздың әрбір адамы күнделікті тұрмысында қолданады. Одан ақыл – кеңес, тәлім – тәрбие, үлгі - өнеге алады. Кітап – біздің рухани жан азығымыз. Кітап – ғылым, ол бүкіл адам баласына ортақ. Кітап – ғылым, білім жемісін халық арасына жаюшы, таратушы. Кітап – ақылдың кені. Кітап – бар білімнің, бар ғылымның бастауы. Кітап – барлық заманда да білім қазынасының ғажайып қоймасы. Өз бетімен кітап оқып, оның көмегімен үздік білім алған, сөйтіп атақты ғалым болған адамдар да дүние жүзінде аз емес. Мысалы: Әлемге әйгілі ағылшын физигі Майкл Фарадей бала кезінде кедейліктен оқи алмай жұмыс істейді. Ол кітап түптеп күн көреді. Ақырында өз бетінше білім алып, дүниеге әйгілі ғалым болады. Қазақтың ұлы ақыны Абай Құнанбай ұлы өз білімін өз бетімен ізденуінің, кітапты көп оқуының арқасында жетілдіреді әрі бірнеше тілді меңгереді, алдыңғы қатарлы ойшылдардың еңбектерімен танысады. Ұлы ақын, ойшыл дәрежесіне дейін көтеріліп, бүкіл әлемге танылады. Кітапта алма ағашы,

Жемісін біздер теретін.

Тәтті алмаға балашы

Кітабыңның әр бетін, - деп Музафар Әлімбаев атамыз жырлағандай әдеби кітаптар мен

оқулықтар – сендерге білім көзі, рухани қазына. Дана халқымыз «Батыр бірді жығады,