Оқушы, мұғалім және ата-ана ынтымақтастығы туралы мақала

Балалардың табысты оқытудағы ата-аналардың рөлі

Адамның үлкен өмірге өз жолын тауып, өмір сүріп кетуіне жеңіл желпі қарамай, үлкен тұлға болып қалыптасуына бағыт-бағдар беру керек.Ата-анадан берілетін жақсы тәрбие- алдағы өмірінің тағдыры шешілетін, адамның білімді тұлға болып өсуіне, алдағы өмірінде елдің ойлайтын, жерді қорғайтын мықты тұлға болуын қалыптастыратын негізгі кезең.

Ұрпақ тәрбиесіне қандай халық болса да үлкен мән берген. Балалардың жақсы тәрбие, білім алуына мықты тұлға болуына қоршаған ортаның, ата—ананың және мектептің рөлі өте зор.

«Ұяда не көресің, ұшқанда соны ілерсің» –деген нақыл сөз бар.

Кейбір ата-аналар: «Балама үйде жағыдайын жасап қойдым ішетін тамағы, киетін киімі бар» - дейді. Оқу-білім мен тәрбиені мектеп мұғалімдерінің жұмысы деп ойлайды.

Бала тәрбиесі мен оқу білімін мектеп мұғалімдеріне ғана аударып қоймай ата-анан мен қоғамдық ұйымдар бірлесе жұмыс атқарса тиімді болар еді. Қазіргі жаhандану заманнында оқу-тәрбие жұмысының түрлері өзгеріп, жаңарып дамып отырады.Болашақ ұрпақты тәрбиелеу кезеңдерінде шешуші роль мектеп болғандықтан, ұстаздарға үлкен жауап кершілік артуда. Оқушылар мектеп арқылы үлкен өмірге шыңдалып қанат қағады.

Мектеп еш уақытта ата-анадан, қоғамнан бөлініп, өз бетінше жеке дара мекеме болған емес. Мектеп жұмысы халықпен бірге біте қайнасқан.

Ол бала тәрбиесін ұйымдастыруда, жеке адамның қалыптасуына, дамуына әр түрлі факторларды үйлестіріп, көптеген тәрбие түрлерін жүзеге асырады. Оқушыларға оқу-тәрбие беруде ата-ана маңызды рөл атқарады. Ұстаздар мен ата-аналар ынтымақтаса жұмыс жүргізсе балаларға жақсы тәрбие, бағыт- бағдар берсе, тәртіпті, білімді азаматтар шығатыны сөзсіз.

Менің ойымша, өскелең ұрпақ еңбекқор, адал, білімді, ақылды болып қана қоймай, тәрбиелі де көркем мінезді, ибалы болу керек.

Авторы: Жұмаш Шерхан