Ұстаз, ата-ана және шәкірт ынтымақтастығы туралы мақала

ҰСТАЗ.АТА-АНА.ШӘКІРТ.

Қырықбай Күләш Мұхатайқызы-тарих пәнінің оқытушысы

Атырау жоғары көпсалалы «Болашақ» колледжі

Ұстаз.Ата-ана.Шәкірт.

Бүгінгі қазақ қоғамының алдында тұрған сара жол- Президент жүргізіп келе жатқан сындарлы саясаттың бірі жас ұрпаққа сапалы білім беруді жүзеге асыру.Ал,сапалы білім мен саналы тәрбие ұрығын қатар себетін тұлға –ұстаз екені шындық.Мұғалім өз мамандығының патриоты, ұйытқысы болуы керек.Мұғалім шәкіртті тәрбиелеп,білім беруде сол оқушы жанының инженері де,оларға адамгершілік қасиетті ендіруде мүсінші.Ол өз ісінің хас шебері бола отырып,жоғары мәдениеттілігімен оқушы мен ата-анасының сезімтал досы болуы керек. «Педагог-деп жазды,А.В Луначарский,-бұл жас ұрпақтың бойына ғасырлар бойы жинақталған барлық асылдарды сіңіруші,әрі оларды соқыр сезімдерден,жамандықтардан және жұқпалы мерездерден аулақтаушы адам».

Шынында,қазіргі мектеп жасына толған сәбилерден бастап небір ірі мемлекет қайраткерлері, данышпан ғалымдар алғашқы білім сатысының тұңғыш бастамасын ең бірінші өз ұстаздарынан алды.Ұстаз шәкірттеріне отбасы мүшелерін,әсіресе,ата-аналарын, жора жолдастарын сүйе білуге үйретеді,баулиды.Сонымен бірге Ы.Алтынсариннің: «Баланы дұрыс күт,түзу тәрбиеле,қисығын түзе, адасса айқын жолға сал»,-деген тәрбиелік маңызы зор сөздерін мүлтіксіз орындауға шақырады.

Қазақта: «Баланың алғашқы ұстазы –ата –анасы» деген сөз бар.Ата-ана өмір тұтқасы, отбасы ұйытқысы.Олар баланың келешегіне бағдар береді.Кезінде ұлы Аристотель:«Адам табиғаты–жақсылыққа да, жамандыққа да бейім.Жақсы тәрбиеге тап болған адам өз бойында ізгілікті қасиеттерді қалыптастырады,керісінше,нашар тәрбие,дағды адамды парасатсыздыққа,жарамсыз іс-әрекеттерге душар етеді» десе,ал Макаренко: «жақсы тәрбиеленген бала өміріміздің жемісі әрі халық алдыңдағы атақ-абыроймыз.Ал жаман тәрбиеленген бала мемлекет алдында,жалпы бұқара қауым алдында жасаған ауыр күнәміз» деп атап көрсетеді.Осындай маңызы бар асыл сөздерді мұра тұтқан әрбір ата -ана бала тәрбиесінде кездесетін олқылықтарды болдырмау мақсатымен,бұл мәселеге үлкен мән беріп,баласы оқитын білім ордаларымен тығыз қарым-қатынас жасайды. Екіншіден,баламен қарым-қатынас жасаған кезде тартымды сөйлеу,әрбір іс-әрекетке қызықтыру сияқты тәрбие жұмыстарын қолға алады.

Ата-ананың мұндай қасиеті баланың келешегіне арналған жолдамасы болып та саналады.Олай дейтін себебіміз,бала сәби кезінде солқылдақ жас шыбық сиақты иілгіш,елгезек,болған оқиға мен табиғат құбылыстарын,сондай-ақ,көргендерін тез қабылдағыш,әсте ұмытпайтын сезімтал,еліктегіш келеді. Бала өмірге келгенде отбасы мүшелері үлкен қуанышқа бөленеді.Тамаша сауық құрып,сәбиге келісімді ат қояды.Амал не кейбір ата-ана бала туған күннен бастап,ата- анамен, әжеге теліп,немесе жасымыз ұлғайған кезде көрген перзентіміз еді деп жастайынан қатты еркелетеді.Ондай бала ешкімге бағынбайды,айтқанын істеуге үйренеді.Тіпті әке шешесінің аттарын атап,керек болса,әдепсіз сөздер де сөйлейтін болады.Келген қонақ не десін,жөнсіз болсада іштей тістене отырып кешіреді.Ер жеткен соң басылар деген тәтті үмітпен шектеледі.Әрине,бұл қате түсінік,бала кемілденіп,мектеп жасына толған кезде бұрынғы нашар әдетіне қоспаса,кемітпесі сөзсіз.Онда мектепте ешкімге бағынбай,сотқарлық мінез көрсетіп,дөрекі сөйлеу,қоғамдық жұмыстардан өзін оқшау ұстау сияқтылар пайда болады.Кейде әлі жеткендерге қол жұмсап,өзін-өзі көтермелеп,өркөкіректікке салынуы да мүмкін.Міне,осындай шәкірт,біріншіден,оқушылар ережесін бұзып,тәртіпсіздік ж