Оқыту мен оқудағы көшбасшылық шеберлік сыныбы

Солтүстік Қазақстан облысы

Жамбыл ауданы

Преснов жалпы орта білім беру мектебі

қазақ тілі мен әдебиеті пәнінің мұғалімі Абишева Айнагуль Ахметжановна

Тақырыбы:

Оқу мен оқытудағы көшбасшылық

Өту ұзықтығы:

30 минут

Мақсаты:

Оқу мен оқытудағы әдіс-тәсілдер арқылы топ ішіндегі көшбасшыны анықтау

Жұмыстың түрі:

практикалық сабақ

Көрнекілігі:

м/медиялық тақта

Таратылатын материалдар:

Әңгіме, суреттер,стикерлер, А4 парақтары, тапсырмалар

Оқу нәтижесі:

Топтық жұмыста әдістер арқылы көшбасшының жұмысы байқалады.

Түйінді идеялар:

Оқу мен оқытудағы көшбасшылық негізінде көшбасшыны анықтаудағы әдістердің тиімдісін іс-тәжірибеде пайдалану, жауапкершілік қағидатын қалыптастыру арқылы ынтымақтастықта жұмыс жасату.

Кезеңдері:

І. Қызығушылығын ояту;

ІІ. Мағынаны тану;

ІІІ. Ой толғаныс

ІV. Рефлексия жасау;

Шеберлік сыныбының барысы:

Өзім туралы ақпарат:

Қайырлы күн, әріптестер! Менің аты-жөнім - Абишева Айнагуль Ахметжановна. қазақ тілі мен әдебиеті пәнінің мұғалімі.

Шеберлік сыныбымның тақырыбы: «Оқу мен оқытудағы көшбасшылық»

Шеберлік сыныбының эпиграфы:

Жетістік – бұл бүкіл әлемде қалыптасқан стандартқа сай болмау. Бұл үздіксіз даму және ӨЗ мақсаттарына жету үшін ұмтылыс

Джон Вон Эйкен

Сабақтың жоспары

І.Қызығушы

-лықты ояту

5 минут

ІІ. Мағынаны тану

20минут

ІІІ.Ой толғаныс

5минут

VІ.Қорытынды /Рефлексия/

1 минут

Мұғалімнің әрекеттері:

Нәтижесі:

Тақтада төменде аталған ұлы адамдардың суреттері көрсетіледі

Қазақ билері: Әйтеке би, Төле би, Қазыбек би

Қазақ хандары: Абылай хан, Әбілхайыр хан, Кенесары

3. Ел басшылары: Н.Ә.Назарбаев, Д.А.Қонаев, В.В.Путин

4.Педагогтар: А.Байтұрсынов, Ы.Алтынсарин, А.С.Макаренко

5. Спортшылар:Ж.Үшкемпіров, С.Қонақбаев, И.Ильин.

Осы тұлғалардың барлығына ортақ қандай қасиет бар деп ойлайсыздар? (Әр топ өз ойын ортаға салады )

-Ойларыңыз анықталды. Қазір топтарға ортақ мәтін таратамын және тапсырма мен сурет беремін. Мәтінді мұқият оқыңыздар.

Ы.Алтынсарин «Асыл шөп» әңгімесі

Зылиха мен Бәтима деген біреудің қызметінде тұрған екі қыз бала төбесіне бір-бір жәшік жеміс көтеріп, қалаға келе жатыпты-мыс. Зылиха аһлеп-уһлеп, шаршадым деп, Батима күліп, әзілдесіп келе жатады. Сонда Зылиха айтты:

Сен неге мәз болып қуанып келесің, төбеңдегі жәшіктің ауырлығы да менің басымдағыдан кем емес, өзің де менен күшті емессің.

Мен жәшігімнің ішіне ауырды жеңілдететін бір шөп салдым,- деді Бәтима.

Әй, ондай болса шөбіңнің атын айтшы, мен де ауырымды жеңілдетейін, - деді Зылиха.

Ол шөп сенің қолыңа түспей ме деп қорқамын, аты : сабыр деген, - деді.

1.Мәтінді топ болып оқып жатқанда өзім көшбасшы деп таңдаған топ мүшесінің орындығының сыртына стикерді ешкімге байқатпай жапсырамын.

Мәтінді оқып болған соң орындықтарына қарауды ұсынамын кімде стикер жапсырылғанын сұраймын.

Стикер жабысқан топ мүшесі көшбасшы болады

Көшбасшы тапсырма бойынша мүшелермен ой бөліседі.

Барлық ойды жинақтап тапсырманың орындалуын топ атынан көшбасшы айтады.

Мәтін бойынша топтарға тапсырмалар:

І топ Әңгіменің мазмұнына негізделген тірек сөздерді айтыңыздар

ІІ топ Әңгіменің жақсы жақтарын айтыңыздар

ІІІ топ Адам бойындағы жақсы қасиеттерді әңгіме мазмұнына сүйене отырып айтыңыздар.

ІҮтоп Зылиқа мен Бәтимәнің іс-әрекетін қандай мақал-мәтелмен байланыстыруға болатынын айтыңыздар.

Қол соғу арқылы жауапты қошаметтеп отырамыз.

Суреттер: І топқа -ағаш, ІІ топқа -кітап,

ІІІ топқа -жүрек, ІҮ топқа – гүл

-Діңі берік табиғат бөлшегі ағаш сияқты жақсы қасиеттерді әңгімеден бойға жинап, бұтағымызды тәжірибеде кеңге жаямыз.

-Ыбырайдың әңгімесін зейінмен түсініп, тағы да әңгімелерін кітаптан оқығымыз келді.

- Әңгіменің жақсы жақтарын әсіресе Бәтиманың астарлы ойын жүрекке түйдік.

- Гүлдей жайқалған екі қыз баланың еңбек етуі үлгі аларлық жайт