Органикалық химиядан зертханалық жұмыстар 11 сынып

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ

МИНИСТРЛІГІ «М.О.ӘУЕЗОВ АТЫНДАҒЫ ПЕДАГОГИКАЛЫҚ

КОЛЛЕДЖІ» КМҚК

Органикалық химия пәні бойынша

зертханалық жұмыстар (Әдістемелік нұсқаулық)

Құрастырған: Куспанова Л.У.

Семей қаласы

Куспанова Л.У. Органикалық химия пәні бойынша білім алушыларды зертханалық жұмыстарды жасауға оқыту. Семей 2019-2020ж

Әдістемелік нұсқауда органикалық химия пәні бойынша орындалатын зертханалық және эксперименттік есептер берілген. Нұсқау білім алушылар мен оқытушыға арналған.

Пікірнемеші: ОМБ жаратылыстану бірлестігінің төрағасы А.Н.Ташметова

Кіріспе

Әдістемелік нұсқаулықтың ішіндегі маңыздыларының бірі – химиялық зертханалық жұмыстар мен эксперименттік есептерді шешу. Зертханалық жұмыстар жасау және эксперименттік есептерді шешу арқылы білім алушылардың алған білімі нақтыланады, жетілдіріледі, көздері жетіп нығаяды. Эксперимент есептері тәжірибелер жасау арқылы шығарылады. Осы зертханалық жұмыс, эксперименталдық есептер шығару барысында білім алушылардың ақыл-ойы дамиды, интеллектуалды біліктері мен дағдылары қалыптасады, еңбек сүйгіштігі, мақсатына жету жолындағы табандылығы, өз ісіне жауапкершілігі артып, жеке бас гигиенасын сақтау қабілеті, ұқыптылық қасиеттері артады. Зертханалық жұмыстың мақсаты білім алушылардың өзіндік жұмысқа дайындалу, тәжірибелерді жүргізу, бақылау нәтижесінде алынған қорытындыларды дәптерге өңдеу ынғайларын нығайту болып табылады. Нұсқаулықта оқу жоспарымен салыстырғанда жұмыс мөлшері едәуір көп. Бұл кез келген жұмысты қолда бар реактивтер мен құрал- жабдықтарды ескеріп жүргізуге мүмкіндік береді.