Күзгі ормандағы оқиға ертеңгілігінің сценарийі

«Күзгі ормандағы оқиғалар» атты ертеңгіліктің сценариі.

Балалар әсем әуеннің ырғағымен залға кіреді. Қолдарында жапырақтары бар. Олар орындарына тұрып билейді.

Жүргізуші: - Келді міне алтын күз, Сары шашты жарқын жүз. Мол өнімді ісімен Таңдандырып халқын күз. - Армысыздар ағайын! Сәлеметсіздерме, қадірлі қонақтар! Бүгінгі берекелі де ырысты алтын күз құрметіне арналған мерекемізді бастаймыз.

1.Тоңазып, атырап, Көп жеміс піседі. Сарғайып жапырақ, Саудырап түседі.

2. Аспанды сұрғылт бұлт, Жан-жақтан жабады. Күн бірте суытып, Жауын көп жауады.

3. Көк майсалы көрікті, Алқаптағы көпегін. Бұл күндері киіпті, Сары жібек көйлегін.

Ән « ».

Жүргізуші: - Жарайсыңдар! Орындарыңа жайғаса қойыңдар! Балалар,қараңдаршы, жердің бәрі қандай әдемі. Біз сиқырлы орманға келген сияқтымыз. Жердің бәрін Алтын күз түрлі түске бояп тастапты.Балалар, Алтын күзді біздің мерекемізге шақырайық.

Бәрі бірге: - Алтын күз! Алтын күз!

Үйшіктің ішінен түшкірген дауыс естілді.

-Апчхи! Апчхи!

Жүргізуші: - Балалар, мына жерде біреу тығылып отырған сияқты. Қазір көреміз. (Үйшіктің артына барады. Ол жерде Гномик отыр екен.

Гномик: - Саламатсыңдар ма, балалар! Сендер мен сияқты бәрін кіп-кішкентай, әп-әдемі екенсіңдер.

Ж-ші: - Саламатсың ба, құрметті Гном! Біздің балалар шынында да әдемі болып келді, өйткені, бүгін мереке ғой.Бірақ біздің балалардың жасы төртте, ал сен болсан олардан үлкенсін ғой.

Гномик: - Иә, дұрыс айтасын, менің жасым 90-да, бірақ менде ойнағанды, секіргенді, ән айтқанды жақсы көрем.Енді маған айтыңдаршы, сендерде қандай мереке болып жатыр?

Ж-ші: - Бізде бүгін Күз мерекесі болғандықтан, біз орманға Күз Ханшайымын көруге келдік.Біз оған ән, би дайындап келдік. Бірақ ол келмей жатыр.

Гномик: - Онда мен сендерге көмектесейін. Бірақ ол үшін сендер менің көңілімді көтеріңдер.

Ж-ші: - Жарайды. Қазір біздің балалар саған би билеп береді.

Би « ».

Гномик: - Жарайсыңдар, балалар, билерін тамаша екен. Ал, енді ойын ойнасыңдар ма?

Ойын.

Гномик: - ой, балалар, сендер маған қатты ұнадыңдар, сендермен қоштасқым келмей тұр. Мен сендерге Күз Ханшайыммен кездесуге көмектескім келіп тұр.Қазір мен сиқырлы айнама қараймын. Мүмкін ол білетін шығар.

Сиқырлы әуен орындалады.Гномик табақта алманы жүргізеді.

Гномик: - Балалар, мен бір үйді көріп тұрмын. Ол үйді әтеш қараулдап тұр. Ал үйдің ішінде Күз Ханшайымы ұйықтап жатыр. Ол сиқырланған. Басқа ештеме көрінбейді. Мен сендерге сиқырлы жіпті беремін, ол сендерге жолды көрсетеді. Ал менің кетуім керек. Сау болыңдар!