Орманды оятайық мектепке дейінгі ашық сабақ үлгісі

САДЫКОВА ГУЛЬНАЗИ АЛИМХАНОВНА

ӨСКЕМЕН ҚАЛАСЫ ӘКІМДІГІНІҢ «№100 БАЛАБАҚША- БӨБЕКЖАЙЫ»

2019 ЖЫЛ

Орманды оятайық.

Білім беру саласы: «Таным» , «Коммуникация», «Шығармашылық».

Ұйымдастырылған оқу қызметінің түрі: Қарапайым математикалық ұғымдарды қалыптастыру, тіл дамыту, қоршаған ортамен таныстыру, жапсыру.

Тақырыбы: Орманды оятайық.

Білімділік міндеті: 1-ден 10-ке дейін тура және кері санай, жоқ санды, сандар көршілерін таба білу, жазықтықтағы, кеңістіктегі қарым-қатынастар (сол жақта, оң жақта, жоғарыда, төменде, биік- аласа, аз- көп) туралы түсініктерін бекіту, заттарды көз мөлшермен, шартты өлшеуіштер қолдана отырып, өлшеп салыстыру дағдыларын жетілдіру, геометриялық пішіндерді ; үштұрыш, тіктөртбұрыш, шаршы, дөңгелек, сопақша, денелер цилиндр, текшелерді ажырата , қағазды бүктеу және қарындаш ізі бойынша қию, ұя бөліктерін дұрыс құрастыра отырып желімдей білу.

Дамытушылық міндеті: Ойлау, есте сақтау, танымдық қабілеттерін, көргендерін, салыстырғандарын байланыстыра отырып жеткізе білу дағдыларын дамыту.

Тәрбиелік міндеті: Бірін- бірі тыңдап, бірлесе жұмыс істей білуге тәрбиелеу.

Алдын- ала жұмыстар: Тақпақтар, санамақтар жаттату.

Көрнекі құралдар: Суреттер, топтамалар, Фребел таяқшалары, слайд.

Әдіс- тәсілдер: Әңгімелесу, сипаттау, көру, дидактикалық ойындар, жапсыру

Тілдің үштұғырлығы: бір-один- оne, екі-два- two, үш-три- three, төрт-четыре- four,бес-пять- five, алты- шесть-six, жеті-семь-seven, тоғыз- девять- nine, сегіз – восемь - eigh , он – десять –ten, аю- медведь- bear, қасқыр- волк- wolf , түлкі- лиса- fox

ҰОҚ барысы:

Мотивациялық- қозғаушылық:

Шаттық щеңбері: Арайлы таңатты!

Алтын сәуле таратты!

Жарқырайды күніміз!

Жарқырайды даламыз!

Қайырлы таң, балалар!

Қайырлы таң, достарым!

Қайырлы таң, қонақтар!

-Балалар қазіргі табиғат ерекшеліктерін сипаттайықшы.

-Күн жылы.

-Жерге жасыл шөп өсіп келеді..

-Ағаштар жапырақ жайып келеді.

-Көктем гүлдері өсті

-Жылы жақтан құстар ұшып келіп жатыр.

-Ал мұндай табиғат өзгерістері қай мезгілде болады? ( Көктем мезгілінде болады.)

-Көктем мезгілі туралы қандай тақпақ білесіңдер? (Білетін тақпақтарын айтады.)

-Ал бүгін аптаның қай күні? (-Бүгін аптаның бірінші күні –дүйсенбі.)

-Бір аптада неше күн бар? (-Бір аптада жеті күн бар.)

-Апта күндері туралы қандай тақпақ білеміз?

«Апта атайдың ұлдары.»

Апта деген атайдың,

Жеті бірдей ұлы бар.

Біріншісі –дүйсенбі,

Екіншісі сейсенбі

Үшіншісі – сәрсенбі

Төртіншісі –бейсенбі

Жұма деген- бесінші ұл,

Алтыншысы- сенбі,

Жетіншісі- жексенбі.

(Эрандағы суретке назар аударту)

-Бір қарлығаш өз орманына ұшып келіпті

-Қараңдаршы қарлығаштың көңіл- күйі қандай? (-Көңілсіз.)

-Неге көңілсіз деп ойлайсыңдар? (-Өйткені оның орманы әлі оянбапты.)

-Ендеше біз орманның оянуына көмектесейік.

Ұйымдастырушылық- ізденістік:

-Орманда нелер өмір сүреді?( -Орманда ағаштар, шөптер, гүлдер өседі. Құстар, аңдар өмір сүреді.)

-Олай болса біз көптеген тапсырмалар орындасақ орман оянады.

1-тапсырма:

Д/О «Не қайда орналасқанын есіңе сақта»

Мақсаты: Кеністікті, жазықтықты бағдарлай, сол жақта, оң жақта, жоғарыда, төменде, алдында- артында, биік- аласа, аз- көп ұғымдарын қолдана білу. Есте сақтау қабілеттерін дамыту.

Шарты: Суретті мұқият қарап алады да , екінші қағазға естерінде қалған суреттерді өз орнына қайда тұрғанын айтып орналастырады.

-Күн тура ортада тұрды, бұл түс мезгілі.

-Машина үйдің артында тұрды.

-Гүлдер үйдің алдында өсіп тұрды.

-шыршалар оң жақта өсіп тұрды.

-Ағаштар сол жақта өсіп тұрды.

- Құстар жоғарыда аспанда ұшады.

-Жануарлар төменде , жерде өмір сүреді.

-Аспанда күннің сол жағында бұлт болған. –деп әр бала сәйкес суретті өз орнына орналастырады. (магнитті тақтада)

-Балалар, сендер тапсырманы өте жақсы орындадыңдар, біздің орманымызда не өзгеріс болды екен? (-Жерге шөп шығып қапты.)

-Яғни орман ояна бастады. Енді келесі тапсырманы орындайық.

2-тапсырма:

а) Сипаты бойынша ағаштарды табады:

Ол - ең жуан ағаш, биіктігі орташа ( терек)

Бұл ағаш ең жіңішке және ең биік ағаш (қайың)

Жуандығы да биіктігі де орташа ағаш. (шырша)

Енді осы анықтағандарымыз дұрыс екенін тексеріп көрейік.

Б) Жұбтық жұмыс: әр жұпқа слайдтағыдай үш ағашы бар суреттер беріледі

Балалар Фребел таяқшаларын шартты өлшеуіш ретінде қолданып, әр ағаштың үстіне бойымен тігінен қояды, неше рет қойғанын санап, ағаштардың биіктігін салыстырады. Әр ағаштың астына тиісті цифр жазылған карточканы қояды. Содан соң ең үлкен цифрды табады. Бұл ағаш ең биігі болып саналады.

Енді ең кіші ағашты табады.

Ағаштардың қайсысы жуан- жіңішке екенін тексеру үшін таяқшаларды ағаштар үстіне көлденеңнен орналастырып, неше таяқша сиғанын санап, сәйкес цифрларды қояды. Ең үлкен сан ең жуан ағаш, ең кішісі ең жіңішкесі.

-Бұл тапсырмаларды да өте жақсы орындадыңдар. Орманымызда өзгеріс болды ма екен байқайық. ( -Ағаштар жапырақ жайыпты.)

3-тапсырма:

а) 1- 10- ға дейін үш тілде тура және, кері санату.

ә) «Жоғалған сандарды тап»

б) «Көршісін ата»

в) Санамақтар айтқызу.

-Орманымызда өзгеріс болды ма екен байқайық. (-Орманда гүлдер пайда болыпты.)

-Қандай көктем гүлдерін білесіңдер? (- Бәйшешек, қызғалдақ, сарғалдақ, бақ-бақ, інжу.)

Сергіту жаттығуы.

Қарлығаш болып ұшайық,

Бір отырып, бір тұрып,

Жақсы сергіп алайық.

Қарлығашқа ұқсайық,

Қанат жайып ұшайық.

Ұшып-ұшып алайық,

Орнымызға қонайық.

4-тапсырма: