Өрнектерді есептеу а+2 және а-2, 1-сынып сабақ жоспары

Сабақтың тақырыбы: Өрнектер. а+2, а-2

Сабақтың мақсаты:

1. Оқушыларға а+2, а-2 өрнектерінің мәндерін 2 санын қосу кестесін қолданып табуға, математикалық өрнектерді оқи білуге үйрету, есеп шығару білігін жетілдіру.

2. Есте сақтау қабілетін дамыту үшін ауызша, жазбаша есептеу дағдыларын қалыптастыру, логикалық ойлау қабілетін дамыту.

3. Ұқыптылыққа, таза, әдемі жазуға жетелеу .Сандарды дұрыс айтуға, ұйымшылдыққа тәрбиелеу.

Сабақтың түрі: аралас сабақ.

Сабақтың әдісі: түсіндіру, сұрақ - жауап.

Сабақтың көрнекілігі: кестелер, сурет, геометриялық фигуралар, интерактивті тақта.

Сабақтың барысы: Ұйымдастыру.

Психологиялық дайындық.

Біздер тату баламыз,

Өсіп алға барамыз.

Есептерді шығарып,

Білімді шәкірт боламыз.

- Жарайсыңдар балалар, олай болса бүгінгі сабағымыз күндегіден ерекше болмақ, сондықтан бәріміз бүгінгі сабаққа белсене қатысып отырайық. Мен сендерді мына геометриялық фигуралармен ( -5, -4, -3) бағалаймын.

Үй тапсырмасын тексеру.

4 - есеп

Үй тапсырмасын бекіту. Сұрақ – жауап.

- Бір аптада неше күн бар?

- Бүгін аптаның нешінші күні?

- Кесіндіні немен өлшейміз?

Арифметикалық диктант

3 және 6, 7 және 3 сандарының қосындысының мәндерін тап.

10 және 9, 10 және 6, 10 және 2 сандарының айырмасының мәндерін тап.

Азайғыш 9, азайтқыш 7, айырманың мәні неге тең?

- Жарайсыңдар, балалар үй тапсырмасына жақсы дайындалып келіпсіңдер.

Жаңа сабаққа дайындық.

Сандар қатарын тура және кері санау.

Бірден кейінгі келесі сан қандай? 2

А+2, а-2 өрнегі қандай өрнек? Әріпті өрнек.

Өте дұдыс.

Жаңа сабақ.

Олай болса, біздің бүгінгі сабағымыздың тақырыбы а+2, а-2 өрнегінің мәндерін табу.

Өрнек дегеніміз не? (Қосынды, айырма.)

Әріпті өрнек дегеніміз не? (Математикада белгісіз санның орнына әріп жазады. Сондықтан оны әріпті өрнек дейміз.)

2 санының құрамын еске түсіру. 1+1=2, 2-1=1

Оқулықпен жұмыс.

№1 тапсырма. Кестені толтыр.

а

а+2

а

а-2

Сергіту сәті: Оң қолымда 5 саусақ,

Сол қолымда 5 саусақ.

Қосып едім екеуін,

Болып шықты 10 саусақ.

№2 тапсырма. Оқы. Салыстыр.

10 оқушы сапқа тұрды. Бесінші болып тұрған оқушы алға шықты. Сапта неше оқушы қалды?

Шарты: Барлығы - 10 оқушы